editorial
Los nòu ans de Jornalet
Lo 31 de març de 2012, nasquèt Jornalet. Fasiá de temps que l’alestissiam e decidiguèrem aquela data per lo far espelir al moment de la granda manifestacion per la lenga occitana que se teniá a Tolosa. Nòu ans son ja passats e non demòra que l’opcion de contunhar e d’anar mai luènh.
Sèm pas las personas mai apropriadas per o dire, mas avèm la percepcion que per fòrça occitans, legir aqueste quotidian es una abitud de cada jorn o de cada setmana. Aquò es justament la tòca que tot mèdia cèrca e podèm doncas afirmar qu’avèm atench una partida importanta de nòstra tòca. Volèm, doncas, grandmercejar los legeires, los collaboradors, los redactors, los opinants, la còla del conselh lingüistic, lo corrector e los amics que nos ajudan a far avançar aqueste projècte; e, solide, los anonciaires que nos ajudan a finançar e las institucions que nos donan tanben un còp de man e l’associacion dels Amics de Jornalet. Res de tot aquò seriá pas possible se manquèsse un dels elements qu’avèm mençonats.
Estatisticas
Coma d’abitud, a l’escasença d’aqueste anniversari, volèm ofrir qualques donadas sul jornal. Pendent aqueles nòu ans son passats per las paginas de Jornalet mai de 2,14 milions de vesitaires qu’an dobèrt 5,46 milions de paginas. Dins l’an 2020 son arribats a las paginas de Jornalet 63 055 legeires nòus en mantenent la mejana del milièr de legeires per jorn. Aquò es pas marrit per un mèdia en lenga minorizada!
Avèm de legeires dins tot lo Mond, mas la granda majoritat son de legeires que vivon en Occitània. E mai Barcelona (10,85%) siá la primièra vila en nombre de legeires, aquesta es seguida de Tolosa (7,08%), Montpelhièr (6,13%), París (5,66%), Bordèu (4,01%), Pau (2,83%), Colomèrs (1,89%), Lion (1,65%), Tarba (1,42%)...
Per estats, França es lo que pòrta mai de legeires a Jornalet, lo 62,75%, seguida d’Espanha amb lo 22,79%. Itàlia nos pòrta a pena lo 2,45% dels legeires, çò que nos fa veire que nos deuriam sarrar mai de las Valadas e de la Gàrdia. Cal dire que long d’aquestas sèt annadas sèm estats legits dins totes los païses del Mond manca Centreafrica, la Corèa del Nòrd, lo Sahara Occidental e lo Sodan del Sud.
Una donada fòrça considerabla es que, demest totas las personas qu’an vesitat lo sit de Jornalet pendent las darrièras nòu annadas, lo 64,9% i son tornats .
D’òbra a la disposicion del public
Mentre que sèm totjorn a crear un libre d’estil, una còla de lingüistas an collaborat a bastir un modèl pròpri de lenga per aqueste jornal, qu’a desvolopat un còrpus enòrme que metèm a la disposicion de totas las entitats que lo demandarián. Lo podèm fornir, se cal, cada jorn mes a jorn. Es tanben a la disposicion de totes lo trabalh menat a tèrme d’apròchi de las las encontradas tradicionalas d’Occitània.
Los Amics de Jornalet
Contunha per nosautres lo miracle de viure dins la precarietat sostenguts unicament per una modèsta mas pas brica mespresabla subvencion de la Generalitat de Catalonha. Totun, çò que fa venir vertadièrament possible aqueste jornal son las contribucions individualas, los dons que nos pervenon per PayPal, e los sòcis de l’ADÒC (associacion de drech catalan) e de l’associacion Los Amics de Jornalet (associacion de drech francés). Se vos i sètz pas encara marcats, o podètz far aicí: jornalet.com/socis.
Avèm tanben creat una botiga en linha, ont dins las setmanas avenidoiras s’i poirà crompar de libres e disques gràcias a d’acòrdis amb l’IEO d’Arièja e Pagès Editors. Mentretant, la podètz vesitar per aquerir vòstres exemplars de la revista de Jornalet en papièr.
Sèm pas las personas mai apropriadas per o dire, mas avèm la percepcion que per fòrça occitans, legir aqueste quotidian es una abitud de cada jorn o de cada setmana. Aquò es justament la tòca que tot mèdia cèrca e podèm doncas afirmar qu’avèm atench una partida importanta de nòstra tòca. Volèm, doncas, grandmercejar los legeires, los collaboradors, los redactors, los opinants, la còla del conselh lingüistic, lo corrector e los amics que nos ajudan a far avançar aqueste projècte; e, solide, los anonciaires que nos ajudan a finançar e las institucions que nos donan tanben un còp de man e l’associacion dels Amics de Jornalet. Res de tot aquò seriá pas possible se manquèsse un dels elements qu’avèm mençonats.
Estatisticas
Coma d’abitud, a l’escasença d’aqueste anniversari, volèm ofrir qualques donadas sul jornal. Pendent aqueles nòu ans son passats per las paginas de Jornalet mai de 2,14 milions de vesitaires qu’an dobèrt 5,46 milions de paginas. Dins l’an 2020 son arribats a las paginas de Jornalet 63 055 legeires nòus en mantenent la mejana del milièr de legeires per jorn. Aquò es pas marrit per un mèdia en lenga minorizada!
Avèm de legeires dins tot lo Mond, mas la granda majoritat son de legeires que vivon en Occitània. E mai Barcelona (10,85%) siá la primièra vila en nombre de legeires, aquesta es seguida de Tolosa (7,08%), Montpelhièr (6,13%), París (5,66%), Bordèu (4,01%), Pau (2,83%), Colomèrs (1,89%), Lion (1,65%), Tarba (1,42%)...
Per estats, França es lo que pòrta mai de legeires a Jornalet, lo 62,75%, seguida d’Espanha amb lo 22,79%. Itàlia nos pòrta a pena lo 2,45% dels legeires, çò que nos fa veire que nos deuriam sarrar mai de las Valadas e de la Gàrdia. Cal dire que long d’aquestas sèt annadas sèm estats legits dins totes los païses del Mond manca Centreafrica, la Corèa del Nòrd, lo Sahara Occidental e lo Sodan del Sud.
Una donada fòrça considerabla es que, demest totas las personas qu’an vesitat lo sit de Jornalet pendent las darrièras nòu annadas, lo 64,9% i son tornats .
D’òbra a la disposicion del public
Mentre que sèm totjorn a crear un libre d’estil, una còla de lingüistas an collaborat a bastir un modèl pròpri de lenga per aqueste jornal, qu’a desvolopat un còrpus enòrme que metèm a la disposicion de totas las entitats que lo demandarián. Lo podèm fornir, se cal, cada jorn mes a jorn. Es tanben a la disposicion de totes lo trabalh menat a tèrme d’apròchi de las las encontradas tradicionalas d’Occitània.
Los Amics de Jornalet
Contunha per nosautres lo miracle de viure dins la precarietat sostenguts unicament per una modèsta mas pas brica mespresabla subvencion de la Generalitat de Catalonha. Totun, çò que fa venir vertadièrament possible aqueste jornal son las contribucions individualas, los dons que nos pervenon per PayPal, e los sòcis de l’ADÒC (associacion de drech catalan) e de l’associacion Los Amics de Jornalet (associacion de drech francés). Se vos i sètz pas encara marcats, o podètz far aicí: jornalet.com/socis.
Avèm tanben creat una botiga en linha, ont dins las setmanas avenidoiras s’i poirà crompar de libres e disques gràcias a d’acòrdis amb l’IEO d’Arièja e Pagès Editors. Mentretant, la podètz vesitar per aquerir vòstres exemplars de la revista de Jornalet en papièr.
| fffff | fffff | |||||||||||||||||||||||||||||||||||||||||||||||||||||||||||
| Las finanças de 2020 En seguida publicam las finanças pels tres projèctes que menèrem a bon tèrme en 2020, siá l’emission de television #aranésòc sus Betevé, lo projècte de vidèos cairats “Eth Ligam Occitan” e Jornalet. Despensas
Intradas
| ||||||||||||||||||||||||||||||||||||||||||||||||||||||||||||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8
A Tartarin, Tartarin e mièg, manhac !
unas despensas me pausan question.
l'emission de Beteve es produsida per Jornalet ?
4000€ de frais de gestion ?
2500€ de materiau (per 3 articles de 200 mòts / jorn ) ?
8500€ 1èir pagament dau sit !!
1750€ de desplaçaments ??
èi pas arren de díder estant que balhi pas nat sòu. pasmens m'inspira pas de'n balhar endeu moment ! 44000€ de foncionament me sembla alucinant, sustot si lo cap-redactor s'escad pas a sortir un salari.
Òsca a Jornalet e tota la còla ! Mercé a vautres !
#10
Vocabulari atestat XIII & XIV sègles :
Parson : dividende
Uchau : action
Despens : frais
Parsonièr : actionnaire
Corratadura : courtage
Corratièr (a): courtier(e)
44 214€ es lo parson de 13817 uchau Sanofi (ongan lo parson es de 3,02€ per uchau)
Crompadas , un an far al pretz de 80,14€ l’unitat çò que nos far un investissament de 1 107 295€
Vendudas adematin auriam agut 1 165 463€ çò que nos auriá fach 58 169€ de mai valença + 44 214e de parson = 102 383€ Ai pas comptat los despens de garda e de corratadiura.
De que n'auriam fach ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari