editorial
Lo torisme espacial, l’ègo e lo cinisme
Lo 10 de julhet, lo fondador de Virgin, Richard Branson, venguèt lo primièr torista de l'istòria a viatjar dins l’espaci. Acompanhat de tres autras personas, Branson s'enaurèt fins a 80 km. Segon lo Financial Post, l’aventura emetèt 13 còps mai de CO2 qu’un avion que fa un vòl transatlantic. Una setmana pus tard, Jeff Bezos volguèt anar mai luènh. Lo fondador d’Amazon efectuèt un viatge de dètz minutas fins a 100 km de distància amb la Tèrra, çò es la linha Karman, que marca la debuta de l’espaci segon la convencion internacionala. Aital Bezos poguèt afirmar que Branson èra pas anat dins l’espaci, mas qu'el si. Al total, lo trajècte durèt 10 minutas e 18 segondas. Lo còst environamental se calcula d’aperaquí 300 tonas de CO2.
En tornar, lo miliardari encara diguèt “D’aqueste viatge reteni que l’atmosfèra terrèstra es incresiblament fina e fragila”; e per tant, son viatge refortissiá segon el son engatjament per combatre lo cambiament climatic. De fach, el es lo director de la Bezos Earth Fundation que se prepausa per tòca de salvar la planeta.
Coma s’aquel cinisme semblava pas pro, Bezos gausèt mercejar sos emplegats e los clients d’Amazon: “Vòli mercejar totes los emplegats d’Amazon e totes los clients d’Amazon perque vosautres o avètz pagat”, çò diguèt. De mençonar qu’aqueles salariats que “li an pagat” son aventura egolatra trabalhan dins de condicions indignas jos la pression d’estrategias antisindicalas, de salaris minimalistas, de licenciaments aleatòris per “motivar la productivitat”... Amazon quitament reconeis que sos emplegats son constrenches d’urinar dins de botelhas.
Una indústria polluenta per de rics
En 1841, Thomas Cook organizèt çò que se considèra coma lo primèr viatge toristic de l’istòria. Foguèt un viatge en tren de 18 km. Dètz ans pus tard, menariá 165 personas a una exposicion a Londres e en seguida organizèt un itinerari a travèrs dels Païses Basses, Belgica, Alemanha e França per de rics angleses romantics. Organizèt tanben un viatge a l'entorn del Mond amb un grop de 9 toristas, que durèt 222 jorns.
Ara, Branson e Bezos an pausat la primièra pèira del torisme espacial, que sembla que seguís la meteissa draia. Una indústria lucrativa fòrça polluenta per de personas plan ricas.
E tot aquò comença dins un estiu climatologicament catastrofic, amb de temperaturas recòrd de près de 50oC e d’inondacions extrèmadament grèvas.
En tornar, lo miliardari encara diguèt “D’aqueste viatge reteni que l’atmosfèra terrèstra es incresiblament fina e fragila”; e per tant, son viatge refortissiá segon el son engatjament per combatre lo cambiament climatic. De fach, el es lo director de la Bezos Earth Fundation que se prepausa per tòca de salvar la planeta.
Coma s’aquel cinisme semblava pas pro, Bezos gausèt mercejar sos emplegats e los clients d’Amazon: “Vòli mercejar totes los emplegats d’Amazon e totes los clients d’Amazon perque vosautres o avètz pagat”, çò diguèt. De mençonar qu’aqueles salariats que “li an pagat” son aventura egolatra trabalhan dins de condicions indignas jos la pression d’estrategias antisindicalas, de salaris minimalistas, de licenciaments aleatòris per “motivar la productivitat”... Amazon quitament reconeis que sos emplegats son constrenches d’urinar dins de botelhas.
Una indústria polluenta per de rics
En 1841, Thomas Cook organizèt çò que se considèra coma lo primèr viatge toristic de l’istòria. Foguèt un viatge en tren de 18 km. Dètz ans pus tard, menariá 165 personas a una exposicion a Londres e en seguida organizèt un itinerari a travèrs dels Païses Basses, Belgica, Alemanha e França per de rics angleses romantics. Organizèt tanben un viatge a l'entorn del Mond amb un grop de 9 toristas, que durèt 222 jorns.
Ara, Branson e Bezos an pausat la primièra pèira del torisme espacial, que sembla que seguís la meteissa draia. Una indústria lucrativa fòrça polluenta per de personas plan ricas.
E tot aquò comença dins un estiu climatologicament catastrofic, amb de temperaturas recòrd de près de 50oC e d’inondacions extrèmadament grèvas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6
Arrestatz de contrahà'm Joan Peiroton. Que v'avem reconeishut com a cada còp, mes ací non avetz pas los dits en fàcia deu picader malaja. Que'vs disem que'vs deveretz préner las potingas, qu'aniré plan miélher atau.
Excellent éditorial. Que cas au lei estatsunidenca, puis un acòrd mondial, qui enebesca lo tourisme espaciau.
#3 E de qu'avètz enquèra contra lo Pascau Praud ?
Vèsi tanben qu'aquesta temporada avèm toristas sus jornalet
#1 Saique, Papioli agacha Praud de tròp sus CNews per afortir d'arguments tant inèptes.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari