editorial
Un espaci de participacion
Dempuèi decembre passat, sèm a trabalhar sus un nòu sit web que veirà la lutz a la fin de l’annada. Es una òbra longa a causa de sa complexitat, de son prètz e dels problèmas que la pandemia nos a portat tant a la redaccion coma als tecnicians. Lo nòu sit serà mai visual, de melhor navigar, mai accessible a las tauletas e als telefòns mobils. E mai serà plan participatiu. Pasmens, los comentaris seràn limitats als sòcis d'una de las doas associacions que sostenon aqueste jornal, çò es l’Associacion per la Difusion d’Occitània en Catalonha (ADÒC), enregistrada a la Generalitat de Catalonha, o Los Amics de Jornalet, una associacion de drech francés (lei 1901) creada per sosténer aqueste quotidian en linha.
Mentretant, d’aicí a decembre, vos demandam un pauc de paciéncia amb lo necitge e remembram que cada comentari incorpora, dins la partida inferiora drecha, un boton de “comentari inadeqüat”. S’un comentari vos ofensa o vos gèina, basta de quichar sul simbòl “!” e nos poiretz avertir per fin que lo poscam moderar. Volèm recordar que Jornalet es pas pensat o fach contra degun. Aqueste sit es unicament en favor d’Occitània e i a de plaça per totas las voses del país, tant que seràn respectuosas e tolerantas.
Enfin, volèm mercejar lo sosten e la solidaritat de totes, mai que mai dins los moments de dificultats economicas coma l’actual. Las ajudas que nos arriban son preciosas e nos donan lo vam que cal per èsser aicí cada jorn de l'an. En mai d'aquò, convidam totòm a mandar d’informacions, d’articles, d’idèas, de proposicions, de criticas e de contribucions. Fasètz-vos vòstre Jornalet perque Jornalet es de totes.
P.S. S’avètz d’idèas o de proposicions per festejar l’an que ven los dètz ans de Jornalet, mandatz-nos un e-mail.
Mentretant, d’aicí a decembre, vos demandam un pauc de paciéncia amb lo necitge e remembram que cada comentari incorpora, dins la partida inferiora drecha, un boton de “comentari inadeqüat”. S’un comentari vos ofensa o vos gèina, basta de quichar sul simbòl “!” e nos poiretz avertir per fin que lo poscam moderar. Volèm recordar que Jornalet es pas pensat o fach contra degun. Aqueste sit es unicament en favor d’Occitània e i a de plaça per totas las voses del país, tant que seràn respectuosas e tolerantas.
Enfin, volèm mercejar lo sosten e la solidaritat de totes, mai que mai dins los moments de dificultats economicas coma l’actual. Las ajudas que nos arriban son preciosas e nos donan lo vam que cal per èsser aicí cada jorn de l'an. En mai d'aquò, convidam totòm a mandar d’informacions, d’articles, d’idèas, de proposicions, de criticas e de contribucions. Fasètz-vos vòstre Jornalet perque Jornalet es de totes.
P.S. S’avètz d’idèas o de proposicions per festejar l’an que ven los dètz ans de Jornalet, mandatz-nos un e-mail.
| fffff | fffff | |
| Cossí sosténer Jornalet: — En venent sòci de l’ADÒC o dels Amics de Jornalet: jornalet.com/socis — En crompant un libre dins la Botiga de Jornalet: botiga.jornalet.com — En fasent un virament bancari (demandatz las coordenadas de Caisse d’Epargne o Caixa d’Enginyers) — En fasent un don per PayPal: paypal.me/jornalet | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Çò que compreni pas : qual empacharà qualsevòl de far se amic de jornalet pagant diez euros e de podrir la conversaçion? Son sonque los que son pas de l'associaçion que fan lo forum tan marrit?
Legi los articles , los comentaris son pas tan importants qu'aquò, i a de necis de pertot , havem lo drech de ser imbecils nosautres tanbe? o pas? Òsca jornalet per çò que fasetz , compreni que voletz far çò milhor , i a de tròls e de piòts mas los empacharatz pas en tampar lo debat entre sòcis, .
Per çò que es del escotisson , caldrià enduir un corrier als sòcis per lor dire que cal pagar l'annada , que si non pas ho pensem pas . E me faratz pas creser que i a pas que de non sòcis que dison de coneriàs....
#38
Ça que la, tres tròls valon mai qu'un
:v
#37 Te trolejam coma tu nos trolejas.
#35 Lo ligami lavetz enter lo fèit que lo redactor de jornalet ne's ganha pas de qué víver dab jornalet e las blagas de macronus je sais pas quoi ?
#35
Plan cort e plan dich.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari