editorial
Acompanhar los escolans
L’Ofici Public de la Lenga occitana a lançat ongan una campanha de sensibilizacion dels parents d’escolans a las diferentas ressorsas e iniciativas existentas destinadas a acompanhar los dròlles escolarizats en ensenhament immersiu, bilingüe o refortit en occitan de las doas regions mai occidentalas d’Occitània, çò que concernís mai de 15 000 familhas e 261 escòlas. Delà la Val d’Aran e las Valadas l’usatge social de l’occitan es practicament inexistent per carrièras, de sòrta que l’escòla en occitan (o almens l’occitan a l’escòla) es un afar prioritari per la transmission de la lenga e, per tant, del vejaire pròpri e autentic de veire, comprene e explicar lo Mond. La còla de Jornalet volèm saludar la campanha de l’ÒPLO e mai apondre tanben nòstre modèst gran de sable dins l’acompanhament dels escolans de tot lo país.
Una de las seccions d’aqueste quotidian en linha, que la cresèm fòrça importanta, es la de l’escòla. E per la metre a jorn nos agradariá fòrça que las escòlas, que foguèsson de calandretas o d’escòlas bilingüas, d’escòlas d’Aran o de las Valadas, poguèsson elas meteissas emplir aquela seccion amb de nòvas, per que los quites escolans las poguèsson redigir en explicar los faches que fan l’actualitat dins cada escòla: un eveniment cultural, la vesita d’una personalitat, una fèsta populara amb los parents, una competicion esportiva, etc. De tot segur, las fotografias, los enregistraments o las images vidèo seràn de tot en tot benvengudas, se n’i a. Pensam que pòt èsser un bon luòc de rescontre per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
En mai d’aquò, avèm totjorn fòrça exemplars dels numèros 1 e 2 de Jornalet en papièr que mandarem a las escòlas que los nos comandarián, en escambi dels còstes de mandadís.
La tòca de Jornalet es de far un esplech jornalistic e informatiu per explicar tot çò que fa l’actualitat en Occitània e al Mond, en donar una plaça a totes los vejaires possibles e en èsser dobèrt a la participacion extèrna per favorir qu’aqueste mèdia siá un esplech util e pròche. Volèm que se n’apròprien totes los agents que participan a la vida sociala, politica, educativa, esportiva e culturala del país.
Una de las seccions d’aqueste quotidian en linha, que la cresèm fòrça importanta, es la de l’escòla. E per la metre a jorn nos agradariá fòrça que las escòlas, que foguèsson de calandretas o d’escòlas bilingüas, d’escòlas d’Aran o de las Valadas, poguèsson elas meteissas emplir aquela seccion amb de nòvas, per que los quites escolans las poguèsson redigir en explicar los faches que fan l’actualitat dins cada escòla: un eveniment cultural, la vesita d’una personalitat, una fèsta populara amb los parents, una competicion esportiva, etc. De tot segur, las fotografias, los enregistraments o las images vidèo seràn de tot en tot benvengudas, se n’i a. Pensam que pòt èsser un bon luòc de rescontre per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
En mai d’aquò, avèm totjorn fòrça exemplars dels numèros 1 e 2 de Jornalet en papièr que mandarem a las escòlas que los nos comandarián, en escambi dels còstes de mandadís.
La tòca de Jornalet es de far un esplech jornalistic e informatiu per explicar tot çò que fa l’actualitat en Occitània e al Mond, en donar una plaça a totes los vejaires possibles e en èsser dobèrt a la participacion extèrna per favorir qu’aqueste mèdia siá un esplech util e pròche. Volèm que se n’apròprien totes los agents que participan a la vida sociala, politica, educativa, esportiva e culturala del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Urosament que t'avem Papioli, qu'al mens tu o-sas plan nos explicar l'actualitat en Occitània e dins lo Mond ! E Jornalet ensajaria d'usurpar ta plaça ? Pecaire, quina vergonha !
#5 precisions als dels poces rojes
Me paréis necite de far la jonccion entre l'occitan escolar dels joines e le patoès natiu dels ancians fòra las parets, a travèrs d'activitats propícias pel intercambi, talas coma la caminada, la bòlas/bòchas, e quantas mai...cal sincronizar aquell monde.
Se que de non, es un ensenhament fòra-sòl...
Sabi pas çò despallat per l’òplo, se parla de premsa, cal saber qu’una premsa e legida per qual ?
I a còps ont se fa de repesaments destructius que fan que çò despallat torna jos una autra forma milhor aptada a l’ambient nòu per tal de se desembescar d’un passat ont nos sèm desperduts e que se chorrís un pauc mai cada jorn.
Te tot biais es plan que l’òplo buta a la ròda per sensibilizar aquelses escolans, espèri que saran seduzits pels trigòsses de l’òplo (MR (me risi)).
Aquí pel mainatge : https://www.bilinguisme-occitan.org/
#1 Deliri new-age e complotista.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari