editorial
Lo Caval de Tròia del jacobinisme
Aquestes jorns avèm vist coma un grop de pression, aparentament sorgit de la societat civila, fa campanha contra los progrèsses dels encastres lingüistic e d’autogovèrn dins l’illa de Corsega. Un grop misteriós, autonomenat France-Corse, e qu’assegura representar la majoritat sociala de l’illa sens cap de pròva ni evidéncia, fa lo Caval de Tròia del centralisme francés mai degalhat per torpilhar la normalizacion politica e culturala còrsa. Evidentament, lo grop profiècha de la caissa de ressonança de qualques mèdias: qualques unes perque son acritics e d’autres perque an encara la mapa exagonala dins lo cap.
Lo jacobinisme francés del sègle XXI adoptarà, de mai en mai, aquela estrategia[1]. La repression politica e policièra son pas viablas dins una societat modèrna dintre l’encastre europèu. Per arrestar lo progrès democratic dels dreches collectius, apareisseràn de grops “civics” que reclamaràn una defensa de lors dreches individuals en se basant sus las valors republicanas e en pretendent èsser los pòrtavoses de la majoritat sociala. En Occitània, de fach, se passèt ja quicòm de similar quand un Movement Republican de Salvacion Publica, que sembla qu’èra un “movement unipersonal”, denoncièt l’installacion dels panèls bilingües en occitan e francés a Vilanòva de Magalona (Montpelhierenc). Avisem-nos de la tactica: un ciutadan reclama que se retire un panèl aprovat per una majoritat perque a el, personalament, aquò l’embarrassa. Coma totjorn, la menaça es de plaçar los dreches individuals al dessús dels dreches collectius.
Davant aquela situacion, cal far doas reflexions. D’un costat aqueles sectors ultraconservators e reaccionaris se mobilizan perque los movements de las nacions minorizadas progrèssan dins l’estat francés. D’Occitània a Bretanha e d’Alsàcia a Corsega, las lengas e las culturas minorizadas ganhan de terren. Aquò es bon. Mas cal far atencion, e aquí fasèm l’autra reflexion: cal trabalhar per èsser preparats, cal aver d’arguments per refutar amb rigor los arguments de nòstres adversaris e cal, sustot, mai de pedagogia mediatica e politica per minimizar l’impacte potencial d’aqueles gropets jacobins.
_____
[1] Sabèm ben que lo “jacobinisme” inicial dels primièrs ans del Periòde Revolucionari foguèt pas tant escur, ja que preconizava en teoria la democracia dirècta. Robèrt Lafont o ramenta dins son òbra. Mas dins l’estat francés, lo “jacobinisme” devenguèt lèu-lèu retrograd e, de 1793 enlà, derivèt definitivament vèrs lo centralisme e la repression de las lengas minorizadas.
Lo jacobinisme francés del sègle XXI adoptarà, de mai en mai, aquela estrategia[1]. La repression politica e policièra son pas viablas dins una societat modèrna dintre l’encastre europèu. Per arrestar lo progrès democratic dels dreches collectius, apareisseràn de grops “civics” que reclamaràn una defensa de lors dreches individuals en se basant sus las valors republicanas e en pretendent èsser los pòrtavoses de la majoritat sociala. En Occitània, de fach, se passèt ja quicòm de similar quand un Movement Republican de Salvacion Publica, que sembla qu’èra un “movement unipersonal”, denoncièt l’installacion dels panèls bilingües en occitan e francés a Vilanòva de Magalona (Montpelhierenc). Avisem-nos de la tactica: un ciutadan reclama que se retire un panèl aprovat per una majoritat perque a el, personalament, aquò l’embarrassa. Coma totjorn, la menaça es de plaçar los dreches individuals al dessús dels dreches collectius.
Davant aquela situacion, cal far doas reflexions. D’un costat aqueles sectors ultraconservators e reaccionaris se mobilizan perque los movements de las nacions minorizadas progrèssan dins l’estat francés. D’Occitània a Bretanha e d’Alsàcia a Corsega, las lengas e las culturas minorizadas ganhan de terren. Aquò es bon. Mas cal far atencion, e aquí fasèm l’autra reflexion: cal trabalhar per èsser preparats, cal aver d’arguments per refutar amb rigor los arguments de nòstres adversaris e cal, sustot, mai de pedagogia mediatica e politica per minimizar l’impacte potencial d’aqueles gropets jacobins.
_____
[1] Sabèm ben que lo “jacobinisme” inicial dels primièrs ans del Periòde Revolucionari foguèt pas tant escur, ja que preconizava en teoria la democracia dirècta. Robèrt Lafont o ramenta dins son òbra. Mas dins l’estat francés, lo “jacobinisme” devenguèt lèu-lèu retrograd e, de 1793 enlà, derivèt definitivament vèrs lo centralisme e la repression de las lengas minorizadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 aquela tuba ! lo drech individuau existis pas, dins una societat dèu comandar lo drech collectiu Hitler, Estalin, allah lo tot poderos allah akbar urosament que siàu un ideolog borgés qu'ai pas mandat a la suelha lei drechs de ml'ome e dau ciutaden! e ai passat tota ma vida aoprimir lei trabalhaires, bord qu'èri patron !
E perque un govern mi levaria lo drech de viure ? Per de rason politicas, colectivas !
Per exemple perque siau comuniste, es ço qu'auria fach Hitler, per tornar pilhar ton ponch Godwin. Lo garri a fach de decisions per de milions de comunistes, de jusieus, etc, a pas decidat un-per-un "té, vau tuar aquesto, oh e puei aquesto tanben, que sa facha m'agrada pas", es prigondament collectiu.
#1 & #2
"Lo drech individuau ''aquò existis tot simplament pas" " . Orre ! ! ! Un itlerian com un estalinian clapan de las mans . Com podetz díser aquò shens vergonha ?
Podetz díser atau pr'amor que vivetz en una societat on un minimum d'aqueths drets son reconeishuts. Lo jorn on un govern vos denegaré lo simple dret de víver, veiram se ne los trobaretz pas a clamar aqueths drets.
En dreit o endacòm mai, l'indivindualisme es la societat çò que la cellula cancerosa es a l'organisme san.
Drech individuau contra drech collectiu ? Mi sembla pas qu'es aquo la question presentada per lei jacobins. E de tot biais es pas tanpauc la question vertadiera perque lo "drech individuau" aquo exista tot simplament pas ! Lo concepte es un mit e una creacion de l'ideologia borgesa qu'a pas jamai agut cap d'aplicacion concreta. Lo drech es una question politica, e la politica mena lo collectiu, ponch.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari