editorial
Virada a drecha
Macron a anonciat que l’estat francés tornariá bastir de reactors nuclears. Pel president francés, s’agis d’una mesura per garentir l’independéncia energetica de l’Exagòn e se sarrar de la neutralitat climatica en 2050. Mas es fòrça probable que la rason d’aquela anóncia siá quicòm mai que son chepic per l’energia.
Après l’accident de Fukushima, bastir e manténer de centralas nuclearas es fòrça mai car e complicat, e amodar una centrala se fa pas en dos jorns. D’expèrts mençonats per Reporterre considèran que “lo nuclear es obsolet” e “qu’es “tròp car, tròp lent e tròp perilhós”. Per José Luís García, responsable de Greenpeace en Espanha, l’anóncia de Macron “es una androna” e que “non a pas cap de viabilitat, es l’energia mai cara e cal de decennis per metre en marcha una centrala”, çò rapòrta El País. De remarcar tanben, que Mycle Schneider, coordinator del rapòrt annadièr World Nuclear Industry Status Report, afirma que “los reactors franceses foguèron arrestats en mejana d’un tèrç del temps en 2020, mai que mai per de trabalhs de mantenença; tanben perque ara son plan vièlhs, mai de trenta ans en mejana”.
Per tot aquò, dins l’anóncia de Macron vesèm mai que mai un de sos equilibrismes ideologics. Lo jove èx-socialista qu’arribèt a l’Elisi centrista cèrca de seduire la drecha, e quitament l’extrèma drecha, que prioriza lo nuclear e mobiliza fòrça l’opinion publica. De remarcar qu’EDF es lo productor màger d’electricitat de l’estat e es tanplan un fetiche del nacionalisme francés, foguèt inaugurada en 1946 pel general de Gaulle e es venguda un simbòl de la reconstruccion de França après la Segonda Guèrra Mondiala. En mai d’aquò, lo nuclear emplega environ 220 000 salariats. Segon un sondatge fach per Odoxa, l’energia eoliana a perdut un 17% de sostens que los a ganhats lo nuclear.
S’èra pas pro a drecha, aitant Macron coma tot l’estat francés es a virar mai encara a drecha a cinc meses de l’eleccion presidenciala. E vira tant a drecha que trobam ja que Le Figaro publica un suplement qu’acusa los ensenhaires franceses d’”endoctrinar” los escolans dins l’“antiracisme, l’ideologia LGBT+, lo descolonialisme...”. Coma se lo ”bon ensenhaire” aguèsse d’èsser racista, omofòb o colonialista...
Après l’accident de Fukushima, bastir e manténer de centralas nuclearas es fòrça mai car e complicat, e amodar una centrala se fa pas en dos jorns. D’expèrts mençonats per Reporterre considèran que “lo nuclear es obsolet” e “qu’es “tròp car, tròp lent e tròp perilhós”. Per José Luís García, responsable de Greenpeace en Espanha, l’anóncia de Macron “es una androna” e que “non a pas cap de viabilitat, es l’energia mai cara e cal de decennis per metre en marcha una centrala”, çò rapòrta El País. De remarcar tanben, que Mycle Schneider, coordinator del rapòrt annadièr World Nuclear Industry Status Report, afirma que “los reactors franceses foguèron arrestats en mejana d’un tèrç del temps en 2020, mai que mai per de trabalhs de mantenença; tanben perque ara son plan vièlhs, mai de trenta ans en mejana”.
Per tot aquò, dins l’anóncia de Macron vesèm mai que mai un de sos equilibrismes ideologics. Lo jove èx-socialista qu’arribèt a l’Elisi centrista cèrca de seduire la drecha, e quitament l’extrèma drecha, que prioriza lo nuclear e mobiliza fòrça l’opinion publica. De remarcar qu’EDF es lo productor màger d’electricitat de l’estat e es tanplan un fetiche del nacionalisme francés, foguèt inaugurada en 1946 pel general de Gaulle e es venguda un simbòl de la reconstruccion de França après la Segonda Guèrra Mondiala. En mai d’aquò, lo nuclear emplega environ 220 000 salariats. Segon un sondatge fach per Odoxa, l’energia eoliana a perdut un 17% de sostens que los a ganhats lo nuclear.
S’èra pas pro a drecha, aitant Macron coma tot l’estat francés es a virar mai encara a drecha a cinc meses de l’eleccion presidenciala. E vira tant a drecha que trobam ja que Le Figaro publica un suplement qu’acusa los ensenhaires franceses d’”endoctrinar” los escolans dins l’“antiracisme, l’ideologia LGBT+, lo descolonialisme...”. Coma se lo ”bon ensenhaire” aguèsse d’èsser racista, omofòb o colonialista...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7
Ah comenci d’èsser apagat e gausent lo nombre de poces ensangnosits aumenta.
Un pòble que doblida son passat, ten cap d’esvenidor. (winston Churchill)
Pels occitans es pièger :
1- An doblidat lor quite vertadièr passat
2- Lor fusquèc balhat un passat qu’èra pas d’elis
3- Tenon aquel passat messorguièr, per passat lor
4- D’unis alandrits d’ideològias son a se fargar un siá disent passat novèl
La bruèissa messorga s’es deguda pausar al cabes de lor lièch .
La bruèissa manipòla i èra e portava ajuda ambe randa
La bruèissa informacion fasquèc lo relamp del repic sens relambi.
La bruèissa embelinaire remolinava lo punt quilhat l’espandi vuèg
D’apèi las estimacions en 1920 i aviá detz milhons d’occitanofòns que charravan cada jorn lor lenga.
Quantes son auèi (2020) 100 ans apèi ? Sarian 9 milhons de manaca !
L'occitanisme a una vision a 12 gras alavetz que la caldrià a 360 gras.
Lo tremol de l’esmoguda, es atal e coma aquò que setz tenguts al cap de l’estaca e amb’un somriure d’embadalit vos daissatz amigalhar, lo profèrta es finòta e ne setz lemfres de profèrtas, mas cada profèrta qu’agantaretz escafarà vòstre libertat, ja la libertat de pensar se vos es escapada.
Macron es un banquièr d’afars, dins aquel mond i a pas de drecha o d’esquèrra, mailèu, s’ i troban los dos que se mesclan dins un meteis topin ambe d’amiras paucas disparièras, cal ben se demarcar un briu del vesin.
Comprèni pas qu’en 2021 se pòt enquèra parlar de drecha e esquèrra qu’es un concept de las annadas 1970. Comprèni pas tanpauc l’occitanisme que s’es empautrat e enclotat dins aquel biais de vèire que ten ara mai del fòlclor mantegut sonque per lo pòble, dans las rèires foganhas politicas degun i crèi pus, tirat de se demarcar dels autres.
Oc l’ambient del campestre a cambiat e sèm pus en 1970, se farà pas repè ! Tanben s’i cal pas arrapar ! los risc es d’èsser pus dins la « barganha d’idèias ».
« barganha d’idèias ». : tragin de las idèias, lo mercat que mena la realitat d’auèi, amai s’agrada pas.
L'amira es de conscientizar, socializar, ensenhar, parlar nòstra lenga e far randissa a son avaliment qu'es ja plan endralhat a mai de 95%. çò me pensi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari