editorial
46 400 èuros, lo prètz de la vida d’un jove tolosan
La preservacion del bòsc de Sivens e de la zòna umida del Testet, en Galhaqués, costèt la vida a un jove ecologista tolosan. Ara sabèm qual es lo prètz de la vida d’un jove ecologista tolosan; segon la justícia francesa, es de 46 400,00 èuros.
La mòrt de Rémi Fraisse es un fach fòrça grèu. Fraisse foguèt pas tuat per de malfactors ni mai per de terroristas, mas per las fòrças de seguretat de l’estat que defendián un projècte de construccion qu’a la fin se realizèt pas. Es un fach tan grèu que pel primièr còp l’estat francés es condemnat per una operacion policièra qu’a entraïnat la mòrt d’una persona. Aquò es una reconeissença. Pasmens, per ensajar de minimizar la gravetat de l’afar, lo tribunal administratiu de Tolosa reconeis la responsabilitat de l’estat, mas sens fauta, car los jutges retenon una “imprudéncia colpabla comesa per la victima”.
“Cossí es possible de considerar qu'a sa part de responsabilitat, qu'a agut consciéncia del perilh, qu'a comés una imprudéncia que li pòsca èsser imputada”?, çò se demanda lo comunicat de la familha de Rémi Fraisse. Aquel comunicat nos recòrda que Fraisse “de 21 ans, pacifista, amorós de la natura, restèt a pena cinc minutas a l’entorn de la zòna tenguda pels gendarmas, ensajant de portar socors a una persona e temptant, d’un biais inconscient e ninòi, de metre fin a aquelas violéncias”.
Sèt ans e un mes après sa mòrt, sèm totjorn a esperar un omenatge nacional o qualque sòrta de reconeissença. Al contrari, l’enquista judiciària s’acabèt en un non-luòc que lo confirmèt puèi la Cort de Cassacion. E ara, per acabar d’amagar la vertat, e umiliar la familha, s’establís que lo prètz de la vida de Rémi Fraisse es de 46 400,00 èuros.
“Cossí podètz crompar o vendre lo cèl, la calor de la tèrra?”, çò se demandava Seath'tl en 1854. Lo cap del pòble dels duwamish-suquamish compreniá pas que se poguèsse establir un prètz per crompar “la frescor de l’aire e lo miralhejament de l’aiga que possedissèm pas”. Sus aquela meteissa draia nos demandam, esglasiats, cossí se pòt establir un prètz per la mòrt d’un jove tolosan.
La mòrt de Rémi Fraisse es un fach fòrça grèu. Fraisse foguèt pas tuat per de malfactors ni mai per de terroristas, mas per las fòrças de seguretat de l’estat que defendián un projècte de construccion qu’a la fin se realizèt pas. Es un fach tan grèu que pel primièr còp l’estat francés es condemnat per una operacion policièra qu’a entraïnat la mòrt d’una persona. Aquò es una reconeissença. Pasmens, per ensajar de minimizar la gravetat de l’afar, lo tribunal administratiu de Tolosa reconeis la responsabilitat de l’estat, mas sens fauta, car los jutges retenon una “imprudéncia colpabla comesa per la victima”.
“Cossí es possible de considerar qu'a sa part de responsabilitat, qu'a agut consciéncia del perilh, qu'a comés una imprudéncia que li pòsca èsser imputada”?, çò se demanda lo comunicat de la familha de Rémi Fraisse. Aquel comunicat nos recòrda que Fraisse “de 21 ans, pacifista, amorós de la natura, restèt a pena cinc minutas a l’entorn de la zòna tenguda pels gendarmas, ensajant de portar socors a una persona e temptant, d’un biais inconscient e ninòi, de metre fin a aquelas violéncias”.
Sèt ans e un mes après sa mòrt, sèm totjorn a esperar un omenatge nacional o qualque sòrta de reconeissença. Al contrari, l’enquista judiciària s’acabèt en un non-luòc que lo confirmèt puèi la Cort de Cassacion. E ara, per acabar d’amagar la vertat, e umiliar la familha, s’establís que lo prètz de la vida de Rémi Fraisse es de 46 400,00 èuros.
“Cossí podètz crompar o vendre lo cèl, la calor de la tèrra?”, çò se demandava Seath'tl en 1854. Lo cap del pòble dels duwamish-suquamish compreniá pas que se poguèsse establir un prètz per crompar “la frescor de l’aire e lo miralhejament de l’aiga que possedissèm pas”. Sus aquela meteissa draia nos demandam, esglasiats, cossí se pòt establir un prètz per la mòrt d’un jove tolosan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vos volètz crompar una cvestit "d'estat encara democratic" per amagar lo vòstre fascisme de gestion repressiva de las manifestacions ? 46 400 €. A l'escalon d'un estat, un pet de conilh… La diferéncia amb un estat fascista ? La gratuïtat : un servici "d'òdre" fascista autentic es pagat per tuar, sense jutjament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari