editorial
L’hooliganisme politic
La cauma d’ensenhaires que la visquèt dijòus passat tot l’estat francés foguèt istorica. Segon los sindicats, la mobilizacion la jonguèron lo 75% dels ensenhaires del primari e lo 62% dels del segondari. Las donadas oficialas del govèrn francés èran del 38% e del 24% respectivament. Ça que la, sembla que la realitat èra pus pròcha de las donadas sindicalas que de las governamentalas.
Davant una protèsta tala, lo ministre de l’educacion deviá reagir. Mas luènh de demissionar, lo ministre a dich qu’el es “uman” e que per tant comet “d’errors”; e sul pic a atribuïda la mobilizacion al fach que “totòm es las d’aqueste virus” e qu’es “normal qu’a un moment donat, una lassièra s’exprimisca”. Aquò dich, a promés cinc milions de masquetas FFP2 e 8000 trabalhadors suplementaris. Ara nos demandam s’aquò èra çò que volián los ensenhaires en cauma.
Cal remembrar que Blanquer es lo paire d’una reforma escolara considerada coma “un veritable lingüicidi, amb los metòdes d’un totalitarisme”, coma diguèt François Alfonsi. E que sa fobia de la diversitat lingüistica e culturala lo menèt a far de manòbras escuras per tombar la Lei Molac, que la majoritat de deputats avián aprovada e que portava un pauc d’aire fresc a l’occitan e a las autras lengas minorizadas de l’estat. De manòbras que quitament indignèron de deputats de son camp.
Installat sus una sòrta d’“hooliganisme”, Blanquer ten lo sosten de l’“hooligan” màger: un president de la Republica que vòl “emmerdar” los non-vaccinats e que considèra que los “irresponsables” son pas pus ciutadans. Un biais pas brica pedagogic per convéncer los ciutadans de l’importància dels vaccins. Un biais indecent de culpabilizar los antivaccins de la marrida gestion de la pandemia. Un biais pervèrs de tresmudar una eleccion democratica en una partida de fotbòl.
Maitas analisis politicas prenon coma exemple de perversitat electorala la presidenciala de 2002 quand los franceses d’esquèrra se trobèron forçats de causir entre Jacques Chirac e Jean-Marie Le Pen. Sembla, totun, que sèm a mand de superar aquela perversitat.
Davant una protèsta tala, lo ministre de l’educacion deviá reagir. Mas luènh de demissionar, lo ministre a dich qu’el es “uman” e que per tant comet “d’errors”; e sul pic a atribuïda la mobilizacion al fach que “totòm es las d’aqueste virus” e qu’es “normal qu’a un moment donat, una lassièra s’exprimisca”. Aquò dich, a promés cinc milions de masquetas FFP2 e 8000 trabalhadors suplementaris. Ara nos demandam s’aquò èra çò que volián los ensenhaires en cauma.
Cal remembrar que Blanquer es lo paire d’una reforma escolara considerada coma “un veritable lingüicidi, amb los metòdes d’un totalitarisme”, coma diguèt François Alfonsi. E que sa fobia de la diversitat lingüistica e culturala lo menèt a far de manòbras escuras per tombar la Lei Molac, que la majoritat de deputats avián aprovada e que portava un pauc d’aire fresc a l’occitan e a las autras lengas minorizadas de l’estat. De manòbras que quitament indignèron de deputats de son camp.
Installat sus una sòrta d’“hooliganisme”, Blanquer ten lo sosten de l’“hooligan” màger: un president de la Republica que vòl “emmerdar” los non-vaccinats e que considèra que los “irresponsables” son pas pus ciutadans. Un biais pas brica pedagogic per convéncer los ciutadans de l’importància dels vaccins. Un biais indecent de culpabilizar los antivaccins de la marrida gestion de la pandemia. Un biais pervèrs de tresmudar una eleccion democratica en una partida de fotbòl.
Maitas analisis politicas prenon coma exemple de perversitat electorala la presidenciala de 2002 quand los franceses d’esquèrra se trobèron forçats de causir entre Jacques Chirac e Jean-Marie Le Pen. Sembla, totun, que sèm a mand de superar aquela perversitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Mas sabètz tornar una frasa sens empleiar los mots « racista » o « fascista » ? Semblariá que non ! Vitament qu'aquelos vèlhs boomers se retirèsse de la vida politica... Tè !
A ben foncionat per de qué l'Assemblada Occitana a sostengut la cauma amb un comunicat, òsca!
Imapausar sense discutida, trepejar l'opinion del pòble en fotent a las escobilhas las votacions de sos elegits, terrorizar (pel "manten de l'òrdre" version B.A.C., tre que necessari), culpabilizar ("non se fa una cauma contra un virus…"), manobrar la presentacion dels faits de l'actualitat a son avantatge ("n'an lor sadol del virus…"), mas mai que mai, jamai non se tornar metre en question : lo manual usual del pichon fascista democratocompatible…
Aquela chauma e aquela analisa me fan plasir. Aura, cap a la greva generala per la democracia politica, per la democracia tot cort.
Lo governament comet pas d'errors. Los ministres son de las personas agueridas e saban plan las consequenças de çò que fan.
Merci a tots d'aver participat o sostengut la chauma.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari