editorial
Wordle en occitan: lo mot amagat
Lo jòc en linha Wordle ven de conéisser un grand succès sus Internet. S’agís d’un jòc lingüistic fòrça simple que se pòt jogar sonque un còp per jorn e que ven addictiu, a ne jutjar pels milièrs de messatges suls rets socials de mond que partejan los resultats del jòc.
Originàriament en anglés, lo jòc a una version en catalan (WordleCat), en francés (Le Mot), en italian (Parole), en espanhòl (Wordle ES). De versions en lengas minorizadas coma lo basco e lo galèc an congreat lo màger interès, e fa gaire ven d’espelir, amb un succès considerable, la version en esperanto.
La còla de Jornalet avèm demandat a l’Associacion Catalana d’Esperanto se nos podiá ajudar a bastir lo jòc en occitan, e aicí l’avètz, lo Mot Amagat.
Lo jòc consistís a devinar un mot de cinc letras, e cadun a sièis ensages per ben capitar. Lo jogaire introdutz un mot e lo jòc li torna las letras, marcadas en gris se son pas dins lo mot, en irange se son dins lo mot mas dins una autra posicion, o en verd se son a la bona plaça.
Lo mot se causís cada jorn automaticament d’una lista d’aperaquí 1500 mots de cinc letras, ont avèm ensajat de metre de mots en tant de dialèctes coma avèm pogut. Aquela lista tanben servís per verificar los mots a cada jogada.
Lo jòc es disponible a jornalet.com/motamagat e es dobèrt a totòm. Esperam qu’aqueste jòc addictiu promourà la practica de la lenga d’un biais ludic del temps que volèm que siá un autre granet de sable per bastir la dignitat de la lenga d’òc.
Originàriament en anglés, lo jòc a una version en catalan (WordleCat), en francés (Le Mot), en italian (Parole), en espanhòl (Wordle ES). De versions en lengas minorizadas coma lo basco e lo galèc an congreat lo màger interès, e fa gaire ven d’espelir, amb un succès considerable, la version en esperanto.
La còla de Jornalet avèm demandat a l’Associacion Catalana d’Esperanto se nos podiá ajudar a bastir lo jòc en occitan, e aicí l’avètz, lo Mot Amagat.
Lo jòc consistís a devinar un mot de cinc letras, e cadun a sièis ensages per ben capitar. Lo jogaire introdutz un mot e lo jòc li torna las letras, marcadas en gris se son pas dins lo mot, en irange se son dins lo mot mas dins una autra posicion, o en verd se son a la bona plaça.
Lo mot se causís cada jorn automaticament d’una lista d’aperaquí 1500 mots de cinc letras, ont avèm ensajat de metre de mots en tant de dialèctes coma avèm pogut. Aquela lista tanben servís per verificar los mots a cada jogada.
Lo jòc es disponible a jornalet.com/motamagat e es dobèrt a totòm. Esperam qu’aqueste jòc addictiu promourà la practica de la lenga d’un biais ludic del temps que volèm que siá un autre granet de sable per bastir la dignitat de la lenga d’òc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me podètz explicar los vòtes roges d'un biais argumentat ?
Sens explication compreni pas.
Me sembla los deu congrés an dejà tots los utís numerics tà estruçar los mòts, perqué pas demandà'us? serà lhèu mei simple e eficaç?
Sinon, lo jòc ès simpatic! Que me'n sap mau totun de trobar au cap de 3 dias sonque un mòt qui ne sia pas lo dico de Per Noste.
Classar los mots es tipicament lo trabalh d'un script ;)
E generar las fòrmas conjugadas se fa amb un fichièr aff.
La combinason dels dos te donarà çò que cerques.
Ai tot aquò sus l'ordenador.
#17 N'en pòdi parierament trobar aquí: http://toscanoreinat.chez-alice.fr/diconi.html, en quantitat ben superiora.
Après, dins un juèc coma Lo Mot Mai Lòng, lo trabalh es de lu classar per nombre de letras e d'apondre li formas conjugadi. E aquò demanda totplen de temps!
#16 pòdes trobar una extraccion de wiktionary aquí :
https://kaikki.org/dictionary/Occitan/words.html
i a 5891 mots.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari