editorial
L’autoritarisme del Mond e los descargaires del pòrt de Marselha
Lo conflicte de Donbass, fa uèch ans que dura. Totun, los mèdias comencèron de lo raportar a tòrt e a travèrs fa qualques setmanas, quand ja se sospechava las intencions de Putin sus Ucraïna. Dins Jornalet n’avèm parlat pauc. Nos malfisàvem un bricon de las informacions que nos arribavan. Ara, mentre que l’armada de Russia es a envasir Ucraïna, sèm negats dins un ocean d’informacions e d’analisis que nos arriban per totes los canals. Pasmens, las podèm pas prene al pè de la letra car es complicat de las verificar e nòstra capacitat de trabalh es limitada. Totun, sabèm qual es l’agressor e qual es l’agressat e, per tant, podèm sonque èsser del costat del pòble d’Ucraïna.
Mentretant, l’Union Europèa, los Estats Units e tota la còla de païses diches occidentals an anonciat de sancions economicas contra Russia. De sancions que pels païses de l'èst (o de l’oèst de Russia e d’Ucraïna), son pas pro. Biden a anonciat una tièra de mesuras que pareisson de limitar l’importacion de tecnologia e de blocar lo finançament d’entrepresas publicas e bancas. Ça que la, s’exclutz pas Russia del sistèma de transaccions bancàrias e lo nom de Putin es pas dins la lista d’oligarcas russes sancionats. L’UE e Soïssa si qu’an gelat los comptes e los bens de Putin e de Lavrov. De tot biais, nos demandam s’aquelas sancions serviràn a quicòm. Sembla que lo pòble rus las poiriá patir mas Putin, el, ne serà pas brica afectat. A mai, sembla qu’o aviá tot planificat e previst dempuèi longtemps.
Putin sap que fa paur e se’n servís. A un grand poder e mai a d’armas nuclearas. Per l’importunar pas, li an permés tròp de causas dempuèi la brutala guèrra de Chechenia e l’agression contra Georgia. Li impausèron de sancions qu’an pas servit a res. S’annexèt Crimèa e li impausèron mai de sancions qu’an pas servit a res tanpauc. E ara, Ucraïna se tròba tota sola e abandonada davant una invasion d’una poténcia enòrma.
L’Occident a fach la sorda orelha a tot çò que li a convengut, e aital avèm un aument esglasiant de l’autoritarisme amb Aleksandr Lukashenko en Bielorussia, Jair Bolsonaro en Brasil, los militars en Birmania, Narendra Modi en Índia, Recep Tayyip Erdoğan en Turquia, Rodrigo Duterte a las Filipinas, Viktor Orbán en Ongria, de còps d’estat en Africa... E mentretant los catalans pòdon pas encara creire que l’UE se taise davant la violenta reaccion espanhòla contra lo democratic independentisme catalan.
Una question que volèm pausar ara es se las autoritats e los mèdias d’aicí se poirián escandalizar totparièr amb los autres conflictes patits endacòm mai. Sabiatz que l’Arabia Saudita ataca Iemèn amb d’armas fabricadas en Occitània? Si qu’o sabon los descargaires del pòrt de Marselha que se quilhèron fa mai de dos ans contra aquò. E son justament los descargaires del pòrt de Marselha que nos an dich çò que podèm far lo pòble per resistir a tot aquò.
Permetam pas que las politicas autoritàrias vengan normalas e contestem-las tostemps.
Mentretant, l’Union Europèa, los Estats Units e tota la còla de païses diches occidentals an anonciat de sancions economicas contra Russia. De sancions que pels païses de l'èst (o de l’oèst de Russia e d’Ucraïna), son pas pro. Biden a anonciat una tièra de mesuras que pareisson de limitar l’importacion de tecnologia e de blocar lo finançament d’entrepresas publicas e bancas. Ça que la, s’exclutz pas Russia del sistèma de transaccions bancàrias e lo nom de Putin es pas dins la lista d’oligarcas russes sancionats. L’UE e Soïssa si qu’an gelat los comptes e los bens de Putin e de Lavrov. De tot biais, nos demandam s’aquelas sancions serviràn a quicòm. Sembla que lo pòble rus las poiriá patir mas Putin, el, ne serà pas brica afectat. A mai, sembla qu’o aviá tot planificat e previst dempuèi longtemps.
Putin sap que fa paur e se’n servís. A un grand poder e mai a d’armas nuclearas. Per l’importunar pas, li an permés tròp de causas dempuèi la brutala guèrra de Chechenia e l’agression contra Georgia. Li impausèron de sancions qu’an pas servit a res. S’annexèt Crimèa e li impausèron mai de sancions qu’an pas servit a res tanpauc. E ara, Ucraïna se tròba tota sola e abandonada davant una invasion d’una poténcia enòrma.
L’Occident a fach la sorda orelha a tot çò que li a convengut, e aital avèm un aument esglasiant de l’autoritarisme amb Aleksandr Lukashenko en Bielorussia, Jair Bolsonaro en Brasil, los militars en Birmania, Narendra Modi en Índia, Recep Tayyip Erdoğan en Turquia, Rodrigo Duterte a las Filipinas, Viktor Orbán en Ongria, de còps d’estat en Africa... E mentretant los catalans pòdon pas encara creire que l’UE se taise davant la violenta reaccion espanhòla contra lo democratic independentisme catalan.
Una question que volèm pausar ara es se las autoritats e los mèdias d’aicí se poirián escandalizar totparièr amb los autres conflictes patits endacòm mai. Sabiatz que l’Arabia Saudita ataca Iemèn amb d’armas fabricadas en Occitània? Si qu’o sabon los descargaires del pòrt de Marselha que se quilhèron fa mai de dos ans contra aquò. E son justament los descargaires del pòrt de Marselha que nos an dich çò que podèm far lo pòble per resistir a tot aquò.
Permetam pas que las politicas autoritàrias vengan normalas e contestem-las tostemps.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pótin e non *Putin o *Potin
#respectemNòstraLenga
#1 La guèrra, aquò's la patz, la libertat aquò's la servitud, l'ignorància, aquò's la fòrça. (Cf. 1984) E aital, tot es dit entendut !
L'autoritarisme dau monde una bela Denisa de Venisa!
Ieu, parla de Dictatura. Dictatura economica, financiera, mediadica, medicinala, scolaria, universitaria, scientifica e n'en passa. Avem mesme pus la fòrça de l'apelar per son nom. Fai quauqes annadas qu'un libre es surtit e qu'avia per titre "a! que la guerra economica es brava".
Mas, l'òm se persuada que sem en democracia, l'òm obeit aus scientifics, aus medecins, a las bancas, a tot çò qu'a un pauç de poder. L'òm parla dau politicament corect, de la pensada unica coma si aquò avia una valor universala. E l'òm oblida las valors universalas autre còp sacradas coma la justiça, lo dreit, lo respect de se de l'autre, de l'environament, de l'amor. Tot se passa coma si las valors eran inversadas. Las victimas son acusadas d'eser l'agressor, los miliardairis son adulats.Los ripos politics an la paraula polida.
Dictatura escricha ton nom, que si era pas conscient de ton renha, podria pas cantar libertat!.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari