editorial
L’abstencion activa fàcia al cantatge
Lo govèrn de l’estat espanhòl reconeis que los servicis secrets an espionat los telefòns mobils d’elegits, jornalistas e avocats independentistas dins un escàndol màgerqu’a quitament tocat lo Parlament Europèu. De soslinhar que los elegits condemnats e encarcerats e lors avocats foguèron espionats pendent tot lo procès. La ministra de la defensa espanhòla assegura que l’estat o deviá far e la ministra de la defensa menaça los independentistas que denóncian l’espionatge en lor recordant “l’exili e la repression”. Totun, i a pas agut cap de demission ni cap de presa de responsabilitat. L’estrategia del govèrn espanhòl, entre las mans del Partit Socialista en coalicion amb los esquerristas de Podèm, es d’insistir per aver lo sosten dels independentistas catalans, car autrament lo poirián remplaçar la drecha del Partit Popular e l’ultradrecha de Vox. Saique fòrça legeires coneisson aquela menaça de “ieu o l’extrèma drecha”.
Lo segond torn de l’eleccion presidenciala francesa foguèt precedit per de mobilizacions e protèstas, mai que mai d’estudiants, que refusavan lo cantatge d’aver de votar Macron per evitar que l’extrèma drecha arribèsse al poder. E, de fach, la jornada electorala foguèt marcada per l’abstencion mai granda de las eleccions presidencialas dempuèi la de Jòrdi Pompidor en 1969, del temps que se generalizava lo sentiment d’èsser obligat “de causir entre la pèsta e lo colèra”. Es evident qu’aquel sistèma electoral se fa caduc.
Lo Conselh Constitucional validèt dimècres passat la victòria d’Emmanuel Macron a la presidenciala, mentre qu’invalidava totes los vòtes de la comuna d’Ardiòs e Ishèra (Vath d’Aspa) a causa de l’abstencion activa de Joan de Lassala. Coma o raportàvem dimars passat, l’elegit occitan metèt en scèna son abstencion dins lo burèu de vòte dins un vidèo difusat suls rets socials. Lassala a assumit tota la responsabilitat de son acte, a demandat perdon al burèu present e a l’ensemble dels abitants d’Ardiòs e Ishèra. A mai a anonciat qu’o fariá personalament a cadun dels electors de la comuna. Ça que la, la procuraira de Pau a anonciat la dobertura d’una enquista penala contra lo politician per “d’infraccions al còde electoral pertocant las atenchas a la sinceritat dels escrutinis”. Joan de Lassala risca una multa de 15 000 èuros e quitament un an de preson, en mai de l'ineligibilitat e l’interdiccion del drech de vòte.
La situacion es venguda talament grèva qu’aquela abstencion activa que fòrça movements anarquistas revendican dempuèi longtemps l’a manifestada publicament pel primièr còp dins l’istòria un politician que nos sembla pas gaire anarquista. Cresèm que lo gèst de Lassala es valent, fòrt e coratjós. Totes los qu’an desfisat l’statu quo long de l’istòria son estats perseguits e punits. Pasmens, Lassala a ben capitat de representar aquel 30% d’electors qu’an considerat l’abstencion coma opcion.
Lo segond torn de l’eleccion presidenciala francesa foguèt precedit per de mobilizacions e protèstas, mai que mai d’estudiants, que refusavan lo cantatge d’aver de votar Macron per evitar que l’extrèma drecha arribèsse al poder. E, de fach, la jornada electorala foguèt marcada per l’abstencion mai granda de las eleccions presidencialas dempuèi la de Jòrdi Pompidor en 1969, del temps que se generalizava lo sentiment d’èsser obligat “de causir entre la pèsta e lo colèra”. Es evident qu’aquel sistèma electoral se fa caduc.
Lo Conselh Constitucional validèt dimècres passat la victòria d’Emmanuel Macron a la presidenciala, mentre qu’invalidava totes los vòtes de la comuna d’Ardiòs e Ishèra (Vath d’Aspa) a causa de l’abstencion activa de Joan de Lassala. Coma o raportàvem dimars passat, l’elegit occitan metèt en scèna son abstencion dins lo burèu de vòte dins un vidèo difusat suls rets socials. Lassala a assumit tota la responsabilitat de son acte, a demandat perdon al burèu present e a l’ensemble dels abitants d’Ardiòs e Ishèra. A mai a anonciat qu’o fariá personalament a cadun dels electors de la comuna. Ça que la, la procuraira de Pau a anonciat la dobertura d’una enquista penala contra lo politician per “d’infraccions al còde electoral pertocant las atenchas a la sinceritat dels escrutinis”. Joan de Lassala risca una multa de 15 000 èuros e quitament un an de preson, en mai de l'ineligibilitat e l’interdiccion del drech de vòte.
La situacion es venguda talament grèva qu’aquela abstencion activa que fòrça movements anarquistas revendican dempuèi longtemps l’a manifestada publicament pel primièr còp dins l’istòria un politician que nos sembla pas gaire anarquista. Cresèm que lo gèst de Lassala es valent, fòrt e coratjós. Totes los qu’an desfisat l’statu quo long de l’istòria son estats perseguits e punits. Pasmens, Lassala a ben capitat de representar aquel 30% d’electors qu’an considerat l’abstencion coma opcion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cazuda e davalada de l’occitanisma.
Quora un sistèm vòl pus corre, que fa pus miranda alprèp del pòble e que lo dich pòble s’en treslonha per fin de s’encontrar pus, siòsquèssa per talastre, es benlèu que cal cambiar lo sistèm e d’unis apesasons sèunas que pegan pus a las realitats rescompassadas.
Un collectiu se recampa alentorn de cresenças prigondas, apeladas esquèmas mentals, que ne fan son òssa, son identitat, e la basa de son accion.Tanben vos convidi a vos intervar (interroger_R
aynouard) sus los esquemas mentals occitanistas que nos an menat al bèrle del tomple e que nos i menaràn se damorèm espectators de la cazuda a percantar a flimpe de cap : « es doman que pujarèm al cèl ».
Cal agachar l’esquema de l’occitanisme d’un biais general, sus l’esquema i es una corba que puja tre las annadas 60 ( per far simple) e contunha de pujar entrò las annadas 80, al prim d’aicestas annadas la pujada se vira en platèu estantís mentre qualquas annadas, puèi s’encamina la davalada un briu mai cada an. Pasmens lo mond en trabalhat, se son fachas polidas causas i aguèc créauguda.
Lo pòble a pas pegat a-n-aquò, pas tant que se s’auriá pogut esperar.
Perqué ?
Aquò tanben o cal explicar ?
#7
I a totjorn de la finança çaquelà, agara, jornalet es finançat per mantunas ajudas e pels legeires, l’estat tanben es ajudat per la finança es ela que presta a l’estat l’argent per s’agresa pas, vist que ne sèm aqui apèi 50 annadas de gestion descabestrada pels politics irresponsables e la tissa dels manlèus.
Una brava tancada auriá estat cocanha. Se ara sèm pès e mans ligats cap a la finança es plan en causa de las 50 annadas passadas a manlevar a grand destre. Tanben, auèi l’estat n’es a manlevar per tornar los interests e lo captal, interests que van pas demesir vist qu’ara los taus en pujat e pujaràn enquèra. Cada an avèm 45 milhards de carga de deute (los interests).Sèm a calòs !
Se voliatz pas que la finança capdela li caliá pas balhar lo poder al travers dels manlèus e nos trobar dins un emmòtle brica sanitós. De qual ten aquel deute ? Degun o sap e es enebit d’o saber, pr’aquò dins las reires foganhas se fan pàtis e nos podèm totjorn esquichar d’i vèire clar, damorarèm tucles e sens saber.
Sèm dins un mond, pòt agradar o pas, mas lo perperic es que podèm pas eissir del mond e enquèrra mens solet, puèi per eissir cal tanben de la finança e per contunhar n’en cal tanben.. Reformar la societat va pas de cotria sistematicament ambe l’espandiment de l’occitan ja qu’avèm pas tròp mejans, cal aver d’amiras a portada de man.
Sabèm que cambiar lo mond d’un còp de bròc siòsquèssa magic vòl pas corre.
Cossi cal trabalhar per salvar l’occitan ?
Ambe qual nos cal trabalhar per salvar l'occitan ? Lo coïc çà me diguèc ambe totis e apondi subretot amb'els qu'an la tissa dels poças ensangnosits.
Se capitam pas aquò segur se salvarà pas!
Se capitam pas aquò, de cap de biais se salvarà
#6 Si-ben, nos cal inventar quicòm mai, e ne conveni plan volontièr, mas de çò qu'inventarem o non, los decideires financièrs e sos mariòls politic sols prepausats a la causida electorala nòstra se'n chautaràn sempre esperdudament !
#4
Comprendretz sens cap de mal me pensi que non se pòt definir una linha politic a la lèsta dins de comentaris; per aquò far, demanda plan mai de trabalh e plan mai de temps.
Cal far compta tanben que sèm dins un mond qu'es a far caplèu que çò que fusquèc tornarà pas jamai e qu'en consequancia nos cal inventar, cercar e prepausar.
benlèu que dins novèl mond i sarèm pus somergits per las ersas del novèl.
Sèm a nos endralhar sus un camin vuèg e es a nosaus d'inventar per existir.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari