editorial
L’inquietanta militarizacion d’Euròpa
En novembre passat, Emmanuel Macron jutgèt l’OTAN en estat de “mòrt cerebrala”. Mas ara la venèm de veire mai refortida que jamai. Après la cima de l’Aliança Atlantica que se ven de debanar a Madrid, nos venèm d’assabentar d’una inquietanta militarizacion e americanizacion de nòstre continent. Sens sal ni pebre o diguèt lo president estatsunidenc, Joe Biden, dins l’encastre de la cima: “Putin cercava la finlandizacion d’Euròpa e anatz aténher l’otanizacion d’Euròpa”.
D’aquela cima nos sèm assabentats qu’en Euròpa i a 100 000 soldats estatsunidencs e que i aurà de basas militaras dels Estats Units en Polonha e Romania. Fins ara n’i aviá pas cap dins los ancians païses del Pache de Varsòvia, ni mai dins lo territòri de l’anciana Republica Democratica d’Alemanha. Ara, amb aquelas basas e amb las installacions de Turquia se realizarà lo projècte de “Guèrra de las Estelas” que l’anonciava Ronald Reagan e que puèi lo reprenguèt George Bush en lo sonant “bloquièr antimissils”. An quitament gausat de mençonar China coma una menaça. Tot aquò sembla pas restacat a l’invasion russa d’Ucraïna mas sembla que sián a pensar a una guèrra generala. Inquietant.
A mai es tanplan inquietant que, per tal d’obténer tot aquò, los sòcis de l’Aliança Atlantica son capables de condemnar los curds a la repression brutala qu’Erdoğan vòl per eles. “Turquia es un sòci clau per nòstra seguretat”, çò diguèt lo primièr ministre espanhòl, Pedro Sánchez, en aculhissent Erdoğan. De fach, Sánchez a ja demostrat sa manca d’escrupuls per tal de defendre lo ròtle de la polícia marroquina dins lo chaple de Melilla, e mai l’OTAN a acceptat que las ciutats colònia espanhòlas del nòrd d’Africa sián inclusas dins lo territòri de l’aliança.
Lo Naut Comissariat de las Nacions Unidas pels Refugiats (NACNUR) avertís que lo nombre de personas forçadas de quitar lors ostals e païses s’es doblat aquestes darrièrs 10 ans. O publicàvem dimenge passat. Ara, dins lo Mond, i a mai de 100 milions de refugiats. Es pas en refortissent las barrièras e en massacrant los desplaçats qu’arrestarem aqueste flagèl umanitari.
D’aquela cima nos sèm assabentats qu’en Euròpa i a 100 000 soldats estatsunidencs e que i aurà de basas militaras dels Estats Units en Polonha e Romania. Fins ara n’i aviá pas cap dins los ancians païses del Pache de Varsòvia, ni mai dins lo territòri de l’anciana Republica Democratica d’Alemanha. Ara, amb aquelas basas e amb las installacions de Turquia se realizarà lo projècte de “Guèrra de las Estelas” que l’anonciava Ronald Reagan e que puèi lo reprenguèt George Bush en lo sonant “bloquièr antimissils”. An quitament gausat de mençonar China coma una menaça. Tot aquò sembla pas restacat a l’invasion russa d’Ucraïna mas sembla que sián a pensar a una guèrra generala. Inquietant.
A mai es tanplan inquietant que, per tal d’obténer tot aquò, los sòcis de l’Aliança Atlantica son capables de condemnar los curds a la repression brutala qu’Erdoğan vòl per eles. “Turquia es un sòci clau per nòstra seguretat”, çò diguèt lo primièr ministre espanhòl, Pedro Sánchez, en aculhissent Erdoğan. De fach, Sánchez a ja demostrat sa manca d’escrupuls per tal de defendre lo ròtle de la polícia marroquina dins lo chaple de Melilla, e mai l’OTAN a acceptat que las ciutats colònia espanhòlas del nòrd d’Africa sián inclusas dins lo territòri de l’aliança.
Lo Naut Comissariat de las Nacions Unidas pels Refugiats (NACNUR) avertís que lo nombre de personas forçadas de quitar lors ostals e païses s’es doblat aquestes darrièrs 10 ans. O publicàvem dimenge passat. Ara, dins lo Mond, i a mai de 100 milions de refugiats. Es pas en refortissent las barrièras e en massacrant los desplaçats qu’arrestarem aqueste flagèl umanitari.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si la militarisacion d'Euròpe inquieta jornalet, fau pas s'estonar qu'aquela militirasicion inquieta tanben Putin que los Estats-Unis son trapats a crear de basas militarias tot alentorn de Russia.
Quò es pas los Estats-UNis, quò es la politica de Biden, lo darrier representant d'un renha dictatorial de las familhas las pus poderosas de la planeta.
Biden es aculat; a pus d'assisa politica e vai pas tardar a tombar, remplaçat per de las politicas mai onesta mesme si son menadas per daus conservators. Apres tot Marina Le pen a fach 13 milions de votz a la presidenciala (tertant que Mitterand en 1981) alaidonc qu'era taxada de fascista per l'eternitat de l'eternitat La Nupes faria ben de virar de politica.
Deman, e benleu avant la fin de l'annada, Putin seria lo president d'Euròpe sens qu'aja besonh d'envoiar sas armadas a Pais o Berlin qu'Euròpe actula a pus d'assisa tot coma Biden.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari