Darrièrament, dins las paginas de Jornalet raportam fòrça novetats discograficas e editorialas. E cal dire qu’o raportam pas tot car mancam d’informacion, de temps e de fòrças per raportar coma cal una creacion culturala tan granda. Vertadièrament, en comparason a la vitalitat sociala de la lenga, la creacion culturala en occitan es impressionanta, e aquò manten la lenga viva.
 
Mas, e mai l’occitan siá una lenga viva, es verai que dançar, cantar e escotar de musica en occitan es una accion militanta. O es tanben legir en occitan; es complicat de trobar de librariás que vendan de libres en occitan e solament los ostals d’edicion mai conscientizats son capables d’editar en lenga occitana. De crompar de libres en occitan, e sustot de los legir, es una accion indispensabla per far progressar la lenga e far créisser un sector cultural basic en quina cultura que siá. Del mai i a de lectors, del mai es gròs lo montant d’operacions, e del mai es gròs lo montant d’operacions, del mai i a de produccion literària en occitan. E mai de libres de qualitat escriches en occitan vòl dire mai de legeires. En consequéncia, totes ensems, nos cal far créisser aquel sector sus una premissa plan simpla: ofrir de libres dignes e plan editats qu’interèssen los lectors.
 
En mai d’aquò, sèm convencuts que i a totjorn que mai d’occitans non occitanofòns que voldrián recobrar la lenga. Qu’eles tròben un encastre cultural digne es çò qu’encoratjarà mai nòstres compatriòtas a recobrar una lenga qu’es la sola que nos permet d’interpretar e de comprene lo Mond a la faiçon occitana e qu’es, a l’encòp, nòstra contribucion a la diversitat d’una planeta que volèm mai umana.


 

fffff		fffff
	Qualques botigas en linha   — La Botiga de Jornalet   — Espaci Occitan dels Aups   — La Botiga del CAÒC   — Llibreria Alibri   — Macarèl   — Découvertes occitanes     Qualques ostals d’edicion   — Letras d’Òc   — Vent Terral   — IEO Edicions   — Edicions Reclams — Per Noste — L'Aucèu Libre — Chambra d'Òc — Tròba Vox   — Publicacions en occitan d’Editions des Régionalismes   — Pagès editors   — Publicacions deth Conselh Generau d'Aran   — Publicacions der IEA-AALO. Colleccion Antòni Nogués de traduccions dera literatura universau