editorial
Cui prodest?
Dimenge passat, 13 de novembre, un atemptat terrorista tuèt 6 personas e ne nafrèt d’autras 83 al centre d’Istambol. Sul pic las autoritats turcas afirmèron que lo Partit dels Trabalhadors de Curdistan (PKK) n’èra lo responsable, e detenguèron una femna curda de ciutadanatge sirian acusada d’aver perpetrat l’atemptat. Al mièg d’una censura informativa impausada tanlèu arribat l’atemptat, se mostrèt l’imatge de la detenguda dins los mèdias e se difondèt publicament la designacion dels curds coma colpables, e mai lo PKK aja assegurat que n’i an pas res a veire. Tre dimars comencèt una operacion militara contra lo PKK.
La bomba del 13 de novembre passat fa pensar als atemptats de 2015 e 2016, dins un periòde entre doas eleccions parlamentàrias e un còp d’estat militar amb un bilanç total de 826 mòrts. Alavetz, Recep Tayyip Erdoğan ne tirèt un benefici electoral e retrobèt sa majoritat perduda. Ara l’atemptat terrorista torna venir sèt meses abans d’eleccions en Turquia per las qualas, segon lo sondatge de l’institut Yöneylem, lo 58% dels electors asseguravan que de cap de biais votarián Erdoğan.
Delà lo profièch electoral que ne pòt tirar Erdoğan, l’explica oficiala de l’atemptat poiriá servir per justificar una intervencion militara turca en Rojava, dins lo Curdistan sirian. L’obsession curdofòba del nacionalisme turc fa vertadièrament paur.
La bomba del 13 de novembre passat fa pensar als atemptats de 2015 e 2016, dins un periòde entre doas eleccions parlamentàrias e un còp d’estat militar amb un bilanç total de 826 mòrts. Alavetz, Recep Tayyip Erdoğan ne tirèt un benefici electoral e retrobèt sa majoritat perduda. Ara l’atemptat terrorista torna venir sèt meses abans d’eleccions en Turquia per las qualas, segon lo sondatge de l’institut Yöneylem, lo 58% dels electors asseguravan que de cap de biais votarián Erdoğan.
Delà lo profièch electoral que ne pòt tirar Erdoğan, l’explica oficiala de l’atemptat poiriá servir per justificar una intervencion militara turca en Rojava, dins lo Curdistan sirian. L’obsession curdofòba del nacionalisme turc fa vertadièrament paur.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Era obsession curdofòba deth nacionalisme turc, qu'ei ua obsession nacionalista que ven de luènh. Qu'ei era sua vielha obsession grecafòba quand gueitanvan tot ath torn dera Mar Egea, e ara encara de cap a Chipra. Era obsession armenafòba, de tostemps, dab era négacion deth genocid d'aqueth pòble e damb eras agressions de contunh en eth Caucase
Quanta rason que n'avetz, Franc!
L’obsession curdofòba del nacionalisme turc fa vertadièrament paur ? Es l'obsession xenofòba nacionalista, que siá turca, francesa, pangermanista, castelhanista, italianista o qué que siá mai que fa páur !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari