Ara qu’arriba lo temps de las vacanças, volèm far una crida especiala als legeires de Jornalet. Dins aquel temps de se pausar, s’espaçar, se distraire, escapar a las preocupacions del trabalh e gaudir del léser, los mèdias contunhan de trabalhar sens relambi. A mai, la situacion de la lenga nos permet pas de quitar de publicar en occitan durant un mes. Per aquesta rason avèm de besonh de vosautres mai que jamai. Vos convidam a partejar vòstra energia e vòstras coneissenças amb la còla. Amassa podèm far de causas bèlas!

Per tant, vos convidam a èsser una part activa d’aqueste quotidian en linha pendent lo temps de vacanças. I a divèrses biaisses pels quals podètz collaborar e nos ajudar:

Mandatz-nos vòstras nòvas

En tant que legeires engatjats, segurament sètz mai al corrent que nosautres d’un fum d’eveniments e d’istòrias que se passan al país. Se coneissètz qualque informacion locala, qualque iniciativa remarcabla o qualque istòria inspiraira, mandatz-la a info@jornalet.com.

Partejatz vòstras coneissenças

S’avètz d’experiéncia dins de camps especifics, coma la tecnologia, la sciéncia, los espòrts, la cultura o la politica? Volèm aprofechar vòstras coneissenças e experiéncia! S’avètz enveja de partejar d’articles d’opinion, d’assages o d’analisis d’un domeni determinat, contactatz-nos. Serem encantats de publicar vòstras collaboracions.

Ajuda als prètzfaches de redaccion

La redaccion trabalha infatigablament per prepausar de contenguts de qualitat. S’avètz de competéncias en redaccion, traduccion, edicion, etc., vòstra ajuda seriá plan presada. Vos convidam a nos jónher dins los prètzfaches redaccionals pendent l’estiu.

Publicitat e ressorsas financièras

Coma tot mèdia en linha, fan mestièr a Jornalet de ressorsas publicitàrias. Amb mai de 1000 legeires cada jorn e una difusion internacionala, Jornalet pòt far conéisser una entrepresa, un comèrci, un bar, un restaurant, una ostalariá o quin que siá servici. Partejatz nòstras tarifas de publicitat.

Rets socials

Tanben nos podètz ajudar a aténher de mond en tot partejar d’articles o ben parlar de nosautres. Sèm presents sus:

• Facebook: https://www.facebook.com/jornaleto
• Twitter: https://twitter.com/jornalet
• LinkedIn: https://www.linkedin.com/company/28673637
• Mastodon: https://mastodont.cat/@jornalet@occitania.social

Mercés plan d’avança. Sens lo poder dels legeires, aqueste quotidian seriá pas estat possible.