editorial
La vertat nos farà liures
La recenta revelacion d’un vidèo crucial dins l’enquista de la mòrt de Mohamed Bendriss a Marselha, arribada en julhet de 2023, met en evidéncia lo besonh urgent de transparéncia e responsabilitat de las accions de la polícia. Aquel tragic incident, que se passèt dins l’encastre de rambalhs, pausa ara de questions fondamentalas sus l’emplec de la fòrça e la reddicion de comptes. Lo vidèo, obtengut per Libération e Mediapart, mòstra una estonanta interaccion entre los policièrs del Raid e Bendriss, un jove paire de familha que, segons tota evidéncia, representava pas cap de menaça immediata. Los imatges, e d’autras pròvas, revèlan que los còps de fuòc que tuèron Bendriss èran completament desproporcionats.
La conducha dels enquistaires es tanplan reprobabla. La pression exercida sul testimòni qu’enregistrèt lo vidèo es inquietanta: li comandèron de lo difusar pas e lo menacèron de consequéncias legalas.
La tragèdia de Mohamed Bendriss deu atraire l’atencion per tornar pensar las practicas policièras e trabalhar per un sistèma mai just, transparent e que respècte los dreches umans. Cal remembrar que la transparéncia e l’informacion son indispensablas a una societat justa e democratica, del temps que las manipòlas de l’informacion nos pòdon portar de situacions coma la que visquèt fa qualques jorns lo quartièr de la Moneia de Rumans.
“La vertat vos farà liures”, çò ditz Jèsus segon l’Evangèli de Sant Joan. Amb aquestas paraualas volèm saludar lo brave trabalh fach per Libération e Mediapart. Pr’amor que la manipòla de l’informacion, la messorga e la desinformacion genèran una violéncia interculturala que nos tua e que nos empedís de trabalhar ensems per un Mond melhor. Sèm dins un encastre ont los recorses son de mai en mai cars e contrarotlats per d’elèits de mai en mai poderoses. L’afar de las armas es dels pus lucratiu e fa espelir pel Mond entièr una extrèma drecha que profiècha d’aquesta situacion e dels marrits govèrns per semenar l’asirança e lo conflicte entre pòbles, culturas, originas etnicas, cresenças religiosas o tradicions culturalas. E tant que i aurà pas de patz ni de convivéncia entre nosautres, i aurà pas de lucha per una societat justa.
Mort de Mohammed Bendriss à Marseille en marge des émeutes : Libération et Médiapart dévoilent des images https://t.co/HXCunLs6QI
— Le HuffPost (@LeHuffPost) November 30, 2023
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La mechanta dreicha!...La, la, la ... La bona esquerra. La,la,la... La bona 'esquera de Mitterand/Jospin/ Hollande, La,la,la... La bona Mediapart, l'agence de Raminagrobis que prefera criticar la poliça e los CRS pus leu que los politics e Macron que son quand mesme los patrons de la Poliça. la,la,la.... E l'autre que tots los jors fai una vidéò de 2 o3 minutes e que dis : - politica economica de França: un malastre - politica financiera de França : un malastre - politica internacionala de França : un malastre - politica de la santat de França : un malastre _ politica agricòla de França ; un malastre - politica scolaria e universitaria de França un malastre -etc...etc... La vertat nos fera liure
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari