editorial
Los Amics de Jornalet
Sèm plan contents de vos anonciar que s’es creada l’associacion dels Amics de Jornalet. An registrada aquela nòva associacion dins l’estat francés e sa tòca es de sosténer aqueste jornal per totas las vias possiblas, per que pòsca manténer e agrandir son activitat informativa, opinativa e jornalistica. Los sieus promotors, que qualques unes son de collaboradors del jornal, an pas cap d’intencion d’intrar dins las questions jornalisticas ni editorialas, e an agut lo suènh de metre en evidéncia que lor prètzfach se limitarà al sosten material de tota sòrta per garentir la continuitat e l’avenir de Jornalet.
Va sens dire que los fondadors de Jornalet sèm fòrça aüroses e nos sentissèm plan onorats pel fach qu’una còla d’occitans, per lor compte, ajan decidit de far aquel pas en sosten del nòstre jornal. Coma avèm ja dich d’autres còps, aqueste jornal encaissa pas d’argent a sos legeires per lor ofrir las informacions e las opinions sèt jorns per setmana, 365 jorns per an. Amb aqueste gèst, la nòva associacion dels Amics de Jornalet non solament cèrca de nos ajudar economicament, mas garentís que nòstre mèdia contunharà d’èsser gratuit pels nòstres legeires, e encara mai important, mantendrà sa linha independenta de tota institucion, partit politc, associacion o entrepresa que i pretenda influir a travèrs de la publicitat. Sabètz ben qu’avèm solament un ponch dins lo nòstre ideari editorial: la defensa e la promocion de l’occitanisme en quin domeni que siá per aspirar a aver un país normal.
Sèm convencuts, e de fach es l’idèa motritz que i a darrièr Jornalet, qu’amb l’existéncia d’aqueste jornal trabalham per l’espaci mediatic occitan. Pr’amor d’aquò sèm plan satisfaches que i aja de personas del país nòstre que partegen tanplan aqueste desir e qu’ajan decidit de destinar una part de lor temps e de lors ressorsas. Volèm far publics los nòstres grandmercés e los assegurar que lor esfòrç serà pas de badas. Fin finala, volèm tanben metre en evidéncia que lor ajuda serà fòrça importanta, mas cobrís pas la totalitat dels nòstres besonhs, pr’amor d’aquò vos encoratjam encara d’inserir de publicitat o de far de dons per garentir aqueste projècte. Mercés plan a totes.
Va sens dire que los fondadors de Jornalet sèm fòrça aüroses e nos sentissèm plan onorats pel fach qu’una còla d’occitans, per lor compte, ajan decidit de far aquel pas en sosten del nòstre jornal. Coma avèm ja dich d’autres còps, aqueste jornal encaissa pas d’argent a sos legeires per lor ofrir las informacions e las opinions sèt jorns per setmana, 365 jorns per an. Amb aqueste gèst, la nòva associacion dels Amics de Jornalet non solament cèrca de nos ajudar economicament, mas garentís que nòstre mèdia contunharà d’èsser gratuit pels nòstres legeires, e encara mai important, mantendrà sa linha independenta de tota institucion, partit politc, associacion o entrepresa que i pretenda influir a travèrs de la publicitat. Sabètz ben qu’avèm solament un ponch dins lo nòstre ideari editorial: la defensa e la promocion de l’occitanisme en quin domeni que siá per aspirar a aver un país normal.
Sèm convencuts, e de fach es l’idèa motritz que i a darrièr Jornalet, qu’amb l’existéncia d’aqueste jornal trabalham per l’espaci mediatic occitan. Pr’amor d’aquò sèm plan satisfaches que i aja de personas del país nòstre que partegen tanplan aqueste desir e qu’ajan decidit de destinar una part de lor temps e de lors ressorsas. Volèm far publics los nòstres grandmercés e los assegurar que lor esfòrç serà pas de badas. Fin finala, volèm tanben metre en evidéncia que lor ajuda serà fòrça importanta, mas cobrís pas la totalitat dels nòstres besonhs, pr’amor d’aquò vos encoratjam encara d’inserir de publicitat o de far de dons per garentir aqueste projècte. Mercés plan a totes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Sénher Baceló, disètz : « Lo conflicte politic es amb d'estats que refusan d'acceptar lor diversitat intèrna. » Un estat a pas d'aver una diversitat intrèna, e es per aiçò que la pòt pas acceptar. Es per aquò que nos manca un estat occitano-catalan, dempuèi 800 ans, de Gueret a Guardamar.
#11 Soi occitan e non pas catalan, mas coma rèirefelen de malhorquins, que sabián que parlavan la meteissa lenga, malgrat qualques diferéncias, qu'a Barcelona e qu'aquesta lenga se sonava catalan, tròbi absurda la polemica que volètz crear. En mai d'aquò, doas causas : 1) coneissi mai de valencians que de catalans stricto sensu qu'emplegan l'expression "païses catalans", per exemple l'intellectual Joan Fuster e lo director de Vilaweb Vicent Partal; 2) es pas una expression insultanta pr'amor qu'articula l'especificitat de cada territòri ("païses") a una realitat indiscutibla, l'unitat de la lenga catalana. E mai l'Acadèmia Valenciana de la Lenga, ça que la creada amb de rèirepensadas secessionistas, reconeis qu'es la meteissa lenga, e pòdi dire, coma lingüista occitanista, que i a pas mai de diferéncias dintre lo catalan/valencian que dintre lo lengadocian. Vos grandmercegi de vos interessar a l'occitan, vos benastrugui, de verai, per vòstras esfòrces per escriure dins nòstra lenga (que ditz "Illas Balearas", pasmens), mas es pas coërent de defendre a l'encòp l'occitan, que patís de temptacions secessionistas aürosament minoritàrias (consequéncias de nòstra alienacion), e una vision separatista del catalan. Lo conflicte lingüistic vertadièr per l'occitan coma pel catalan es amb lo francés, l'italian e l'espanhòl, coma lo conflicte politic es amb d'estats que refusan d'acceptar lor diversitat intèrna.
Ieu apiejarai aquel jornal quand quitarà d'utilizar la en insultant expression "païses catalans" en se far referéncia a la Comunitat Valenciana, las Ilhes Balears e la franja orientala d'Aragon.
#9 La basa es un escotisson de 20 èuros... Quant a la deduccion fiscala, pensi qu'es impossibla perque Jornalet a pas son sèti dins l'estat francés, mas es evident que nos entresenharem...
#8 Se comprèni ben, pagui un abonament de sosten jos la fòrma d'un don mensual a l'associacion, que s'engatja de lo tornar versar integralament al Jornalet. E al passatge aprofièchi de la deduccion fiscala que fa que pòdi far lo don un pauc mai fòrt. Es aquò ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari