editorial
Calandreta: tornarmai la repression
Publicàvem fa qualques jorns una nòva absoludament insolita. Lo prefècte dels Pirenèus Atlantics (Bearn, Bas Ador e Bascoat Nòrd) a decidit de barrar la Calandreta d’Artics en apelant la dicha Lei Falloux, aprovada en 1850 e que segon ela se pòt pas utilizar un local public per un establiment privat. Aquela decision es un atemptat fòrça grèu contra la lenga e la cultura occitanas, perque lo prefècte a degut remontar un sègle e mièg per trobar una fendilha legala e, aital, per poder prejudicar la Calandreta e la lenga occitana. I a pas cap d’autra explicacion qu’aquela, fondamentada, sus un esperit de persecucion que pensàvem que França aviá superat. Mas remarcam, esglasiats, qu’es pas aital.
Segon lo nòstre vejaire, la decision del prefècte a pas cap de basa solida. E poiriá pensar qualqu’un, onèstament, que las Calandretas son d’establiments privats? Son d’escòlas associativas amb una evidenta vocacion de servici a la comunautat, sens cap de tòca lucrativa. E pensa qualqu’un, comprés lo prefècte, que se pòt aver l’intencion de venir ric en se consagrant a l’educacion en lenga occitana? Pr’amor que la responsa es evidenta, la còla de Jornalet volèm mostrar lo nòstre sosten als ensenhaires, als escolans e als parents de l’escòla occitana d’Artics davant aquel nòu ensag de tòca culturicida de la Republica Francesa, qu’es pas autra causa qu’una infama preson de pòbles. Precisament ara, quand la consciéncia occitana se reviscòla e l’interès per la recuperacion de la lenga creis, l’estat francés torna reprimir durament las familhas occitanas.
La primièra responsa de la societat civila occitana arribarà dissabte 15 de març. Aquel jorn se farà una manifestacion a Pau en defensa de las escòlas immersivas en occitan. La marcha començarà a 15h00 sus la Plaça de la Liberacion e la còla de Jornalet encoratjam totes los occitans d’i participar per far veire net e clar que lo pòble occitan nos daissarem pas menaçar amb de leis qu’an mai de 150 ans.
Segon lo nòstre vejaire, la decision del prefècte a pas cap de basa solida. E poiriá pensar qualqu’un, onèstament, que las Calandretas son d’establiments privats? Son d’escòlas associativas amb una evidenta vocacion de servici a la comunautat, sens cap de tòca lucrativa. E pensa qualqu’un, comprés lo prefècte, que se pòt aver l’intencion de venir ric en se consagrant a l’educacion en lenga occitana? Pr’amor que la responsa es evidenta, la còla de Jornalet volèm mostrar lo nòstre sosten als ensenhaires, als escolans e als parents de l’escòla occitana d’Artics davant aquel nòu ensag de tòca culturicida de la Republica Francesa, qu’es pas autra causa qu’una infama preson de pòbles. Precisament ara, quand la consciéncia occitana se reviscòla e l’interès per la recuperacion de la lenga creis, l’estat francés torna reprimir durament las familhas occitanas.
La primièra responsa de la societat civila occitana arribarà dissabte 15 de març. Aquel jorn se farà una manifestacion a Pau en defensa de las escòlas immersivas en occitan. La marcha començarà a 15h00 sus la Plaça de la Liberacion e la còla de Jornalet encoratjam totes los occitans d’i participar per far veire net e clar que lo pòble occitan nos daissarem pas menaçar amb de leis qu’an mai de 150 ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Sul prefecte, es çò que voliái dire: tal coma foncciona, es antidemocratic.
Per contornar lo problèma, sufís de pagar un loguièr que la collectivitat territoriala tòrna per una subvencion.
Lo collègi Calandreta de Montpelhier es dins de locals del consèlh general me sembla, pròva que Calandreta fa acte de servici public e es sostengut per la populacion per aiçò. Una question grèva : lo ròtle del prefècte en França es antidemocratic ?
SOSTENGAM CALANDRETA, ESCÒLA PUBLICA OCCITANA,
CONTRA LAS AGRESSIONS DE L'ESTAT FRANCÉS !
Lo Partit de la Nacion Occitana apela a sosténer las escòlas associativas laícas occitanas Calandretas, especialament aquela d'Artics, expausada a las agressions de l'administracion francesa.
Las Calandretas asseguran un servici public d'ensenhament en occitan, servici public que l'Educacion « Nacionala » francesa assegurava pas emai contunha de pas assegurar a la nautor de sas capacitats, al despiech dels esfòrces dels ensenhaires engatjats dins una batesta similara. Lo pretzfach de las escòlas associativas es essencial per la transmission, la subrevida e l'espandiment de nòstra lenga e de nòstra cultura.
Per aquò, a las Calandretas fai mestièr l'ajuda de las collectivitats territorialas, mantunas l'an comprés e lor pòrtan son ajuda. Pr'aquò, los representants de l'Estat opausan ad aquela ajuda las empachas elaboradas dins los dos darrièrs segles per liberar l'Escòla de l'influença de la Glèisa : per els, las Calandretas son escòlas privadas emai doncas enebisson a la comunas de las ajudar, especialament per çò dels locals necessaris.
Per la Republica Francesa, lo solet ensenhament que pòsca finançar la moneda publica (la dels ciutadans) es l'ensenhament que definís coma « public », valent a dise aquel que l'Estat (segon los metòdes de Napoléon lo Ier) definís e organiza.
Lo Partit de la Nacion Occitana reconeis a las Calandretas la qualitat d'escòlas publicas occitanas, e reivindica per las collectivitats territorialas que ac desiran lo drech de s'engatjar a lors costats.
Apela a manifestar lo dissabte 15 de març del 2014, a la 15 oras a Pau (partença Plaça de la Liberacion) emai a signar la peticion de sostèn sus
Coma si pòu trobar encara de monde per creire que l'Estat francimand auria cessat la sieu" caça ai mascas" ? Nos va secutar encara e encara, e nautres creirem totjorn qu'aquelu procediments van s'arrestar. Avèm pas finit de tombar de làgremas, bravi gents !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari