editorial
Lo vòte occitanista
La Republica Francesa es en plen periòde electoral ont se causirà los cònsols e los conselhièrs de las municipalitats de l’estat. La lei electorala francesa, coma es plan sauput, penaliza los partits petits e establís un sistèma que solament los grands partits i pòdon obténer de representacion. Es un bon exemple, doncas, de coma una lei electorala pòt modificar lo resultat de certanas eleccions abans que se menen a tèrme, e demòstra que la democracia francesa es, dins lo melhor dels cases, una democracia limitada.
Aquel fach descoratja una granda partida de l’electorat e dificulta la bastison d’alternativas politicas solidas. L’esfòrç es talament grand e normalament lo resultat es talament petit que, sovent, las personas amb d’idèas politicas getan l’esponga abans de començar o prenon l’opcion d’intrar dins los grands partits, los sols que garentisson una opcion d’èsser elegit. En tot cas, e malgrat aquela realitat, lo fach es qu’un ponhat de patriòtas occitans son estats capables d’impulsar un movement de basa sens precedents, alonhat de las siglas istoricas occitanistas, qu’a fach que se presenten un fum de candidats occitanistas. Efectivament, la preséncia occitanista es pro fòrta e avèm una escasença d’aver de cònsols e de conselhièrs municipals conscients de lor occitanitat.
La còla de Jornaletavèm saludat abans aquela iniciativa e encoratjam, en consequéncia, totes los occitans a votar en clau occitanista. Coma se sap, los 116 candidats de Bastir e d’autres candidats occitanistas se son repartits dins mantas listas e coalicions, perque la prioritat es ara d’obténer d’elegits amb consciéncia de país al delà de tota autra consideracion quina que siá. I a d’occitanistas dins las listas de tota sòrta, e per tant se cal despachar de votar per eles. Fasèm una crida a o far dins lo primièr torn e tanben dins lo segond. Los elegits occitanistas deuràn formar una assemblada d’elegits occitanistas, que trabalharà pel grand saut endavant que reclama l’occitanisme politic dins las annadas avenidoiras. Eles an ja pagat de lor persona; lor refusaràs ara lo tieu vòte?
Aquel fach descoratja una granda partida de l’electorat e dificulta la bastison d’alternativas politicas solidas. L’esfòrç es talament grand e normalament lo resultat es talament petit que, sovent, las personas amb d’idèas politicas getan l’esponga abans de començar o prenon l’opcion d’intrar dins los grands partits, los sols que garentisson una opcion d’èsser elegit. En tot cas, e malgrat aquela realitat, lo fach es qu’un ponhat de patriòtas occitans son estats capables d’impulsar un movement de basa sens precedents, alonhat de las siglas istoricas occitanistas, qu’a fach que se presenten un fum de candidats occitanistas. Efectivament, la preséncia occitanista es pro fòrta e avèm una escasença d’aver de cònsols e de conselhièrs municipals conscients de lor occitanitat.
La còla de Jornaletavèm saludat abans aquela iniciativa e encoratjam, en consequéncia, totes los occitans a votar en clau occitanista. Coma se sap, los 116 candidats de Bastir e d’autres candidats occitanistas se son repartits dins mantas listas e coalicions, perque la prioritat es ara d’obténer d’elegits amb consciéncia de país al delà de tota autra consideracion quina que siá. I a d’occitanistas dins las listas de tota sòrta, e per tant se cal despachar de votar per eles. Fasèm una crida a o far dins lo primièr torn e tanben dins lo segond. Los elegits occitanistas deuràn formar una assemblada d’elegits occitanistas, que trabalharà pel grand saut endavant que reclama l’occitanisme politic dins las annadas avenidoiras. Eles an ja pagat de lor persona; lor refusaràs ara lo tieu vòte?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perdon mai mi fau precisar, un còpmai,que l'occitan òl'occitanisme es pas una opcion politica.
Podem estre occitan E comunista, fascista, liberau, sociau democrate conservator de dreta, etc.
De municipalitats "occitanas" vòu pas dire grand cava per ieu, que la politica menada pòu estre radicalament diferenta segon lei sensibilitats politicas, manca que se farà en occitan ... per ieu basta pas.
La victòria se ferà anueit mès tanben endelà. I a los que s'an desclarats candidats davant las eleccions, e que seràn elugits o pas, apuei i a tots los que s'an pas desclarats e que rejunheran lo moviment un còp elugits. L'eleccion n'es pas la fin dau combat, n'es lo començament.
Demòra que d'esperar una capitada bèla per lo movement Bastir, que porria desembocar dins l'avenidor a de municipalitats occitanisti. Espèri tanben la capitada d'aqueli votacions a Luceram d'ont es present lo nastre amic B.Fruchierdins l'encastre de Bastir.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari