editorial
Lo còde de La Guiòla
La vila de La Guiòla, en Aubrac e en Roergue, es pas proprietària del sieu nom dempuèi qu’un entrepreneire de cotèls parisenc l’enregistrèt coma marca depausada en 1993. En setembre de 2012 o raportèrem sus Jornalet. De mai, la vila s’es vista condemnada per la justícia francesa a pagar 100 000 èuros a Gilbert Szajner, l’entrepreneire parisenc (de la Val de Marna) proprietari legal de la marca Laguiole (en francés). Szajner esplecha la comercializacion de cotelariá e fa tanben de farda per l’ostal, de vestits, de batifuòcs e de barbacoas, importats mai que mai d’Asia, en essent tot aquò comercializat amb lo nom francés de La Guiòla.
Après una nòva decision de la justícia en favor de Szajner, lo cònsol de la vila roergassa, Vincent Alazard, faguèt dijòus passat una crida a la solidaritat a las 36 000 comunas de l’estat francés. Dins una conferéncia de premsa, Alazard se diguèt victima d’una “catastròfa subrenaturala” ja que la vila occitana s’es vista privada de la possibilitat d’emplegar lo sieu nom. “Sèm en estat de rebellion quitament se respectam las institucions”, çò diguèt lo cònsol abans d’escriure al president francés, François Hollande, per li demandar son ajuda.
Mas la còla de Jornalet cresèm que La Guiòla es pas jamai estada proprietària de son nom, del temps que lo sol nom oficial es una adaptacion a la francesa del toponim occitan. Es a París que decidiguèron que La Guiòla se deviá escriure Laguiole. Es a París que n’an raubat adès lo nom. Es a París que la justícia a legitimat que la vila siá privada quitament de son nom francés. Alavetz, cresèm qu’es pas a París que cal demandar ajuda.
Seriá benlèu bon per La Guiòla de recuperar e oficializar son nom occitan, e d’oficializar tanben lo toponim occitan pels produches que s’i fan. Benlèu aital, amb lo saber-far de la vila d’Aubrac, la denominacion Laguiole auriá lo prestigi dels cotèls faches en China del temps que la denominacion La Guiòla auriá lo prestigi dels produches faches al país. E en mai d’aquò, aurián mai d’autenticitat.
Es per aquò que prepausam a Alazard una solucion que pòt rendre a La Guiòla la dignitat perduda en 1993, e tanben la que comencèt de se perdre amb l’invasion francesa del sègle XIII.
Après una nòva decision de la justícia en favor de Szajner, lo cònsol de la vila roergassa, Vincent Alazard, faguèt dijòus passat una crida a la solidaritat a las 36 000 comunas de l’estat francés. Dins una conferéncia de premsa, Alazard se diguèt victima d’una “catastròfa subrenaturala” ja que la vila occitana s’es vista privada de la possibilitat d’emplegar lo sieu nom. “Sèm en estat de rebellion quitament se respectam las institucions”, çò diguèt lo cònsol abans d’escriure al president francés, François Hollande, per li demandar son ajuda.
Mas la còla de Jornalet cresèm que La Guiòla es pas jamai estada proprietària de son nom, del temps que lo sol nom oficial es una adaptacion a la francesa del toponim occitan. Es a París que decidiguèron que La Guiòla se deviá escriure Laguiole. Es a París que n’an raubat adès lo nom. Es a París que la justícia a legitimat que la vila siá privada quitament de son nom francés. Alavetz, cresèm qu’es pas a París que cal demandar ajuda.
Seriá benlèu bon per La Guiòla de recuperar e oficializar son nom occitan, e d’oficializar tanben lo toponim occitan pels produches que s’i fan. Benlèu aital, amb lo saber-far de la vila d’Aubrac, la denominacion Laguiole auriá lo prestigi dels cotèls faches en China del temps que la denominacion La Guiòla auriá lo prestigi dels produches faches al país. E en mai d’aquò, aurián mai d’autenticitat.
Es per aquò que prepausam a Alazard una solucion que pòt rendre a La Guiòla la dignitat perduda en 1993, e tanben la que comencèt de se perdre amb l’invasion francesa del sègle XIII.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 En Catalonha, amb Marquixanes e Baixàs i a pas de problèma. Vertat es que los catalans se sabon far respectar un pauc mièlhs.
#9 "lo nom de la vila en occitan(La Guiòla o Laguiòla)."
La Guiòla, amb un espaci en La e Guiòla: un pauc de respècte per la lenga e per nòstres toponims.
La municipalitat de Laguiòla se deu de téner cap al comèrci internacional. A una oportunitat; l'occitan.
Pòt enregistrar coma marca depausada lo nom de la vila en occitan(La Guiòla o Laguiòla). Mès aquò se pot pas far- per cambiar, per exemple, suls cotels, " Laguiole" en" Laguiòla"- sens lo sosten dels coteliers e del monde que trabalhan amb eles. Pensi qu'auran besonh dels occitanistas locals ( IEO, etc...) per far capitar e donar vam al processus.
Ca que là, atencion a la decepcion: caldrià pas qu'un jorn nos trobessem davant la television, amb una pepià, los pòts roges en cuol de pola, o un drollas sens camisa, muscles deforà faguents l'article, amb l'accent ponchut: " le LaguiolA, l' vrè coutò de Layol"!!!!
Sabètz?... Prumerament, l'IEO roergat poiriá contactar lo cònsol de La Guiòla per li prepausar l'ajuda del monde occitanista que, portaire del mòt d'òrdre defensaire de la marca La Guiòla, s'arremosariá dins sa vila per lo tradicional passa-carrièra de cada dus ans. Segondament, esmogut e reconeissent, lo cònsol acceptariá l'oferta. Tresenament, la cultura e lo dever civic s'endevendrián damb l'economia dins una insuspectada armonia. Quatrenament, se poiriá esperar d'aquò d'uroses efèits per la nòstra causa.
#6 Doblidatz pas de depausar "La Guiòla " coma nom de marca internacionala a de per abans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari