editorial
La decepcion Valls?
La granda esperança del socialisme francés, l’òme que deviá salvar Hollande de la davalada electorala, lo politician cridat a ocupar los estaments mai nauts de la politica francesa, sembla d’aver començat mal. D’efièch, lo catalan Manuel Valls a iniciat son accion coma primièr ministre amb una seguida de retalhadas budgetàrias e socialas que, vist amb un pauc de distància, lo fan mai pròche de Nicolas Sarkozy que de sos camaradas del Partit Socialista.
Pauc de temps après prene possession de la carga, Valls dictèt de mesuras encaminadas a estalviar 50 miliards d’èuros. En parallèl, lo nòu primièr ministre vòl aplicar de reduccions dels impòstes per las entrepresas d’una valor de 30 miliards d’èuros per las far mai competitivas. Cal pas èsser licenciat en sciéncias economicas per veire qu’aquelas mesuras son pas, precisament, progressistas. De fach, aquel nòu apròchi restrictiu a alucat totas las alarmas del PS, un partit ont s’atròba que fòrça militants considèran que Valls es pas, justament, un ortodòxe d’esquèrra. Òm pòt pensar que, per far aquela sòrta de politica fiscala, benlèu caliá pas traire l’UMP del govèrn francés.
E cal ramentar que Valls, malgrat sas originas catalanas progressistas, se mòstra desfavorable a la promocion de las lengas minorizadas.
Al delà de tot aquò, lo fach d’aprovar Ségolène Royal coma ministra de l’ecologia sembla qu’es pas tanpauc una reüssida de Valls, e mai s’al començament qualques analistas o interpretèron coma un còp d’efièch. Royal es pas intrada dins lo sieu ministèri, justament, amb calma e discrecion. Las cronicas jornalisticas indican qu’a dictat una seguida de mesuras que son estadas plan mal aculhidas pels foncionaris del Ministèri de l’Ecologia. Le Point a publicat que la “Dòna de Fèrre” de Peitau se desplaçarà dins los corredors del ministèri precedida d’un uissièr que l’anonciarà, de tal biais que lo personal se deurà levar a son passatge. Cresiam que França èra una republica, mas sembla que tornan las formas monarquicas. Lo fach que siá l’èx-companha d’Hollande multiplica l’interès mediatic e social, e de talas decisions prejudícan tant Hollande coma lo primièr ministre que l’a aprovada.
Èra de preveire qu’a Carmauç Hollande se faguèsse fiular e escridassar. A la còla de Jornalet nos agrada pas tanpauc qu’aquelas gents luènh del pòble rendan omenatge a nòstre Joan Jaurés.
Pauc de temps après prene possession de la carga, Valls dictèt de mesuras encaminadas a estalviar 50 miliards d’èuros. En parallèl, lo nòu primièr ministre vòl aplicar de reduccions dels impòstes per las entrepresas d’una valor de 30 miliards d’èuros per las far mai competitivas. Cal pas èsser licenciat en sciéncias economicas per veire qu’aquelas mesuras son pas, precisament, progressistas. De fach, aquel nòu apròchi restrictiu a alucat totas las alarmas del PS, un partit ont s’atròba que fòrça militants considèran que Valls es pas, justament, un ortodòxe d’esquèrra. Òm pòt pensar que, per far aquela sòrta de politica fiscala, benlèu caliá pas traire l’UMP del govèrn francés.
E cal ramentar que Valls, malgrat sas originas catalanas progressistas, se mòstra desfavorable a la promocion de las lengas minorizadas.
Al delà de tot aquò, lo fach d’aprovar Ségolène Royal coma ministra de l’ecologia sembla qu’es pas tanpauc una reüssida de Valls, e mai s’al començament qualques analistas o interpretèron coma un còp d’efièch. Royal es pas intrada dins lo sieu ministèri, justament, amb calma e discrecion. Las cronicas jornalisticas indican qu’a dictat una seguida de mesuras que son estadas plan mal aculhidas pels foncionaris del Ministèri de l’Ecologia. Le Point a publicat que la “Dòna de Fèrre” de Peitau se desplaçarà dins los corredors del ministèri precedida d’un uissièr que l’anonciarà, de tal biais que lo personal se deurà levar a son passatge. Cresiam que França èra una republica, mas sembla que tornan las formas monarquicas. Lo fach que siá l’èx-companha d’Hollande multiplica l’interès mediatic e social, e de talas decisions prejudícan tant Hollande coma lo primièr ministre que l’a aprovada.
Èra de preveire qu’a Carmauç Hollande se faguèsse fiular e escridassar. A la còla de Jornalet nos agrada pas tanpauc qu’aquelas gents luènh del pòble rendan omenatge a nòstre Joan Jaurés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Arf ! Crèsi que nos cal tornar armonizar los chakras, cal pas damorar contristat atal .
Escota, plora, respira, somris, respira. http://youtu.be/hC4P-uPgv_k
#11 Ne soi pas jo qui vau deféner los socialistas. Los Cahuzac, Hollande e autes Pascal Lamy d'aqueste mond que son d'esquèrra autant com jo soi bolangista. Los mei grans privatizaires deu sègle que son estats los socialistas — sembla socialistas, be deurí díser, mes aquò rai.
Lo fèit damòra que las pretendudas leis economicas e son la basa deu dògma ultraliberau qui sèrv de pretèxte entà sacamandejar lo planeta, enriquir los rics e empraubir los praubes. Aqueste dògma, los socialistas ja l'an hèit lor (e non parli pas deu punhat de sobras d'esquerristas desenganats qui deurén daishar lo partit).
Mes n'atz pas responut suu hons, qui ei : en nom de la pretenduda realitat economica, ei justificat / justificader qu'ua minoritat deu monde arrecaptin lo riquèr ? La responsa b'ei NON PAS, lhevat deu punt de vista deus 1% de salotràs qui'n tiran benefici (e deu lor seguici : los qui espèran de'n profieitar, o lhèu qui ne profieitejòtan, dab mensh de consciéncia sociau que las ústrias).
Lo sistèma dit deu libre mercat que favoreish exactament aquò — la concentracion deu capitau — puish a que l'argent i va tà l'argent. Assecar lo sector public que fomenta la privatizacion deus servicis, dab ua practica captiva.
Doncas pòden investir sonque los qui an ja l'argent, e ne s'atraçar lo profieit tot. En exigir mei de tornas au detriment deus salaris, que son eths, pas los salariats, qui an hèit lo ciutadan Lambda dependent deu credit (puish a que lo salari mejan ne permet pas mei de crompà's çò de necessari). Quin se hè que mei anar mensh de monde e's poishquin crompar l'ostau pròpi ?
E donc, ÒC BEN QUIÒ, los qui concentran lo capitau be son los responsables d'ua situacion qui an creat, especiaument a partir de las annadas Thatcher, e qui a hèit permanenta la crisi.
De que daubuns s'ac poishquin virar dens aquera jungla, non i a cap dobte. Un joen japonés ansiós que disè tot escàs a la tele : « S'i mauescadossin los de mei, que se'ns deviraré plan : qu'aurem mei de sòrta tà nosauts ». Ei aquò la societat qui voletz ? La guèrra de cada un contra tots ? Que l'atz, e qu'ei ua societat de hemsa.
E jo que la'vs voi honhar de pillas.
Sénher antalya, ne debaterèi pas mei dab vos, pr'amor qu'èi dit tot çò qu’aví de díser e qu'ac èi dit en de batles.
E tà'vs pregar : guardatz-ve lo tutejament taus vòstes amics, deus quaus m'englòrii de n'estar pas jamei.
#10 Vertat es que per la flibusta los socialista son venguts mestre ! Enrodats de morala a très sòus qu'engana degun. Los autres atanben. Per çò qu'es d'hollande qu'aima pas los rics a un patrimòni devers dos milhons d'euros. DSK a una societat al Maròc. Cahuzac fa lo soissa e te passi los autres...
I torna òc ! agachas lo mond e tira te aquèlas lunetas de caramentrant que de fan vèire una realitat messorguièra.
Mas es vertat es totjorn la fauta dels autres.... jamai de se meteis.
#9 E la Russia flame nava — la mafiocracia ultramercantila per excelléncia — qu'ei en recession, mentre l'UE qu'estagna : dus paradís de la flibusta…
La diferéncia enter lo socialisme e lo tot-mercat, qu'ei que l'istòria n'a pas enqüèra actat la mauescaduda deu segond. Non costarà pas sheisanta ans :
« Las ueitanta e cinc personas mei ricas au mond que possedeishen autant com los tres miliards e miei mei praubes » (http://www.latribune.fr/actualites/economie/international/20140120trib000810501/les-85-plus-riches-du-monde-possedent-autant-que-les-35-milliards-les-plus-pauvres.html).
Mes òh ! perdon : « La Tribune » que deu estar un jornau de gauchistas qui acaçan vielhas luas… E me dises d'espiar lo monde ? Ja m'estoni lo quau de nos dus e'n va a las clucas.
O lhèu la concentracion deu riquèr enter las mans d'un deu cent de la populacion mondiau ne't destorba pas. S'ei atau, drom en patz. Suu libre mercat s'i crompa pas consciéncias.
#8 Lo socialisme a capitat enluòc. Agacha lo mond ! Los ex pais socialistas son venguts a l'economia de mercat
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari