editorial
Un país, una seleccion
Fa qualques jorns, aqueste jornal fasiá resson de la discreta mas eficienta accion internacionala de la seleccion occitana de fotbòl. A l’ora d’ara, la nòstra esquipa nacionala ocupa la quatrena plaça del classament de nonanta seleccions non reconegudas per la FIFA. Aqueste succès es lo meriti de l’Associacion Occitana de Fotbòl (AÒF), que fa plan d’annadas que trabalha per jónher tot lo país dins una meteissa esquipa e dins un meteis esperit. Al delà dels imprescindibles jogaires, la colomna vertebrala de l’esquipa es lo nuclèu organizatiu menat per l’infatigable entraïnaire, Deidièr Amiel, e per l’infatigable president de l’AÒF, Nicolas Desachy. Es per aquò que, encara un còp, los cal felicitar per aquel prètzfach e los encoratjar de contunhar.
Son paucas las escasenças de visibilizar Occitània tota joncha, e la nòstra esquipa nacionala es una excellenta ocasion. Mas i a encara quicòm qu’es melhorable e cal far una crida. Quina seleccion que siá a de besonh de sentir lo vam dels suportaires e l’atencion d’un país. Los nòstres jogaires meritan mai d’atencion de la part de totes: dels amators, dels mèdias e de las nòstras institucions. Los nòstres jogaires devon percebre un país que reagís rapidament a cada jogada e una nacion esmoguda a cada gòl. Los occitans nos cal èsser melhor informats, nos cal seguir la nòstra esquipa e, se podèm, nos cal desplaçar per veire las partidas. Es imperatiu que nascan per tota Occitània de grops de suportaires organizats que fagan còire lo país.
Ongan s’es debanada la Copa del Mond de fotbòl en Brasil. De milions d’occitans son estats plan atentius a las partidas e, sens cap de sòrta de dobte, l’immensa majoritat an sostengut los blaus. Es probable que seràn pauques los qu’auràn imaginat que la seleccion occitana podiá arribar de i jogar. Es normal qu’aquò se passe dins un país que li an raubada l’istòria. Es per aquò que lo procès que cal començar es lent e donarà pas de frucha a tèrme cort. Se nos i metèm sul pic, dins 10 o 20 annadas serà un fach fòrça normal e corrent de se desplaçar per veire una partida de la seleccion occitana o ben per crompar l’esquipament oficial pels enfants.
Son paucas las escasenças de visibilizar Occitània tota joncha, e la nòstra esquipa nacionala es una excellenta ocasion. Mas i a encara quicòm qu’es melhorable e cal far una crida. Quina seleccion que siá a de besonh de sentir lo vam dels suportaires e l’atencion d’un país. Los nòstres jogaires meritan mai d’atencion de la part de totes: dels amators, dels mèdias e de las nòstras institucions. Los nòstres jogaires devon percebre un país que reagís rapidament a cada jogada e una nacion esmoguda a cada gòl. Los occitans nos cal èsser melhor informats, nos cal seguir la nòstra esquipa e, se podèm, nos cal desplaçar per veire las partidas. Es imperatiu que nascan per tota Occitània de grops de suportaires organizats que fagan còire lo país.
Ongan s’es debanada la Copa del Mond de fotbòl en Brasil. De milions d’occitans son estats plan atentius a las partidas e, sens cap de sòrta de dobte, l’immensa majoritat an sostengut los blaus. Es probable que seràn pauques los qu’auràn imaginat que la seleccion occitana podiá arribar de i jogar. Es normal qu’aquò se passe dins un país que li an raubada l’istòria. Es per aquò que lo procès que cal començar es lent e donarà pas de frucha a tèrme cort. Se nos i metèm sul pic, dins 10 o 20 annadas serà un fach fòrça normal e corrent de se desplaçar per veire una partida de la seleccion occitana o ben per crompar l’esquipament oficial pels enfants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una plam bona iniciativa aquela equipa.Cal far sortir l'occitanisme sonque del mitan cultural o pòlitic e l'espòrt n'es l'escasença.
Encara un còp, òsca per lo trabalh fach.
Se me permeti pasmens de donar un avejaire, seriá bòn bessai d'espandir un pauc lo relarg dei jogaires contactats per jogar dins la seleccion.
Pensi en de clubs coma Consolat Marseille, Arles Avignon, lo FC dau Martègue...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari