editorial
D’occitans a la V
Coma sabètz, l’11 de setembre que ven, jorn nacional de Catalonha, i aurà una manifestacion massissa a Barcelona que dessenharà una enòrma letra V. La V es l’iniciala de mai d’un mot qu’amassan l’esperit sobeiranista majoritari catalan: votar, victòria, valor, volontat o vertat. Èra la letra que Winston Churchill fasiá amb sos dets per rendre clara sa volontat de véncer los nazis, per exemple. Aquela manifestacion massissa cèrca de refortir la societat civila catalana fàcia als afrontaments institucionals entre Catalonha e Espanha que se visualizaràn dins lo referendum del 9 de novembre e pendent los meses seguents.
En mai de centenats de milièrs de catalans, fòrça araneses i assistiràn tanben, ja que fan partida del subjècte politic qu’es lo Principat de Catalonha. Segon lo quite president de Catalonha, Artur Mas, los catalans an mes en evidéncia qu’un estat catalan independent donarà a la Val d’Aran lo meteis tractament que Catalonha esperava de recebre d’Espanha: es a dire que los araneses auràn en lors mans la clau de lor avenir politic. Se qualque aranés pòt benlèu, a l’ora d’ara, garentir que la Val d’Aran serà melhor tractada e respectada se demòra dins Espanha? La responsa es evidenta. Es per aquò que fòrça araneses participan al movement civil sobeiranista e anaràn l’11 de setembre que ven a Barcelona.
Mas i anaràn pas solament fòrça araneses. Avèm aprés que fòrça autres occitans i anaràn tanben, perque son de personas solidàrias e internacionalistas, e perque s’es estenduda la percepcion qu’un estat catalan independent es positiu per Occitània dins totes los aspèctes: cultural, economic e politic. Aquela percepcion, qu’aqueste jornal parteja, farà que de desenats d’occitans davalen a Barcelona per s’apondre a la granda V que se dessenharà per carrièras dins la capitala catalana. De fach, los occitans, araneses incluses, an ja un tròç reservat: concretament lo tròç numèro 30 (en catalan, per “tròç” dison tram). Serà un jorn istoric per Catalonha e pels movements nacionalitaris d’Euròpa. Lo mancaràs?
En mai de centenats de milièrs de catalans, fòrça araneses i assistiràn tanben, ja que fan partida del subjècte politic qu’es lo Principat de Catalonha. Segon lo quite president de Catalonha, Artur Mas, los catalans an mes en evidéncia qu’un estat catalan independent donarà a la Val d’Aran lo meteis tractament que Catalonha esperava de recebre d’Espanha: es a dire que los araneses auràn en lors mans la clau de lor avenir politic. Se qualque aranés pòt benlèu, a l’ora d’ara, garentir que la Val d’Aran serà melhor tractada e respectada se demòra dins Espanha? La responsa es evidenta. Es per aquò que fòrça araneses participan al movement civil sobeiranista e anaràn l’11 de setembre que ven a Barcelona.
Mas i anaràn pas solament fòrça araneses. Avèm aprés que fòrça autres occitans i anaràn tanben, perque son de personas solidàrias e internacionalistas, e perque s’es estenduda la percepcion qu’un estat catalan independent es positiu per Occitània dins totes los aspèctes: cultural, economic e politic. Aquela percepcion, qu’aqueste jornal parteja, farà que de desenats d’occitans davalen a Barcelona per s’apondre a la granda V que se dessenharà per carrièras dins la capitala catalana. De fach, los occitans, araneses incluses, an ja un tròç reservat: concretament lo tròç numèro 30 (en catalan, per “tròç” dison tram). Serà un jorn istoric per Catalonha e pels movements nacionalitaris d’Euròpa. Lo mancaràs?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adishatz,
Desencunhatz mon gascon mès vos volia dider que mercès hera pera vosta ajuda. Totstemps e sabut qu'es occitans e es catalans erem nacions fraires mès vèder era vosta ajuda qu'ei ua causa plena d'illusion tà tota era umanitat. Mèrcès fraires occitans. Visca Occitania e Catalonha !
Bolegatz vos. La Diada se serra. Amb qualques roergasses sem a far un grop per davalar a Barcelona.
I a un messatge que vira amb totas los entresenhes e tanben una nòva sul jornalet. Rendatz-vos a Milhau o a Perpinhan.
#1
aquò qu'ei per'amor que cau que lo catalan non sia pas de l'occitan, mès qu'ei autanplan occitan com lo gascon o lo provençau ... los occitanistas qu'ac haran tot entà copar los lien dab lo catalan ... e los catalan parièr ... l'occitanisme que's basa sus de messorgas e farlabicas politicas
Ieu i serai mas pas en lo tram 30 perque i vau amb la familha e anarem amassa amb los del nòstre parçan. I anarai amb una bandièra occitana, l'estelada la luderà ma femna.
Vòli esclarir que los catalans tanben disèm tròç, escrivèm tros e sona aital que lo troç vòstre. Foguèsse estada una bona pensada que l'organizacion aguèsse nomenat tros e pas tram a los bocins de la V.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari