editorial
Fabius e la politica reala
Disiá Laurent Fabius fa qualques jorns, a París, que la Republica Francesa reconeisseriá pas jamai l’independéncia de Catalonha se se fasiá al marge de la constitucion espanhòla. Aital, lo ministre francés dels afars exteriors afirmava que lo govèrn francés ignorariá la volontat majoritària exprimida pels catalans a las urnas, s’un libret escrich en 1978 disiá çò contrari. Ai las, la Republica Francesa! Totjorn dona la prioritat a las leis e als reglaments abans los dreches umans, abans la libertat e abans la democracia. França, o sabèm pro los occitans, a fabricat los taüts de las nacions qu’a oprimidas per mejan de constitucions e de legislacions. França es pas una nacion reala, mas un artefacte juridic e administratiu que solament se sosten gràcias a l’aplicacion rigorosa d’aquel encastre juridic. E lo ministre benlèu pensa que la rèsta del Mond fonciona parièr.
Çò segur es que la politica reala e los faches complits son lo motor de la politica internacionala. Quand Lituània activèt lo sieu procès d’independéncia (al marge evidentament de l’òrdre legal sovietic), los lituans recebèron una telefonada d’un Jacques Delors que los avertissiá que, en cas de secession unilaterala, lo nòu estat lituan demorariá sens cap de reconeissença internacionala, fòra l’UE, fòra l’OTAN e fòra quin que siá autre organisme internacional. Dos decennis puèi, Lituània es un país totalament omologat que fa partida de totas las organizacions europèas; es vengut completament normal. Ont son passadas las menaças de Delors? Lo vent las escampilhèt, de la meteissa manièra que los avertiments de Fabius als catalans grossiràn lo grand libre jacobin de las bestiesas.
Los catalans seràn independents o pas s’o decidisson eles meteisses. Cap de lei espanhòla ni cap de ministre francés o lor poirà empedir, de la meteissa manièra que res aturèt pas l’independéncia de Lituània, Estònia, Letònia, Armenia, Georgia, Azerbaitjan, las republicas èx-sovieticas asiaticas, Macedònia, Montenegro, Eslovènia, Eslovaquia, Croàcia o Kosovo. Los vents de la libertat fa fòrça temps que bufan sus Euròpa e assistissèm a una lenta mas inarrestabla prima dels pòbles. E se sap ja que pas res ni degun, quitament pas lo ministre Fabius, pòdon pas arrestar l’arribada de la prima.
Çò segur es que la politica reala e los faches complits son lo motor de la politica internacionala. Quand Lituània activèt lo sieu procès d’independéncia (al marge evidentament de l’òrdre legal sovietic), los lituans recebèron una telefonada d’un Jacques Delors que los avertissiá que, en cas de secession unilaterala, lo nòu estat lituan demorariá sens cap de reconeissença internacionala, fòra l’UE, fòra l’OTAN e fòra quin que siá autre organisme internacional. Dos decennis puèi, Lituània es un país totalament omologat que fa partida de totas las organizacions europèas; es vengut completament normal. Ont son passadas las menaças de Delors? Lo vent las escampilhèt, de la meteissa manièra que los avertiments de Fabius als catalans grossiràn lo grand libre jacobin de las bestiesas.
Los catalans seràn independents o pas s’o decidisson eles meteisses. Cap de lei espanhòla ni cap de ministre francés o lor poirà empedir, de la meteissa manièra que res aturèt pas l’independéncia de Lituània, Estònia, Letònia, Armenia, Georgia, Azerbaitjan, las republicas èx-sovieticas asiaticas, Macedònia, Montenegro, Eslovènia, Eslovaquia, Croàcia o Kosovo. Los vents de la libertat fa fòrça temps que bufan sus Euròpa e assistissèm a una lenta mas inarrestabla prima dels pòbles. E se sap ja que pas res ni degun, quitament pas lo ministre Fabius, pòdon pas arrestar l’arribada de la prima.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que visqui la frairetat catalanogascona!Gasconha, estat navèth d'Euròpa! Que visqui la nacion gascona retrobada! Que visqui la frairetat catalanogascona! Ni francés, ni espanhòu, ni occitan: gascon tostemps!
#8-Trobariás pas tu un afar de ministre"occitano-francista" que nos auriá mancat ?
calriá pas tot mesclar
un paire es pas responsable de çò que fan sos dròlles quand son adultes
Mesclas aquí vida publica e vida privada
la sang contaminada : pensi que Fabius i èra per res ; qu'aja pagat en sa qualitat de ministre es un autre afar
#5
#6 Se poiriá trobar fòrça causas a dire sus aquel pantais extraordinari !
Cadun al seu ostal ? Vòl dire que los pòbles pòdon pas viure amassa ? Ieu, m'espauruga puslèu aquel renonciament al viure ensem emai siague pas contra los independentismes quand i a pas pus res a faire.
« Disiá Laurent Fabius fa qualques jorns, a París, que la Republica Francesa reconeisseriá pas jamai l’independéncia de Catalonha se se fasiá al marge de la constitucion espanhòla. » Mas plan segur que reconeisserà pas l'independéncia de Catalonha se se fa al marge de la constitucion espanholista !
1) Catalonha se farà estant que los Catalans o vòlon e son ja a la bastir.
2) Se farà necessàriament en defòra de la constitucion espanholista estant que se farà subre la futura constitucion catalan (que ja s'i trabalha dessús) d'un estar que serà catalan e non pas, naturalament, espanhòl.
3) E donc plan segur que Fabius ni cap autre politiquejaire francés non reconeisserà Catalonha independenta, se que non :
4) D'aquí dos ans, Corsega, Euskadi e Breitz faràn son referendum non-constitucional (rapòrt l'estat francés) e montaràn independent. Puèis seguiràn los Flamencs, los Alamands d'Alsàcia, los Arpitans de Savòia, los Catalans del Nòrd e fin finala, nosautres ! E França se retrobaràn sens colonia, coma auriá jamai degut quitar d'èsser… un canton de tèrra en Euròpa, ni res mai.
Mas aquò rai, los Catalans de l'estat catalan non seràn pas obligats tanpauc de reconéisser los estats que sa constitucion non reconeis als pòbles (definits per sa lenga) lo dreit elementari de dispausar de se-meteis !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari