editorial
Dètz vòts per 2015
Dètz vòts per 2015
Aqueste jornal a dètz vòts per l’an que comença totara. Son dètz desirs que pertòcan la nòstra personalitat coma país. Evidentament, esperam tanben que 2015 siá un an ont vejam davalar lo caumatge, ont sián de mai en mai melhoras las condicions de vida dels nòstres vesins, ont de joves occitans quiten de viatjar en Siria e Iraq per participar a la guèrra e ont i aja pas cap de catastròfa. Mas la nòstra tòca es de far un agach occitanista sus 2015. Esperam que dins un an, qualque vòt entre aquestes d’aicí siá vengut una realitat e que qualque autre siá a mand d’o èsser.
Bona annada a totes!
Aqueste jornal a dètz vòts per l’an que comença totara. Son dètz desirs que pertòcan la nòstra personalitat coma país. Evidentament, esperam tanben que 2015 siá un an ont vejam davalar lo caumatge, ont sián de mai en mai melhoras las condicions de vida dels nòstres vesins, ont de joves occitans quiten de viatjar en Siria e Iraq per participar a la guèrra e ont i aja pas cap de catastròfa. Mas la nòstra tòca es de far un agach occitanista sus 2015. Esperam que dins un an, qualque vòt entre aquestes d’aicí siá vengut una realitat e que qualque autre siá a mand d’o èsser.
1. Una presa de consciéncia nacionala occitana per mai de personas e un refortiment de l’esperit dels que ja son occitanistas. Cal pas defalhir!
2. L’aument de l’usatge social de la lenga occitana e una màger accion institucionala per donar de visibilitat a la nòstra lenga (senhalizacion en occitan, publicitat institucionala en occitan, sonorizacion publica dins la lenga, etc.).
3. Lo refortiment de l’occitanisme politic pendent las eleccions departamentalas de 2015, la creissença de l’associacion dels elegits occitans, lo refortiment de Bastir! E tot çò que permeta lo progrès de l’occitanisme institucional.
4. La dobertura de nòvas escòlas Calandretas e de novèls corses publics d’occitan per tot lo país, e mai lo melhorament de las relacions administrativas amb l’estat per far progressar l’ensenhament bilingüe.
5. La dobertura de qualque bar novèl parlant occitan dins una de las nòstras vilas. La vida sociala occitanista es fondamentala per far progressar la lenga!
6. Un aument de la consciéncia de conservacion dins lo nòstre país e que s’arrèste la restanca de Sivens. Lo progrès economic pòt pas èsser contradictòri amb lo progrès sostenable.
7. Que l’Associacion Occitana de Fotbol jògue mai de partidas e que se consolide mai; e que nascan de nòvas federacions esportivas occitanas, coma la Federacion Occitana de Rugbi, en via de creacion.
8. La creacion dins qualque granda vila occitana d’un nòu pòl de concentracion occitanista, coma son a l’ora d’ara Convergéncia Occitana a Tolosa e Convergéncia Narbonesa a Narbona. L’unitat fa la fòrça!
9. Esperam que l’Estivada de Rodés siá un còp de mai un grand succès de la lenga e la cultura occitanas. Coma totjorn!
10. E, fin finala, un desir per nosautres: que l’associacion Los Amics de Jornalet arribe als 100 sòcis!
2. L’aument de l’usatge social de la lenga occitana e una màger accion institucionala per donar de visibilitat a la nòstra lenga (senhalizacion en occitan, publicitat institucionala en occitan, sonorizacion publica dins la lenga, etc.).
3. Lo refortiment de l’occitanisme politic pendent las eleccions departamentalas de 2015, la creissença de l’associacion dels elegits occitans, lo refortiment de Bastir! E tot çò que permeta lo progrès de l’occitanisme institucional.
4. La dobertura de nòvas escòlas Calandretas e de novèls corses publics d’occitan per tot lo país, e mai lo melhorament de las relacions administrativas amb l’estat per far progressar l’ensenhament bilingüe.
5. La dobertura de qualque bar novèl parlant occitan dins una de las nòstras vilas. La vida sociala occitanista es fondamentala per far progressar la lenga!
6. Un aument de la consciéncia de conservacion dins lo nòstre país e que s’arrèste la restanca de Sivens. Lo progrès economic pòt pas èsser contradictòri amb lo progrès sostenable.
7. Que l’Associacion Occitana de Fotbol jògue mai de partidas e que se consolide mai; e que nascan de nòvas federacions esportivas occitanas, coma la Federacion Occitana de Rugbi, en via de creacion.
8. La creacion dins qualque granda vila occitana d’un nòu pòl de concentracion occitanista, coma son a l’ora d’ara Convergéncia Occitana a Tolosa e Convergéncia Narbonesa a Narbona. L’unitat fa la fòrça!
9. Esperam que l’Estivada de Rodés siá un còp de mai un grand succès de la lenga e la cultura occitanas. Coma totjorn!
10. E, fin finala, un desir per nosautres: que l’associacion Los Amics de Jornalet arribe als 100 sòcis!
Bona annada a totes!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ieu alce la copa pels dets vots e per reivindicar ne mais. 1- Quin és lo port mais important de França: Marsella, Occitània. 2- Ont i a mais fruita i verduras al N o al S: Responsa al S, Occitània. 3- Ont i a los melhors vins de F: Responsa a Occitània i ha la cultura del vin. 4- Ont i a mais sol e jorns clars. R: Occitània. 5- Ont és menja mais saludable per la santat. R: la cusina mediterrania, al S Occitània 6-Ont és lo paisatge mais polit. R: Occitània. 7-Ont hi ha los melhors rius. R:Occitània. 8- Ont es veu lo solelh cada jorn. R: Occitània. 9- Ont i a las femnos mais polidos. R: a Nimes.Occitània. 10-e finaloment ont i a la gent mais agradablo. R: posats la resposa vosaltres, per mi ja la sabets.
Ah vèsi qu'es aiciu l'atrevador.. :-)
Qu'unis vòts per 2015 ???
Ne'n farai pas qu'un que damorarà secret :-)
Coma president dels Amics de Jornalet, pensi que lo vòt n°10 es d'a fons solidari dels 9 primièrs: 'Jornalet' crèa una dinamica imprescindibla, indispensabla a l'ensems de l'occitanisme, de totes los que luchan per la promocion de nòstra lenga e de nòstra cultura!
Se ja sètz sòcis despuèi lo començament de l'an 2014, pensatz de renovelar vòstre escotisson! O faguèri ieu... lo 25 de decembre, coma present nadalenc.
Venètz totes ajudar 'Jornalet', vos i convidi amb estrambòrd! Una bèla annada 2015 a vosautres e a totas las personas qu'aimatz!
http://www.jornalet.com/pagina/2828/los-amics-de-jornalet
Qué daissarem als nòstres enfants? La lenga de la Republica e de la Libre Pensée (l'organizacion "progressista" que formèt Jospin, Cambadélis e autres)? Un sistèma politic claufit de corrupcion (Sivens n'es l'illustracion màger)? Una tèrra polluida e pas mai capable de nos noirir (Sivens encara, amb lo degalhatge de l'aiga e de las zonas umidas, mas tanben la LGV en ribièra de Garona...)?
Se cal mesfisar del "liure progrès" que nos fa encara mai tombar en esclavatge. Los vòts de Jornalet son sans, e son pas reaccionaris nimai conservators. Mesfisèm-nos del "progrès" qu'es lo de la recuolada de la lenga, de la recuolada dels dreches fondamentals (que sonan "réformes", lo francés es una lenga estranha), de la capitulacion davant la corrupcion de pichons barons locals. Sens eles farem.
Degun sap si l'an que ven, lo drapeu frances aura pas cambiat. Las bendas bluiïas, blanchas, rojas porian se trobar a l'orizontala au luec de la verticala. Benleu que las regions occitanas prendran consciencias que lòr avenidor es l'ententa e la solidaritat.. Lo centralisme frances jacobin es 'chabat; a fach son temps. Es minat de pertot. Los regionalismes se desvelhan. E dins una dariera bufada lo centralisme tòrna veire la França de Clovis, de Karlemanha, de St -Lois, de Jane d'arc, de Lois XIV, de la Revolucion de 1789, de la 3ème republica emben sa politica colonialista e sa repression contre las lengas regionalas, la França de la Vème republica emben sa polucion e son nucleari, emben son escòla facha per copar los jòunes de lòrs raiçs regionalistes e per los occitans de lòr occitanitat. A chaque còp la gleisa catolica de Ròma era aqui per sostener aquela França. Tot aquò per far una sola mentalitat : en naut, i a Diu lo pair; debas i a lo Rei, lo pair de la nacion (emben sos petits reis: rei de la sciencia, de la medecina, de la filosofia, de l'ideologia...); pus bas i a lo bon pair de familha, tots de brave monde que farian per ren au monde lo mau.
Aquel temps es 'chabat; lo vent dau cambiament bufa. I a pus Diu qu'es en naut e separat de nòstres.
I a una pensada que dich que l'esser uman es fach de doas partidas: una partida materiala (que se msesura en metres e kilos) e una partida imaterialas que se vei pas mas que se ressent e que se mesura en frequenças. Tot se passe coma si la conscienia era situada en defòra de la partida materiala ( dau cerveu) e que volia comunicar emben lo còrs materiau que seg un chamin de valors umanas e non pas l'ego qu'es aqui nonmas per s'ocupar dau còrs materiau, es a dire de lo norir e l'acialar.
Veiretz que quò vai chambolar totas las ideologias en plaça, dau materialisme au religios en passant per las vòstra eima, aquela qu'avetz au pus priond de vos, de vòstre inconscient.
Atalar l'occitanisme aus politics d'uei es pas una bona causa mas avetz rason; chau pas 'nar pus redde que la musica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari