editorial
Un còp de mai, l’Estivada
Dins qualques jorns començarà una nòva edicion de l’Estivada de Rodés. E, coma cada an, aqueste jornal pòt pas evitar de li consagrar qualques lausenjas, al risc de venir pesucs pels legeires, que lor demandam lor infinida indulgéncia. L’Estivada es un eveniment tant important per la cultura occitana que s’existiguèsse pas lo caldriá inventar. Plan sovent, cresèm que son seguras e perennas las causas qu’existisson e que fan partida de las nòstras vidas. Mas pas res es segur e i a pas cap de gatge per qué que siá, es pr’amor d’aquò que cal far tot çò que nos siá possible per que çò qu’aimam (una persona, un òrt, un musèu, una escòla, una entrepresa, un arbre, un festenal cultural) pòsca contunhar dins l’avenir.
La santat de l’Estivada, aürosament per totes, es fòrta e energica. Mas aquò es pas una rason per quitar d’i anar o per s’acontentar de la pigresa; que val lo còp de prene la veitura e de percórrer qualques centenats de quilomètres per i anar passar qualques jorns. Coma cada an, l’Estivada de 2015 portarà d’excellents grops musicals e metrà la lenga e la cultura occitana a disposicion de totes e a gratis. Pendent qualques jorns, Rodés serà aquela Occitània que seriá estada possibla e aquela Occitània que somiam. Rodés es la pròva que i a un avenir diferent e melhor que las funeralhas culturalas que las dessenhèron los dirigents parisencs fa 150 ans. Rodés es l’evidéncia qu’an pas reüssit e tanben es la melhora pròva que, se trabalham ben e afrairats, farem sortir lo país del sieu taüt.
Dempuèi la naissença de Jornalet avèm tengut una relacion estrecha amb l’Estivada e amb lo sieu director. I sèm anats e avèm l’intencion d’i anar cada an. Ongan tanben i anarem e la nòstra implicacion serà mai intensa que jamai: farem lo Jornalet sus plaça e collaborarem amb las emissions de ràdio de la Fimòc, e i avèm convocat la primièra assemblada dels legeires per metre en comun d’idèas e d’avises e mai per marcar la linha de seguir. Se volètz venir, nos i trobaretz. Esperam que siá una bona escasença per vos saludar e parlar un pauc.
La santat de l’Estivada, aürosament per totes, es fòrta e energica. Mas aquò es pas una rason per quitar d’i anar o per s’acontentar de la pigresa; que val lo còp de prene la veitura e de percórrer qualques centenats de quilomètres per i anar passar qualques jorns. Coma cada an, l’Estivada de 2015 portarà d’excellents grops musicals e metrà la lenga e la cultura occitana a disposicion de totes e a gratis. Pendent qualques jorns, Rodés serà aquela Occitània que seriá estada possibla e aquela Occitània que somiam. Rodés es la pròva que i a un avenir diferent e melhor que las funeralhas culturalas que las dessenhèron los dirigents parisencs fa 150 ans. Rodés es l’evidéncia qu’an pas reüssit e tanben es la melhora pròva que, se trabalham ben e afrairats, farem sortir lo país del sieu taüt.
Dempuèi la naissença de Jornalet avèm tengut una relacion estrecha amb l’Estivada e amb lo sieu director. I sèm anats e avèm l’intencion d’i anar cada an. Ongan tanben i anarem e la nòstra implicacion serà mai intensa que jamai: farem lo Jornalet sus plaça e collaborarem amb las emissions de ràdio de la Fimòc, e i avèm convocat la primièra assemblada dels legeires per metre en comun d’idèas e d’avises e mai per marcar la linha de seguir. Se volètz venir, nos i trobaretz. Esperam que siá una bona escasença per vos saludar e parlar un pauc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seguiu, seguiu, i sempre endavant!
"El Tàrrega".
#1 L'Uvernada es La fèsta occitanista de l'uvèrn que se ten lo mai sovent en una ciutat màger dal Pemont occitan!
Mancariá l'Autonada e la Primada...
#3 Mena fai mena de segur....
A delà ser se charrava amb d'amics, e me fuguèron pausadas doas questions que sabiai pas far responsa. Coma me tafura un briu las pausi aici, d'aqui que mes disi que n'i aurà ben un per me far reòsta.
La prumièra question èra sus las cançon e qu'una èra la cançon que s'ausis de pertot d'aquesta passa.
La segonda èra una femna que la pausèc e me demandèc de qu'una colors per exemple se calia pintar las ongles o alavetz qu'un poria èsser un mòtif occitan.....
Damorèri un briu enjaurit aband de m'enfugir dins una responsa que sabiai pas mas que demandariai....
E la Dimenjada, e la Matinada, e la Vesprada, e la Serada, e la Nuèitada, E la quinzenada, E la Vintenada, e la Centenada, e las Febrejadas, e las Marcejadas, e tanben per las Mercurialas,...
Lo Lugarn la revista del Partit de la Nacion Occitana tendrà un taulet (stand) a l'Estivada del 22 al 25 de Julhet ...
Es amb plaser que vos aculhirem per parlar de l'actualitat e de la necessitat del nacionalisme occitan per bastir tant Occitània d'uèi coma la de doman.
A lèu
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari