editorial
Internacionalizar los atacs contra l’occitan
Se debanèt dimècres passat un seminari al Parlament Europèu sus las discriminacions lingüisticas. A aquela jornada organizada per l’elegida del Sinn Feinn Liadh Ní Riada, i participèron lo Ret Europèu per l’Egalitat Lingüistica (ELEN) e d’eurodeputats e de representants de la societat civila dels Païses Catalans, de Bascoat, del País de Galas, d’Irlanda e de las minoritats ongresas d’Eslovaquia e de Romania. La tòca de l’eveniment èra de compilar las discriminacions lingüisticas qu’existisson en Euròpa e de las denonciar a las institucions de l’Union Europèa. La conclusion foguèt neta e clara: “la discriminacion lingüistica es una forma de racisme” e per aquela rason s’exigís a l’Union Europèa de mesuras urgentas.
Lo protagonista de la jornada foguèt lo rapòrt fach per Plataforma per la Llengua, una organizacion catalana que sa tòca es de promòure e de defendre lo catalan. Aquel rapòrt presenta trenta sèt cases de discriminacions lingüisticas que se son produchas dins un periòde de 18 meses. Una situacion que l’eurodeputada irlandesa considerèt “absoludament inacceptabla”. Imaginatz çò que diriá se vesiá la situacion de l’occitan!
Cada jorn es mai evident que França es pas res mai qu’una immensa preson de pòbles e de nacions, qu’impausa sos decrets a còps de 49.3 e qu’inventa de reformas escolaras per tuar definitivament sa diversitat lingüistica e culturala. Contra aquel ancian regim uniformizaire qu’es vengut l’excepcion mondiala, la sola solucion qu’avèm es la solidaritat internacionala. L’internacionalizacion del conflicte de Sivens foguèt providenciala per ganhar un combat per l’environament que costèt quitament la vida d’un jove occitan. Cal que denonciem internacionalament las agressions contra los dreches umans dels occitans, los lingüistics tanben.
Avèm besonh d’un observatòri de l’occitanofobia que denóncie internacionalament las mancas dels dreches lingüistics. A l’ora d’ara avèm un fum de causas per denonciar a l’Union Europèa e als tribunals internacionals dels dreches umans: la reforma del collègi prevei de marginalizar mai encara l’ensenhament de l’occitan, se redutz las subvencions e las politicas lingüisticas per l’occitan en tot relegar la lenga al folclorisme, podèm pas occitanizar los prenoms escriches en francés sus la carta d’identitat e los autres documents oficials, avèm pas drech d’èsser jutjats en occitan, l’administracion publica nos compren pas dins la nòstra lenga, nos fan pagar la “redevença” pels mèdias en francés del temps que nos cal far de dons als mèdias en occitan per que subreviscan… Se fasiam una lista completa, poiriam far un rapòrt milanta còps mai grand que lo de Plataforma per la Llengua. Ven a nosautres de denonciar e d’internacionalizar totes aqueles cases d’occitanofobia. Nos metèm al trabalh?
Lo protagonista de la jornada foguèt lo rapòrt fach per Plataforma per la Llengua, una organizacion catalana que sa tòca es de promòure e de defendre lo catalan. Aquel rapòrt presenta trenta sèt cases de discriminacions lingüisticas que se son produchas dins un periòde de 18 meses. Una situacion que l’eurodeputada irlandesa considerèt “absoludament inacceptabla”. Imaginatz çò que diriá se vesiá la situacion de l’occitan!
Cada jorn es mai evident que França es pas res mai qu’una immensa preson de pòbles e de nacions, qu’impausa sos decrets a còps de 49.3 e qu’inventa de reformas escolaras per tuar definitivament sa diversitat lingüistica e culturala. Contra aquel ancian regim uniformizaire qu’es vengut l’excepcion mondiala, la sola solucion qu’avèm es la solidaritat internacionala. L’internacionalizacion del conflicte de Sivens foguèt providenciala per ganhar un combat per l’environament que costèt quitament la vida d’un jove occitan. Cal que denonciem internacionalament las agressions contra los dreches umans dels occitans, los lingüistics tanben.
Avèm besonh d’un observatòri de l’occitanofobia que denóncie internacionalament las mancas dels dreches lingüistics. A l’ora d’ara avèm un fum de causas per denonciar a l’Union Europèa e als tribunals internacionals dels dreches umans: la reforma del collègi prevei de marginalizar mai encara l’ensenhament de l’occitan, se redutz las subvencions e las politicas lingüisticas per l’occitan en tot relegar la lenga al folclorisme, podèm pas occitanizar los prenoms escriches en francés sus la carta d’identitat e los autres documents oficials, avèm pas drech d’èsser jutjats en occitan, l’administracion publica nos compren pas dins la nòstra lenga, nos fan pagar la “redevença” pels mèdias en francés del temps que nos cal far de dons als mèdias en occitan per que subreviscan… Se fasiam una lista completa, poiriam far un rapòrt milanta còps mai grand que lo de Plataforma per la Llengua. Ven a nosautres de denonciar e d’internacionalizar totes aqueles cases d’occitanofobia. Nos metèm al trabalh?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#16 Òc, vos compreni aital, pas de problèma, mercés, es clar.
#15 Aquò vos va susprendre benlèu, mas vos compreni tanben. Lo risc màger d'aquesta estrategia es d'èsser assimilat amb los que fan de la Nacion una valor politica suprèma, es pas mon cas: espèri qu'un jorn l'umanitat aurà superat l'èra de las nacions, e bastirà d'autres modèles emancipators mas ne sèm luènh...
Es per aquò que, emai defendent "un drech occitan a la nacionalitat" cresi pas èsser "nacionalista ", o alavetz l'onu e mai l'internacionalisme son tanben nacionalistas!
#13 OK, es mai clar, es una actitud que pòdi comprene formulada aital e quitament que respècti. Perqué los nacionalistas occitanistas aurián pas lo drech de bastir una nacion occitana tot coma los franceses an bastit la lor ? Òc-ben ! mas segur, es pas la miá estrategia.
#12 Que volètz ? Vèsi pas amb çò qu'ai dich coma arribatz a aquela conclusion mas i a tantes mistèris pel Mond... I a de qué s'entresenhar de pertot. Las causas que tòcan a l'èsser biologic son pas de construches socials (lo biologic existís independentament del social e mai ara pòt èsser influénciat pel social de còps que i a amb l'ajuda dels progrèsses de la tecno-sciéncia, la formula "Tot es construch socialament" es pas qu'une formula" datada que nos ven d'una epòca que lo mond avián largament tendéncia a essencializar las causas e qu'èra donc necessari de contrabalançcar aquela tendéncia mas i a d'autras analisis, adaptacions, qu'existisson ara).
Una citacion d'universitaris sul concèpte de nacion (desolat, es en francés, ai pas pres lo temps d'o revirar) :
" Les nations ne sont ni des organismes naturels, ni des entités éternelles. C’est l’histoire, et des jeux de force souvent complexes mobilisant l’imaginaire et le symbolique, qui les font émerger. Leurs frontières sont tracées dans les salons ou conquises par une lutte d’indépendance… Ces processus, rarement semblables, finissent généralement par façonner ce qu’elles sont ou du moins de l’image qu’elles ont d’elles-mêmes."
Çò segur, es que i a una idèa de nacion occitana en cò d'occitanistas, o vòle plan admetre mas la nacion occitana existís pas de facto e son idèa es tras que confidenciala contràriament a l'idèa de nacion "francesa" (e m'opausi a l'idèa de nacion francesa coma pòdi, es tot, mas segur pas en opausar una idèa de nacion occitana de drech "natural", mas ne farai pas lo detalh aicí ça que la).
Es mai clar ?
#10 m'avètz pas comprés, defendi la"nacionalitat" occitana coma construccion sociala pel país per que los occitans pòscan un jorn sortir e n'acabar amb lo nacionalisme(individual e xenofòb) e mai que mai per que o pòscan far en lenga occitana e coma occitan reconeguts (e pas sonque en lenga francesa ereconeguts sonque coma franceses). Òm pòt defendre l'existéncia d'un existent social occitan reconegut coma "nacion" (egal en dignitat amb las autras) sens èsser praquò nacionalista (far de la nacion la valor premièra)... Es tota la complexitat de la pensada de Lafont (veire Nàni Moussur)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari