editorial
Lo Brexit: una escasença per Euròpa
Lo Reialme Unit a votat de quitar l’Union Europèa. Cresèm qu’es una reaccion erronèa de mond qu’an tombat dins la trapèla del discors populista, ultradrechista e quitament racista e xenofòb. Mas es una reaccion legitima e democratica contra una UE qu’a mespresat las personas e a favorit las bancas e los elèits en impausant de politicas d’austeritat inumanas. Al Reialme Unit an simplament reagit contra las marridas politicas. Se son enganats coma nos enganam tanben en Occitània en votant pel Front Nacional. Son de reaccions que cal preveire davant los govèrns marrits.
Lo Brexit es un avertiment clar e net a l’Union Europèa, qu’enluòc d’èsser del costat de sos ciutadans, sos mandataris an preferit se jónher a l’agression del capitalisme neoliberal desbridat sus tota la planeta. Aquela agression es a l’ora d’ara lo perilh màger per la democracia e pels dreches umans.
L’UE a impausat als estats de politicas neoliberalas, qu’an menat lo govèrn de Manuel Valls a impausar una reforma del còde del trabalh, en emplegant quitament l’article 49.3 de la constitucion e en reprimissent durament las protèstas ciutadanas. L’UE a signat una convencion amb Turquia que permet la deportacion collectiva dels refugiats en tot violar los principis fondamentals de l’Union e del Drech Internacional. L’UE es a negociar amb los Estats Units en secret lo Partenariat Transatlantic de Comèrci e Investiment (lo TTIP, segon sa sigla en anglés, e tanben conegut coma TAFTA). Fa qualques jorns, Greenpeace desvelèt de documents fòrça inquietants sus aquela negociacion.
De l’autre costat, l’intervencion de l’UE foguèt providenciala per ganhar a Sivens un combat per l’environament que costèt quitament la vida d’un jove occitan. L’UE es la sola garentia qu’an los catalans e los araneses, que la guèrra bruta que l’estat espanhòl mena contra l’independéncia de Catalonha desboque pas sus un conflicte armat. E l’UE es la sola garentia qu’avèm de pressionar l’estat jacobin francés de protegir la nòstra lenga mespresada.
Amb lo Brexit, Anglatèrra a pres son independéncia d’Euròpa e d’Escòcia. E es amb lo Brexit que l’Union Europèa deu començar un periòde de reflexion a prepaus de l’Euròpa que volèm los ciutadans europèus. Una Euròpa dels pòbles e non pas dels estats. Una Euròpa de la convivéncia e de la solidaritat. Una union de pòbles liures amb de sobeiranetats popularas, non contrarotladas per las bancas ni los interèsses de qualques elèits. De còps, per aténher una tòca, cal desfar çò qu’es mal fach per o tornar bastir coma cal. Dins aquel sens, lo Brexit es una escasença.
Lo Brexit es un avertiment clar e net a l’Union Europèa, qu’enluòc d’èsser del costat de sos ciutadans, sos mandataris an preferit se jónher a l’agression del capitalisme neoliberal desbridat sus tota la planeta. Aquela agression es a l’ora d’ara lo perilh màger per la democracia e pels dreches umans.
L’UE a impausat als estats de politicas neoliberalas, qu’an menat lo govèrn de Manuel Valls a impausar una reforma del còde del trabalh, en emplegant quitament l’article 49.3 de la constitucion e en reprimissent durament las protèstas ciutadanas. L’UE a signat una convencion amb Turquia que permet la deportacion collectiva dels refugiats en tot violar los principis fondamentals de l’Union e del Drech Internacional. L’UE es a negociar amb los Estats Units en secret lo Partenariat Transatlantic de Comèrci e Investiment (lo TTIP, segon sa sigla en anglés, e tanben conegut coma TAFTA). Fa qualques jorns, Greenpeace desvelèt de documents fòrça inquietants sus aquela negociacion.
De l’autre costat, l’intervencion de l’UE foguèt providenciala per ganhar a Sivens un combat per l’environament que costèt quitament la vida d’un jove occitan. L’UE es la sola garentia qu’an los catalans e los araneses, que la guèrra bruta que l’estat espanhòl mena contra l’independéncia de Catalonha desboque pas sus un conflicte armat. E l’UE es la sola garentia qu’avèm de pressionar l’estat jacobin francés de protegir la nòstra lenga mespresada.
Amb lo Brexit, Anglatèrra a pres son independéncia d’Euròpa e d’Escòcia. E es amb lo Brexit que l’Union Europèa deu començar un periòde de reflexion a prepaus de l’Euròpa que volèm los ciutadans europèus. Una Euròpa dels pòbles e non pas dels estats. Una Euròpa de la convivéncia e de la solidaritat. Una union de pòbles liures amb de sobeiranetats popularas, non contrarotladas per las bancas ni los interèsses de qualques elèits. De còps, per aténher una tòca, cal desfar çò qu’es mal fach per o tornar bastir coma cal. Dins aquel sens, lo Brexit es una escasença.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Volèm una Euròpa democratica, e non pas dictatoriala coma o es a l'ora d'ara.
Volèm una Euròpa que los caps d('entrepresa e las bancas i òbra al servici de totes, e non pas çò contrari : totes al servici de las bancas e dels caps de las grandas entrepresas.
Mai que mai volèm una Euròpa que sa linha politica siá dirèctament e sulpic modificabla per votacion driècta del pòble, e que sa santa puta de constitucion non obliga pas cap estat, region ni ciutat a foncionar obligatòriament e dreita, coma es lo cas actualament, d'un biais escandalós e REVOLTANT per tot defensor elementari de la democracia.
E d'una Euròpa que non seriá pas democratica, estrictament democratica, n'avèm pas ges de bosonh, de ges de biais. L'Euròpa dictatoriala ordoliberala, la te ficam al fòc sens cap mai discussion.
E per acabar lo ramelet polidet, peter sutherland ex comissari avropenc , adara president de gpldman sachs.
Mai polida la vida trobaràs pas!
E es el pecaire peter sutherland que diguèt lo lendeman del Brexit que de tot biaís calìa trobar un mejan per cancelar aquel referendum....
Benlèu se farà coma lo sarko faguèt ambe lo tractat de lisbòna....
Mario Monti, Mario Draghi, Loukas Papadimos.....
Totes an agut de nautas responsabilitats aquò de goldman sachs e totes an agut de responsabilitat al nivèl avropenc..
Dins aqueste mond òm demòra solidari, òm se torna mandar los ascensors......
Es coma hollande e sos amics de la promocion voltaire.
Als usa goldman sachs es apelat government sachs.
Demest los conseilers del president Obama una brave mirat son passat per goldman sachs.
.....
Avropa jos l'aflat de goldman sachs.
(Disi avropa d'aqui qu'atal me desmargui pas tant las maissas qu'ambe Euròpa o Europa)
#4 en apondon legir " Circus Politicus" edicions Albin Michel, paregut en 2012 me sembla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari