editorial
Lo mèstre francés e sos servidors còrses
Manuel Valls a vesitat Corsega per primièr còp en qualitat de primièr ministre de la Republica francesa. E o a fach per dire davant l’Assemblada dels elegits de l’illa que refusa sas cinc decisions consensualas, çò es la cooficialitat de la lenga còrsa, un estatut fiscal e de residéncia contra l’especulacion immobilièra, la mençon de Corsega dins la Constitucion de la Republica francesa, e una lei per los presonièrs politics que permetriá l’aministia dels primièrs presonièrs e un transferiment vèrs de presons còrsas per los que restaràn embarrats. Amb un simple discors, lo primier ministre francés a tombat las decisions que l’Assemblada de Corsega aviá presas après un long periòde de debats en tot obténer un consens maximal.
“L’afirmacion de l’identitat còrsa passarà pas per l’exclusion, la cooficialitat de la lenga o l’estatut de resident”, çò afirmèt en negligissent qu'aquò concernissiá de decisions presas d’un biais democratic incontestable. “La Republica [francesa] a una sola lenga oficiala, lo francés, car ela es practicada per totes”, çò diguèt lo mèstre francés a sos servidors còrses en tot lor mostrar que, segon la Republica francesa, i a de lengas que son superioras e d’autras lengas que son inferioras.
De son costat, lo president còrs, Gilles Simeoni, remembrèt a Valls que podiá pas ignorar que “los còrses avián bastit lo consens” e “avián volgut e bastit l’amaisament”. La cooficialitat del còrs foguèt aprovada en mai de 2013 per los 36 deputats presents dins l’emicicle.
La posicion de Valls mòstra lo blocatge que lo govèrn francés practica al govèrn còrs, en refusant las decisions que los elegits còrses prenon democraticament, e mai consensualament. Evidentament, París referma l’autoritat dels independentistas. Seriá pas d’estonar que Simeoni venguèsse independentista, car la Republica francesa a mostrat que solament sens ela se respectariá la democracia dins l’illa.
“L’afirmacion de l’identitat còrsa passarà pas per l’exclusion, la cooficialitat de la lenga o l’estatut de resident”, çò afirmèt en negligissent qu'aquò concernissiá de decisions presas d’un biais democratic incontestable. “La Republica [francesa] a una sola lenga oficiala, lo francés, car ela es practicada per totes”, çò diguèt lo mèstre francés a sos servidors còrses en tot lor mostrar que, segon la Republica francesa, i a de lengas que son superioras e d’autras lengas que son inferioras.
De son costat, lo president còrs, Gilles Simeoni, remembrèt a Valls que podiá pas ignorar que “los còrses avián bastit lo consens” e “avián volgut e bastit l’amaisament”. La cooficialitat del còrs foguèt aprovada en mai de 2013 per los 36 deputats presents dins l’emicicle.
La posicion de Valls mòstra lo blocatge que lo govèrn francés practica al govèrn còrs, en refusant las decisions que los elegits còrses prenon democraticament, e mai consensualament. Evidentament, París referma l’autoritat dels independentistas. Seriá pas d’estonar que Simeoni venguèsse independentista, car la Republica francesa a mostrat que solament sens ela se respectariá la democracia dins l’illa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Lo primièr ministre francés, fa lo meteis papièr a França, que lo primièr ministre espanhòl a Espanha, Mariano Rajoy, nascut a Galícia.
#2 Pichota mèsa al punt al sicut dau "catalan" Emmanuel Valls.
Aquèl ome es nascut d'una maire soïssa, eissuda de la borgesia granda dau Tessin, e d'un paire catalan, eissut d'una nauta familha barcelonèsa clericala e de drècha, proprietaria d'un diari curatièr que foguèt tancat per la Republica Espanhola. Lo Manuèl nasquèt benlèu a Barcelona mas creissèt, visquèt e passèt sa vida tota a Paris. Aquèl ome es un parisenc, e que se vol mai parisencàs que los parisencs. Es un F-R-A-N-C-E-S es a dire un nacional-parisenc, saique pas un catalan.
Coma tot afogat parisenc lo seu somi/fantasm es d'ésser un jorn rei de França, es a dire president de la RRRRepublica (nom balhat a la republica francimanda de Paris, universalament coneguda jol nom de "république française"). Es un arrivist acarnassit de poder e de reconeissènça narcissica, tan coma lo Sarkozy, o quin que siague politic francès que pantaissa fort e mort d'ésser un jorn REI-PRESIDENT. Alara, companhs, cal pas somiar amb ço que lo mièg-catalan Valls, creissut a Paris, auria coma brigalh de consciènça catalana o minoritaria al dedins dau seu closc. Per èl i-a pas qu'una lenga en "França",lo francès, e basta ! Son darrièr discors en Corsèga al sicut de la lenga corsa es d'alhors mai que clar sus aquo.Lo Manuèl Valls es tan catalan que lo Charles Pasqua èra cors, o lo Francisco Franco gallèc, se vesètz aquo que voli dire...
Traducció
Lo senhor 'mèstre', nascut a Barcelona, supausi que coneis los problèmas qu'avèm agut los catalans amb l'imposicion del castelhan-espanhòl. Dempuèi lo 1716, lo catalan foguèt enebit pel primièr rei Borbó. Enebit lo 1923 per Primo de Rivera, tornat a enebir lo 1939 per Franco.
La Generalitat de Catalonha, a declarat co-oficiala l'occitan-aranés al Val d'Aran.
I pòt pas aver de lengas de primièra o segonda categoria, totes avèm los meteisses dreches e la meteissa dignitat,
I a de quauques independentistas portorricans que son de familhas de origina còrsa. En lo sègle 19 mantuns ciutadans francèses de la Cariba francèsa e Loisiana se mudèron a la illa, mas i aguèt tanben d’occitans (provençals) e còrses. https://en.wikipedia.org/wiki/French_immigration_to_Puerto_Rico
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari