editorial
Perdon
Dins l’editorial d’aquesta setmana, la redaccion de Jornalet vòl demandar perdon als legeires.
Encara esmoguts e plens de dolor pel chaple de Niça, aquesta setmana Jornalet avèm raportat mai d’atemptats que jamai: l’agression de Munic que faguèt 10 mòrts, l’atemptat kamikaze en Bavièra, l’escotelament d’almens 15 personas en Japon, lo crusèl atac d'una glèisa de Normandia que costèt la vida al paire Hamel, e l’explosion d’una valisa près d’un centre de refugiats en Bavièra.
Mentretant, un atemptat kamikaze de l’autoproclamat Estat Islamic, fach amb un camion plen d’explosius a daissat qualques desenats de mòrts en Siria, que s’apondon als centenats de mòrts de civils innocents que provòcan los bombardaments de l’armada francesa, entre d’autras. En mai d’aquò, la setmana començava amb un bilanç tragic en Somalia après un atac amb d’armas e explosius dins una ostalariá de la capitala. E sonque avèm mençonat una partida pichoneta de la barbariá e de la dolor que viu lo Mond a cada jorn.
Avèm pas pogut raportar totes los atemptats, e per tant nos sentèm mal. Lo sang d’un abitant de Bagdad es de la meteissa color que lo sang d’un niçard, e la dolor, la paur e l’orror son parièras en Alemanha e en Somalia. Totes los èssers umans an la meteissa valor e lor sofrença e mòrt es la meteissa pertot. Es per aquela rason que planhèm fòrça que priorizem qualques informacions sus d’autras.
Fasèm tot çò possible per far un jornal seriós, objectiu e de qualitat. Mas a l’ora d’ara Jornalet se publica gràcias al trabalh benevòl, a las oras panadas al sòm e a la familha.
E mercés plan
E mai se lo nòstre trabalh es totjorn benevòl e fach amb de resorsas limitadas, sèm aüroses de portar lo nòstre gran de sable a la revitalizacion de la nòstra lenga. Per aquò volèm tanben grandmercejar los legeires, los collaboradors, lo conselh lingüistic de Jornalet, los opinants e los amics que nos ajudan a far avançar aqueste projècte. E, solide, los sòcis d’Amics de Jornalet, los anonciaires e los que mandan de dons e nos ajudan a finançar lo projècte, e tanben las personas, los collectius e las institucions que nos donan un còp de man.
Encara esmoguts e plens de dolor pel chaple de Niça, aquesta setmana Jornalet avèm raportat mai d’atemptats que jamai: l’agression de Munic que faguèt 10 mòrts, l’atemptat kamikaze en Bavièra, l’escotelament d’almens 15 personas en Japon, lo crusèl atac d'una glèisa de Normandia que costèt la vida al paire Hamel, e l’explosion d’una valisa près d’un centre de refugiats en Bavièra.
Mentretant, un atemptat kamikaze de l’autoproclamat Estat Islamic, fach amb un camion plen d’explosius a daissat qualques desenats de mòrts en Siria, que s’apondon als centenats de mòrts de civils innocents que provòcan los bombardaments de l’armada francesa, entre d’autras. En mai d’aquò, la setmana començava amb un bilanç tragic en Somalia après un atac amb d’armas e explosius dins una ostalariá de la capitala. E sonque avèm mençonat una partida pichoneta de la barbariá e de la dolor que viu lo Mond a cada jorn.
Avèm pas pogut raportar totes los atemptats, e per tant nos sentèm mal. Lo sang d’un abitant de Bagdad es de la meteissa color que lo sang d’un niçard, e la dolor, la paur e l’orror son parièras en Alemanha e en Somalia. Totes los èssers umans an la meteissa valor e lor sofrença e mòrt es la meteissa pertot. Es per aquela rason que planhèm fòrça que priorizem qualques informacions sus d’autras.
Fasèm tot çò possible per far un jornal seriós, objectiu e de qualitat. Mas a l’ora d’ara Jornalet se publica gràcias al trabalh benevòl, a las oras panadas al sòm e a la familha.
E mercés plan
E mai se lo nòstre trabalh es totjorn benevòl e fach amb de resorsas limitadas, sèm aüroses de portar lo nòstre gran de sable a la revitalizacion de la nòstra lenga. Per aquò volèm tanben grandmercejar los legeires, los collaboradors, lo conselh lingüistic de Jornalet, los opinants e los amics que nos ajudan a far avançar aqueste projècte. E, solide, los sòcis d’Amics de Jornalet, los anonciaires e los que mandan de dons e nos ajudan a finançar lo projècte, e tanben las personas, los collectius e las institucions que nos donan un còp de man.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#17 Hé, hé, hé, es aquèste qu'o ditz qu'o es...
#6 Tè, vèsi que la Comtèssa Pesamezzo,fai totjorn pas dins la mièja mesura ! Val melhor ne rire d'aquèles jos-marins de la Marine.
#14 Ne soi pas segur que cambiaram las ideas de la comtessa en barrejant un tombarèu de «finas analisas» suu son palhasson, mes ne costa pas d’ensajar. O que pòdem tanben contra-opinar e argumentar (medisha incertitud). Ne s’i tanh pas de cercar contradictors senon de debàter, Autament, tà qué bon lo hiu de comentaris?
Mes au cap de quantas finas analisas avem lo dret d’exprimir un engatjament, per exemple: «Que sostieni Ayan Irsi Ali, Kamel Daoud, Alia el-Mahdi o Raif Badawi, contra los qui’us censuran, empresoan o miaçan de mòrt…» shens atraçà’s encús d’islamofobia¹ o remembres sentenciós coma qué «ne cau pas essencializar»²?
—
Edonc de totas aqueras analisas e de bèras autas que tiri l’impression qu’a l’ora d’ara, lo tradicionalisme e las tendéncias teocraticas e senhorejan dens la màger part de las societats islamicas, e aquò, si-ben qu’ei un problèma, pr’amor que hè societats en crisi e que produseish hòrt de mau de víver³. Virèssi l’arròda…
Per astre fòrças musulmans que hèn mustra d’autas aspiracions, especiaument d’ua gran delèra de libertat. Que s’ac pagan sovent dab la vita. Que’us desiri en còrhens de’s tirar un jorn la dobla canaula deu sabre e deu condèr. Pr’amor d’aquò, en aqueth islam plurau qui mentaví, com en tota societat (las occidentaus, las d’Asia o las qui vólhitz) que sostieni (en generau e dab nuanças, pas per dogmatisme abronquit) los progressistas meilèu que los tradicionalistas.
—
Que mantieni donc que voler hà’i en blòc contra un islam essencializat qu’ei trompà’s de combat, E TANBEN que preténder que las societats màgerment islamicas ne son pas en crisi ei dementit cada jorn per los hèits³.
Anem haut, los pogarellós ! Pogarejatz !
—
¹ Com si los susnomats n’estossin pas musulmans.
² Quan sostiénem las libertats pèhoradas en Russia, arrés ne’ns horneishen ua lista de finas analisas entà ns’explicar que cada Rus, viu, mort o enqüèra non vadut, n’ei pas un hooligan alcoolic, omofòb e racista.
³ Ne soi pas a díser que la societat liberau n’a pas problèmas deus sons, que’us a e deus peluts, e que’us coméntam d’abonde alhors sus Jornalet.
Avetz oblidat daus atentats? Quò pòd arribar. Mas avetz oblidat belcòp d'autras causas forças importantas. Perque i a tant de scandals que tocan las personas las pus nautas olaçada un pauc pertot dins lo monde occidental e sos satelites? Perque i a daus crops-cercles? Perque i a dos sistems monetaris internacionals l'un basat sus lo dolar, l'autre sur l'aur? Russia, China e d'autres pais importants an chausit l'aur au detriment dau dolar. Qual en seran las consequenças sus l'economia de l'America dau nòrd e de son satelite l'Europe? Perque Trump fai d'esclampits dins la campanha électorala aus USA?
Oc-es tot vai plan Mme la marquisa, tot vai plan mas quò plòu dins la maison, l'escura a cramat, las vachas son malaudas, mas tot vai plan Mme la marquisa, tot vai plan.
#13 S'es pas vos, es doncas vòstre fraire o sòrre "comtessa" qu'es campion.a de l'essencialisme de cara a l'Islam. Adreçatz-vos doncas a el.a puslèu que de cercar de garrolhas amb aqueles que dison, amb rason, que la granda majoritat dels Musulmans (es pas d'essencialisme aquò pr'amor que cada Musulman es considerat coma una persona d'aquel biais, es pas coma de dire l'Islam en o personificar abtstrachament sens tenir compte dels cresents) pausa pas cap de problèma aicí e endacòm mai, me diretz se sètz de consent amb aquò.
Cercatz vertadierament de contradictors ? N'i a fòrça que fan d'analisis finas endacòm mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari