editorial
Es tornat lo temps de la Vergonha
Occitània ven d’èsser la veirina mondiala de la vergonha. Los imatges d’almens quatre policièrs municipals qu'umílian una femna sus la plaja de Niça an fach lo torn del Mond, del temps que los jornals e los rets socials de pertot rapòrtan, espantats e dins un fum de lengas, de cases similars sus las nòstras plajas. Lo Mond entièr es espantat. Obligar una femna de cargar cèrts vestits es espantós, mas obligar una femna de se desabilhar es mai espantós encara. Imaginatz l’esperit dels pòbles e nacions de tradicion musulmana, en vesent tot aquò. Se França voliá aital combatre l’Estat Islamic, o a fach fòrça mal.
L’exigéncia d’enebir lo burkini es pas venguda de la comunautat de femnas de tradicion musulmana, ni mai d’una peticion consensuala del movement feminista. Es l’Administracion que fòrça las femnas musulmanas de venir de femnas liuras. Es çò qu’inventèt Rousseau: l’emplec del mot “libertat” quitament per asservir d’èssers umans. E tot aquò se debana dins lo contèxte d’un estat d’emergéncia que viòla los dreches de la societat civila, que servís per reprimir de militants ecologistas o de jornalistas esquerristas, qu’es denonciat per las organizacions internacionalas dels dreches umans, e que foguèt pas capable d’empedir lo chaple de Niça.
Lo projècte jacobin es un projècte exclusiu, que refusa lo drech d’èsser diferent dins una sola cultura oficiala possibla. Reprimiguèron amb duretat los que parlàvem d’autras lengas que lo francés. Ara, après negar las culturas autoctònas de l’exagòn, la tòca es d'eliminar las culturas de las comunautats novèlament vengudas. Primièr s’enebiguèt lo pòrt de l'hijab dins las escòlas, puèi lo niqab e ara lo burkini. Que seguirà? Mentretant, nos espanta que certans sectors occitanistas, e qualques comentaris de legeires de Jornalet justifiquen aquelas politicas, emplegadas tanben per exterminar la nòstra cultura.
L’exigéncia d’enebir lo burkini es pas venguda de la comunautat de femnas de tradicion musulmana, ni mai d’una peticion consensuala del movement feminista. Es l’Administracion que fòrça las femnas musulmanas de venir de femnas liuras. Es çò qu’inventèt Rousseau: l’emplec del mot “libertat” quitament per asservir d’èssers umans. E tot aquò se debana dins lo contèxte d’un estat d’emergéncia que viòla los dreches de la societat civila, que servís per reprimir de militants ecologistas o de jornalistas esquerristas, qu’es denonciat per las organizacions internacionalas dels dreches umans, e que foguèt pas capable d’empedir lo chaple de Niça.
Lo projècte jacobin es un projècte exclusiu, que refusa lo drech d’èsser diferent dins una sola cultura oficiala possibla. Reprimiguèron amb duretat los que parlàvem d’autras lengas que lo francés. Ara, après negar las culturas autoctònas de l’exagòn, la tòca es d'eliminar las culturas de las comunautats novèlament vengudas. Primièr s’enebiguèt lo pòrt de l'hijab dins las escòlas, puèi lo niqab e ara lo burkini. Que seguirà? Mentretant, nos espanta que certans sectors occitanistas, e qualques comentaris de legeires de Jornalet justifiquen aquelas politicas, emplegadas tanben per exterminar la nòstra cultura.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 A! Se la font es internet... M'estimi mai tornar legir Lafont!
#14 Crèsi que Piri Reis (1465~1470), èra un amiral de l'empèri otoman, e saria el qu'auria dessinat aquèla carta...
Nascut dins la provencia de Karaman Tuquia) èra lo nebot del plan coneigut pirata Kemal Reis dich Camali.
De 1513 a 1528 dessinèt doas cartas del mond. Coleccionava las cartas e d'unas qu'èron en sa possession venian de l'antiquitat.
#9 Mas sorças son los sites sur internet de :
-"Le grand changement -Les dernières infos du web"
-; " nuréa tv (vidéo ; la carta de piri reis"
#12
Fin finala : Occitans + victimizacion = rondatge del malastre
Al fuòc lo burini...... Visca lo burkunu : es un crane compromès !
http://img4.hostingpics.net/pics/518955burkunu1.jpg
#11 Pichon apondon :
La burqa, lu burkini existavon pas i a 20 ans.
Es un vestit politic pòrta bandièra d'un islam integriste : lo salafisme.
La declaracion dels drech de l'òme signada per gaireben 60 paísses a ren a vèire amb los drechs de l'òme/femna que coneissem.
Un pichon escapolon :
Article 10 : l’islam es la religion naturala de l’òme, es pas permes de sosmetre l’òme a de pressions e d’aprofechar de sa pauretat e de son ignorancia per lo convertir a una autra religion o l’ateisme.
Article 11 : l’òme es nascut liure, degun ten lo drech de l’umiliar, de l’oprimir, de l’expleitat. Non pòt i aver d’autre sosmission qu’a diu lo tot potent.
Article 19 : …. D) cap de crimes e cap de penas en defòra de çò prevesit per la lei islamica (charià)
Article 22 : Tot individu a lo drech d’exprimir son opinion d’un biais non contrari a la lei islamica.
Article 24 : totes los drechs enonciat dins lo document (declaracion islamica dels drechs de l’òme), son susbordonas a las disposicions de la lei islamica.
Article 25 : La lei islamica es la sola sorga de referencia per interpretar o clarificar tot article de la presenta declaracion.
https://fr.wikipedia.org/wiki/D%C3%A9claration_des_droits_de_l%27homme_en_islam
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari