editorial
François Hollande mòstra lo camin a la classa politica caduca
En anonciant que se tornarà pas presentar coma candidat a la presidéncia de la Republica Francesa, François Hollande, plan marrit comunicator, es estat, fin finala, un anti-Sarkozy fins al bot: s’es pas arrapat al poder. Ara es necite que los ciutadans de l’estat francés, dont fòrça occitans, fagan restanca tant a la drecha reaccionària de Fillon coma a l’extrèma drecha populista de Le Pen. Son d’efièch doas vias fòrça perilhosas per la justícia e la patz socialas.
Los dangièrs de Marine Le Pen los coneissiam plan. Cèrca de devesir la societat en escampant racisme e xenofobia en nom d’un discors de la paur que ne sabon profechar los que vòlon installar un òrdre autoritari, e mai nostalgic del totalitarisme. Ja n’avèm una illustracion en Occitània amb la politica del cònsol màger de Besièrs, que plora lo colonialisme, acusa los migrants de totes los mals e mesprèsa la cultura del país.
Ara sabèm que François Fillon es tan dangierós. Del temps que lo valat de las inegalitats se cava, lo candidat de la drecha desira rompre amb tota idèa de solidaritat en impausant una politica thatcheriana en favor dels mai rics e al detriment dels mai fragils, ja pesantament tocats per la crisi mondiala causada per l’ofensiva neoliberala. Ultraconservator, sembla de voler tornar a una societat masclista e omofòba d’un autre sègle. Coma Donald Trump, tan retrograd coma el, a una granda simpatia per l’autoritari Vladimir Putin.
Las promessas non complidas dels socialistas nos an decebuts, los occitans. S’es pas passat grand causa per far progressar la reconeissença de nòstra lenga e de nòstra cultura. Ni ratificacion de la Carta Europèa de las Lengas Regionalas e Minoritàrias, ni nòva legislacion eficaça. La reforma del collègi a fragilizat l’ensenhament de l’occitan e sèm pas tanpauc satisfaches de l’autoritària reforma de l’organizacion de las regions administrativas francesas.
Pasmens, Le Pen e Fillon, que ja de sondatges vòlon botar al segond torn de la presidenciala francesa, son totes dos una promessa de regression dels dreches democratics, culturals e socials. Totes dos son nostalgics de la França colonialista e supremacista. Totes dos mesprèsan los divèrses pòbles de l’estat francés e poirián doncas far recular encara mai l’ensenhament de nòstra lenga occitana.
La còla de Jornalet saludam la retirada d’Hollande, e la reconeissença qu’a facha de sas errors. Ara nos agradariá que tanben se retirèsson Fillon, Le Pen e quitament Valls, e permetèsson l’emergéncia de fòrças progressistas per far restanca a aquel doble perilh. Es un enjòc de subrevivença per nòstre pòble.
Los dangièrs de Marine Le Pen los coneissiam plan. Cèrca de devesir la societat en escampant racisme e xenofobia en nom d’un discors de la paur que ne sabon profechar los que vòlon installar un òrdre autoritari, e mai nostalgic del totalitarisme. Ja n’avèm una illustracion en Occitània amb la politica del cònsol màger de Besièrs, que plora lo colonialisme, acusa los migrants de totes los mals e mesprèsa la cultura del país.
Ara sabèm que François Fillon es tan dangierós. Del temps que lo valat de las inegalitats se cava, lo candidat de la drecha desira rompre amb tota idèa de solidaritat en impausant una politica thatcheriana en favor dels mai rics e al detriment dels mai fragils, ja pesantament tocats per la crisi mondiala causada per l’ofensiva neoliberala. Ultraconservator, sembla de voler tornar a una societat masclista e omofòba d’un autre sègle. Coma Donald Trump, tan retrograd coma el, a una granda simpatia per l’autoritari Vladimir Putin.
Las promessas non complidas dels socialistas nos an decebuts, los occitans. S’es pas passat grand causa per far progressar la reconeissença de nòstra lenga e de nòstra cultura. Ni ratificacion de la Carta Europèa de las Lengas Regionalas e Minoritàrias, ni nòva legislacion eficaça. La reforma del collègi a fragilizat l’ensenhament de l’occitan e sèm pas tanpauc satisfaches de l’autoritària reforma de l’organizacion de las regions administrativas francesas.
Pasmens, Le Pen e Fillon, que ja de sondatges vòlon botar al segond torn de la presidenciala francesa, son totes dos una promessa de regression dels dreches democratics, culturals e socials. Totes dos son nostalgics de la França colonialista e supremacista. Totes dos mesprèsan los divèrses pòbles de l’estat francés e poirián doncas far recular encara mai l’ensenhament de nòstra lenga occitana.
La còla de Jornalet saludam la retirada d’Hollande, e la reconeissença qu’a facha de sas errors. Ara nos agradariá que tanben se retirèsson Fillon, Le Pen e quitament Valls, e permetèsson l’emergéncia de fòrças progressistas per far restanca a aquel doble perilh. Es un enjòc de subrevivença per nòstre pòble.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La mòrt de Hollande
http://www.hostingpics.net/viewer.php?id=274704presseetrangere12.jpg
#8 Es pas de drecha, es trumpista!
#7 La caritat en luòc de la solidaritat : un concèpte de l’edat mejana que li agrada fòrça al borgés gras. Fas un don e t’estalvias d’aver de remòrs per los que crèban dins la carrièra a cò nòstre o d’aver crompat de Nikes o un vestit de luxe fabricat per de diagos qu’an pas gaire d’esperança de vida endacòm mai. Amb de rasonaments aital, arribariatz a nos far creire que Servier èra un filantròp !
dins sei confidéncias a dos jornalistas dau "monde"lo president de la republica se mostra lucide e fai un pam de nas a l'accion qu'a menada dins son govèrn. Pensa exactament coma ieu : leis ecolos son de tarnagàs, lei jutges exageran, li a trop d'immigracion, lei zonas de non-drech existon, l'Islam pausa problèmas e conclutz :" tout ça finira par une partition " ço que significa que dins lo quadre dei valors de la republica li aurà probable en França una guerra civila, que l'istoria nos ensenha en regla generala tota particion, ,tota secession se fai après un conflicte armat. darrier exemple l'Iogoslavia. Hollande pensa doncas coma ieu amb aquesta diferéncia qu'eu tenent l'empenta de l'Estat fai tot ço que pot per nos menar dins aquesta palunalha e ren per l'empachar
#7 "Qui sap fer las cosas es a dir la dreta", ha, sètz drechan de cap a cul. Rapela a lo Rajoy que ieu lo vesi far pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari