editorial
L’acomolacion de fòrças occitanistas
Tèxte legit
Tota persona qu’aja vesitat l’Ostal d’Occitània de Tolosa serà demorada gòrjabadada. Plaçat al centre de la Vila Ròsa, l’enòrme sèti de Convergéncia Occitana batega amb una fòrça qu’arriba pertot dins lo país, que passa d’una entitat culturala locala a fins a èsser un ponch de referéncia de l’occitanisme al nivèl nacional. Convergéncia Occitana es uèi una institucion interlocutritz dels poders publics e politics, en agissent coma lòbi de pression per la normalizacion lingüistica, educativa e culturala. Cap de mesura sus cap de question occitana es presa per la comuna de Tolosa sens consultar, ni que siá informalament, las gents de Convergéncia Occitana. Aquela institucion, qu’amassa unas ochanta associacions occitanistas, es uèi una referéncia obligatòria dins la politica locala; e a una opinion respectada e inevitabla.
L’Ostal d’Occitània es doncas un bon modèl de seguir en la rèsta del país. L’occitanisme es atomizat en dotzenas de grops de totas sòrtas, escampilhats per tota Occitània, dels grops de defensa lingüistica fins als grops de musica tradicionala, en passant per las associacions de professors, de parents, esportivas, culturalas e ludicas de totas menas. L’union fa la fòrça, e la fòrça fa la victòria. Es necite, e imprescindible, que las entitats occitanistas de las vilas e dels departaments s’amassen jos de parapluèjas unitaris que lor permetràn d’aver de sedenças mai grandas, força mai d’interlocucion, e mai un personal en carga que garentisca lo foncionament actiu de l’occitanisme local. N’avèm d’exemples a Bordèu, Marselha, Niça…
Coma totes los movements minoritaris del Mond, l’occitanisme es dividit e, tròp sovent, afrontat contra el meteis. Aquò es comprensible, mas es pas acceptable. Los responsables de l’occitanisme an de bandir las diferéncias per balhar al movement nacional una fortalesa e una modernitat que passa inevitablament per l’unitat d’accion. La dispersion d’esfòrces es exactament çò que vòlon a París, Roma e Madrid de nosautres; l’unitat d’accion es exactament çò que vòlon pas que fagam. Alavetz, esperem pas mai e parlem entre nosautres per començar lo camin de l’unitat d’accion.
L’Ostal d’Occitània es doncas un bon modèl de seguir en la rèsta del país. L’occitanisme es atomizat en dotzenas de grops de totas sòrtas, escampilhats per tota Occitània, dels grops de defensa lingüistica fins als grops de musica tradicionala, en passant per las associacions de professors, de parents, esportivas, culturalas e ludicas de totas menas. L’union fa la fòrça, e la fòrça fa la victòria. Es necite, e imprescindible, que las entitats occitanistas de las vilas e dels departaments s’amassen jos de parapluèjas unitaris que lor permetràn d’aver de sedenças mai grandas, força mai d’interlocucion, e mai un personal en carga que garentisca lo foncionament actiu de l’occitanisme local. N’avèm d’exemples a Bordèu, Marselha, Niça…
Coma totes los movements minoritaris del Mond, l’occitanisme es dividit e, tròp sovent, afrontat contra el meteis. Aquò es comprensible, mas es pas acceptable. Los responsables de l’occitanisme an de bandir las diferéncias per balhar al movement nacional una fortalesa e una modernitat que passa inevitablament per l’unitat d’accion. La dispersion d’esfòrces es exactament çò que vòlon a París, Roma e Madrid de nosautres; l’unitat d’accion es exactament çò que vòlon pas que fagam. Alavetz, esperem pas mai e parlem entre nosautres per començar lo camin de l’unitat d’accion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Ostal d'Occitània me sembla util e quitament indefugibla coma aisina de lobiitge dins una capitala de region coma Tolosa. Convergéncia trabalha sa preséncia e sos malhums dins los centres de poders comunals, despartamentals o regionals e aquò fasiá mestièr a l'occitanisme dempuèi un briu. Sens comparar Tolosa a Estrasborg lo trabalh de lòbi es parièr.
Mas cal plan destriar que Occitània es pas sonque Tolosa e i a benlèu mai de parcans rurals clarsemenats de vilòtas que non pas de metropòlis coma Tolosa o Monpelhièr o encara d'autras. Adoncas la problematica jos jacenta al comolar de las fòrças occitanistas es benlèu la meteissa que la del sondatge dins aquel jornal que demanda se cal que las associacions se devon agropar. A saber se l'adicion de las associacions vòl dire l'adicion de la visibilitat dins la societat e mai que mai son eficacitat ...
Lo mièlh es percòp lo contrari del bon.
Lo concèpte d'union que fa la fòrça es de manejar amb d'aise e benlèu se cal gardar de generalizar un metòd que marcha aicí e que podriá cabussar ailà. Lo campèstre es pas la vila e d'ajudas se pòdon concebre amassa sens per aquò parlar de s'embarrar dins un ostal. Siaguèsse lo d'Occitània.
Es vertat e es pas vertat, es a dire que l'union fa la fòrça, òc, a condicion d'aver una capacitat d'intervencion eficaça dins cada situacion, la societat es complexa e nos cal aver un poder d'adaptacion permanent per respondre a las agressions culturalas e linguisticas que ne patissèm cada jorn. Una estructura coma "Convergéncia" es quasi una "institucion" es donc pesuga dins son fonccionament e en particular dins sa reactivitat. Es normal que demanda una concertacion e una coordinacion de plan de monde diferents. Alavètz me sembla que serà plan util sus un trabalh a long tèrme mas que nos cal salvar la possibilitat d'aver a costat d'aquelas "institucions" d'organisacions mai leugièras amb un objectiu precis e sustot una independéncia totala cap a las institucions publicas per pausar quora o cal de rapòrts de fòrça sus de basas mai "politicas" per fin de tirar endavant. La mobilitat, l'espontaneisme e l'activisme en general son d'armas per d'estructuras leugièras, empacha pas de trabalhar totes en bona intelligéncia !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari