editorial
D’argent tacat de sang e de sofrença
Lo mes de mai passat se publiquèt un rapòrt, fach pel Centre Delàs, TNI e Stop Wapenhandel, que denonciava que l’indústria de las armas profiècha las migracions ocasionadas per las guèrras. Las societats Airbus, Leonardo e Thales encaissèron 95 miliards d’èuros en 2015 per la seguretat de las frontièras fàcia als refugiats. En mai d’aquò, d’aquelas tres societats, l’occitana Airbus es la principala beneficiària de contractes de finançament per la recèrca en seguretat. Dins aquel rapòrt legissèm qu’en 2003, los directors executius de Thales, BAE Systems e EADS escriguèron una letra dobèrta per prepausar la creacion d'una agéncia de defensa europèa, Frontèx, que fin finala se creèt en julhet de 2004, après consultar d'expèrts que trabalhavan justament per aquelas meteissas societats. Pendent los darrièrs cinc ans, Airbus a emplegat almens 7,5 milions d'èuros per d’activitats lobbyistas; Finmeccanica e Thales, mai d'un milion; Indra, gaireben 1,5, e la francesa Safran, mai de dos milions d'èuros.
De milions de personas que vivián en patz dins lors païses se tròban ara dins de guèrras e vòlon pas morir. Vòlon èsser pas de victimas del fuòc ni de las bombas qu’arriban dels avions Eurofighter, dels elicoptèrs Tigre NH 90... ni d’autras armas fabricadas per Airbus. Per aquela rason fugisson e cèrcan un refugi. Demest eles, una pichona minoritat perven dins l’Union Europèa, brèç de la democracia e dels dreches de l’òme, en trobant tot simplament que lor an barrada la pòrta.
Per empedir l’intrada d’aqueles refugiats, l’UE destina 15 miliards d’èuros a la seguretat de las frontièras, e an previst d’aumentar aquel budget a 29 miliards en 2020. Amb aquel argent se paga Frontèx, qu’a son torn fa de contractes amb d’autras societats privadas, dont Airbus, per fabricar de radars, d’avions e tota sòrta d’armas per contrarotlar las frontièras. Las organizacions que publiquèron lo rapòrt mençonat afirman qu’aquela combinason dels afars de las armas e de las frontièras es “cinica”. E per aquela rason exigisson de l’UE qu’establisca l’embargo de las armas en Orient Mejan e lo nòrd d’Africa, quite de participar a aqueles conflictes e investisca son argent a prevenir e resòlvre los conflictes.
La còla de Jornalet cresèm qu’o cal denonciar. Ara quand passaretz per Blanhac, saupretz quina sòrta d’afars tacats de sang se i fan. Esperem qu’un jorn arribe, que la consciéncia dels que se son enriquits amb totes aqueles afars lor permeta pas jamai pus de trapar lo sòm.
De milions de personas que vivián en patz dins lors païses se tròban ara dins de guèrras e vòlon pas morir. Vòlon èsser pas de victimas del fuòc ni de las bombas qu’arriban dels avions Eurofighter, dels elicoptèrs Tigre NH 90... ni d’autras armas fabricadas per Airbus. Per aquela rason fugisson e cèrcan un refugi. Demest eles, una pichona minoritat perven dins l’Union Europèa, brèç de la democracia e dels dreches de l’òme, en trobant tot simplament que lor an barrada la pòrta.
Per empedir l’intrada d’aqueles refugiats, l’UE destina 15 miliards d’èuros a la seguretat de las frontièras, e an previst d’aumentar aquel budget a 29 miliards en 2020. Amb aquel argent se paga Frontèx, qu’a son torn fa de contractes amb d’autras societats privadas, dont Airbus, per fabricar de radars, d’avions e tota sòrta d’armas per contrarotlar las frontièras. Las organizacions que publiquèron lo rapòrt mençonat afirman qu’aquela combinason dels afars de las armas e de las frontièras es “cinica”. E per aquela rason exigisson de l’UE qu’establisca l’embargo de las armas en Orient Mejan e lo nòrd d’Africa, quite de participar a aqueles conflictes e investisca son argent a prevenir e resòlvre los conflictes.
La còla de Jornalet cresèm qu’o cal denonciar. Ara quand passaretz per Blanhac, saupretz quina sòrta d’afars tacats de sang se i fan. Esperem qu’un jorn arribe, que la consciéncia dels que se son enriquits amb totes aqueles afars lor permeta pas jamai pus de trapar lo sòm.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es per aquò que l'UE es pas qu'una gròssa engana fabricada per l'OTAN . L'associacion de societats privadas per fabricar mai d'armas e l'argent donat per l'UE per afortir nòstra securitat en fàcia de paures mondes que fugisson las guèrras alucadas per las « democracias»«del monde liure» mòstran plan ont anem . Un blòc Otanisat jos lo contraròtla d'Alemanha e lo comandament del USA . An de preparar la guèrra propdana ambe Russia. M'espanta que d'unes occitanistas cridan per una euròpa federala e l'amistat entre los pòbles e fagan mina d'i creire ... Lo sang raja de pertot . Ièr legiguèri qu'un dròna airbus es estat trobat sus un plaja russa de la Mar Negra .
O alara cal dire qu'es una estrategia de l'occitanisme politic, per de que sabèm totes que França nos daissarà ren? Euròpa es una androna que serà lèu ensagnosida . Se vei plan ara qu'ajuda pas los pòbles per se trobar sa libertat. Ajudarà pas Escòcia , Catalonha , Corsega e deman (belèu) tanben ajudarà pas Occitània tota...
Los angleses an compres e causit de fugir aquela gròssa m.... burocratica , militarisida qu'impausan l'austeritat , lo caumatge , la misèria, la fin de l'estat «social».
Soi encara espantat de veire consí Hollande es afogat de guèrra! E aima pas los sens dent.
Que se cal mesfisar dels « pichons gròs» e pregar per que los socialistas se causissan enfin una còla de socialistas vertadièrs per entamenar la reconquista !
Cal pregar tanben per sortir d'aquela maquina infernala que put la mòrt!
Es per aquò que l'UE es pas qu'una gròssa engana fabricada per l'OTAN . L'associacion de societats privadas per fabricar mai d'armas e l'argent donat per l'UE per afortir nòstra securitat en fàcia de paures mondes que fugisson las guèrras alucadas per las « democracias»«del monde liure» mòstran plan ont anem . Un blòc Otanisat jos lo contraròtla d'Alemanha e lo comandament del USA . An de preparar la guèrra propdana ambe Russia. M'espanta que d'unes occitanistas cridan per una euròpa federala e l'amistat entre los pòbles e fagan mina d'i creire ... Lo sang raja de pertot . Ièr legiguèri qu'un dròna airbus es estat trobat sus un plaja russa de la Mar Negra .
O alara cal dire qu'es una estrategia de l'occitanisme politic, per de que sabèm totes que França nos daissarà ren? Euròpa es una androna que serà lèu ensagnosida . Se vei plan ara qu'ajuda pas los pòbles per se trobar sa libertat. Ajudarà pas Escòcia , Catalonha , Corsega e deman (belèu) tanben ajudarà pas Occitània tota...
Los angleses an compres e causit de fugir aquela gròssa m.... burocratica , militarisida qu'impausan l'austeritat , lo caumatge , la misèria, la fin de l'estat «social».
Soi encara espantat de veire consí Hollande es afogat de guèrra! E aima pas los sens dent.
Que se cal mesfisar dels « pichons gròs» e pregar per que los socialistas se causissan enfin una còla de socialistas vertadièrs per entamenar la reconquista !
Cal pregar tanben per sortir d'aquela maquina infernala que put la mòrt!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari