editorial
La fe amb d’òbras viva es
Coma o avèm raportat, la ministra de l’educacion francesa, Najat Vallaud-Belkacem, signèt dijòus passat a Tolosa una convencion quadre per l’ensenhament de l’occitan, dins gaireben tota la mitat occidentala d’Occitània. Aquela convencion es una primièra en la matèria e s’aplicarà a las circonscripcions educativas, apeladas acadèmias, de Bordèu, Limòtges, Montpelhièr, Peitieus e Tolosa.
La vesita de Najat-Belkacem nos a portat d’imatges inestimables. Quantes auriatz imaginat un ministre del govèrn francés assistir a una leiçon de matematicas en occitan? Quantes auriatz imaginat qu’un jorn un grop d’enfants tolosans ensenharián a la ministra a dire “mercés” en occitan? Gràcias al rapòrt, als imatges e vidèos qu’a publicats lo Blòg occitan de France 3, podèm veire de situacions esmoventas que jamai auriam pas imaginat que poguèsson arribar.
La cauma de la fam de Dàvid Grosclaude a valgut la pena. L’Ofici Public de la Lenga Occitana (ÒPLO) es pas solament una realitat, mas ven de demostrar qu’es vertadièrament un organisme public amb la tòca de definir una politica publica en favor de la lenga nòstra. Gràcias a l’esfòrç de l’ÒPLO, l’ensenhament immersiu de l’occitan es ara reconegut dins l’encastre de l’educacion publica francesa.
Es verai que dins aquela convencion, “non i a pas nat engatjament chifrat”, coma o planh Grosclaude dins son blòg, e que la participacion de l’estat “ei mei que simbolica”. Es tanben verai qu’après aquela convencion signada, l’escòla en occitan demòra totjorn fòrça luènh del sistèma d’Aran, ont l’occitan es la lenga veïculara d’aprendissatge general de totes los escolans. Es tanben verai que la mitat orientala d’Occitània demora exclusa d’aquela convencion. Totun, es un pas endavant enòrme.
I a encara fòrça trabalh de far. Mas desenant lo farem amb optimisme gràcias al vam que nos balha aquel succès de l’ÒPLO per la dignificacion de la lenga e de la cultura del país. La fe amb d’òbras viva es.
La vesita de Najat-Belkacem nos a portat d’imatges inestimables. Quantes auriatz imaginat un ministre del govèrn francés assistir a una leiçon de matematicas en occitan? Quantes auriatz imaginat qu’un jorn un grop d’enfants tolosans ensenharián a la ministra a dire “mercés” en occitan? Gràcias al rapòrt, als imatges e vidèos qu’a publicats lo Blòg occitan de France 3, podèm veire de situacions esmoventas que jamai auriam pas imaginat que poguèsson arribar.
La cauma de la fam de Dàvid Grosclaude a valgut la pena. L’Ofici Public de la Lenga Occitana (ÒPLO) es pas solament una realitat, mas ven de demostrar qu’es vertadièrament un organisme public amb la tòca de definir una politica publica en favor de la lenga nòstra. Gràcias a l’esfòrç de l’ÒPLO, l’ensenhament immersiu de l’occitan es ara reconegut dins l’encastre de l’educacion publica francesa.
Es verai que dins aquela convencion, “non i a pas nat engatjament chifrat”, coma o planh Grosclaude dins son blòg, e que la participacion de l’estat “ei mei que simbolica”. Es tanben verai qu’après aquela convencion signada, l’escòla en occitan demòra totjorn fòrça luènh del sistèma d’Aran, ont l’occitan es la lenga veïculara d’aprendissatge general de totes los escolans. Es tanben verai que la mitat orientala d’Occitània demora exclusa d’aquela convencion. Totun, es un pas endavant enòrme.
I a encara fòrça trabalh de far. Mas desenant lo farem amb optimisme gràcias al vam que nos balha aquel succès de l’ÒPLO per la dignificacion de la lenga e de la cultura del país. La fe amb d’òbras viva es.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 Lo comentari qu'ai fach es sul mesadièr bi-regional que, pel moment, contunha dins la dralha del de l'anciana region Languedoc-Rousssillon per çò qu'es dels subjèctes tractats, pas sus la convencion nimai sus Jornalet. La convencion: un pichòt pas endavant quita pas d'èsser una avançada (ni per los dobtes que podèm aver sus la volontat del governament). Jornalet: disi pas que soi totjorn d'acòrdi al cent del cent mas lo critiqui pas; fa un brave trabalh e de tot biais cèrqui pas dins un jornal que diga exactament çò que pensi o tracte pas que los tèmas que m'interèssan.
#8 As rason pirolet...coma de costuma ! Puslèu faire ren e pirolejar...
Puta de convencion ! Puta de jornal ! Puta de tot !
L'important es sustot de pirolejar !
#6 En encara caldriá qu’escriguèsson occitan e catalan coma cal e pas de francés vestit de las pelhas de nòstras lengas. M’es arribat uèi lo mesadièr regional: s’èri prevengut que fasiá de folclorizacion toristica manquèri tombar de la cadièra en legissent aquelas farlabicas de catalán e d’occitan. De mai, de paginas claufidas de projèctes e pas una rega sus las lengas.
#6 Promessas, Convencion signada : tot parer ?
Per lo jornal de la region, mercé d'esperar lo seguent...
Vos trapi plan optimist! Coma s'aviam pas vist passar ,jà , de carretadas de promessas jamai tengudas ..sustot quand òm se sarra de las elèccions....
Veni de trapar, dins la caisseta del corrièr, lo papièiròt de la novèla region -Oxitany- "Occitanie- le journal". pas res sus la cultura occitana o catalana. A! si! una pichona adaptacion de mai o mens 120 mots ( en catalan e occitan) d'un article sul torisme ( tè, vos estona?) - coma se, al darrièr moment, la redaccion d'aquela publicacion de la region, s'èra mainada que i avia pas res dins las lengas istoricas e que i calia metre quicòm, que que sia....
I podetz trobar tanben un titol d'article " La déco"Made in aqui" c'est possible"
Se sèm pas contents amb tot aquò!
Es aquò d'aqui, the Oxitany
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari