editorial
Entre la tecnocracia e lo populisme
Lo fach que i aja un partit d’ultradrecha permet que la drecha liberala se mòstre centrista e moderada. Lo filosòf e escrivan Michel Onfray se demandava dimenge passat se de verai la classa politica francesa voliá metre fin al Front Nacional o se solament se’n servissiá per son profièch personal. “Se combat pas aquela resistibla ascension per la diabolizacion, mas en assecant lo palun que noirís lors ambicions”. E ara nos trobam dins una situacion d’emergéncia nacionala, e sèm obligats de votar per un tecnocrata neoliberal al servici de las bancas, per tal d’empedir qu’una racista xenofòba aja lo poder e lo contraròtle de l’armada.
Cal pas demonizar los votants del Front Nacional. Son pas totes de faissistas, nòstres compatriòtas qu’an votat aquela opcion. Dins tot lo Mond l’umanitat vòl la meteissa causa: aver un emplec, un bon servici de santat e viure sens preocupacions. L’Union Europèa nos prometèt tot aquò, mas nos a pas portat que d’austeritat, de pauretat, de retalhadas, d’injustícias. Lo mond qu’an votat Le Pen, son coma los estatsunidencs que votèron Trump, de mond normal que reagisson contra un modèl que nos fa venir la vida mai dura, e que cèrcan de solucions dins las enganas dels populistas.
Dins la situacion que sèm ara, cresèm que i a pas cap d’autra causida que de votar Macron al segond torn. Mas puèi nos cal metre al trabalh, car i a de causas de far. La primièra escasença son las eleccions legislativas ont, vist lo resultat de la presidenciala, podèm aver una assemblada francesa interessanta que permetrà pas a Macron de governar l’estat coma se foguèsse una banca. De tot biais, lo combat pus important que devèm començar de menar tre ara es d’“assecar lo palun” que lo mençona Onfray, per tal de poder aver un jorn d’eleccions ont se votarà per conviccions e non pas per cantatge.
Cal pas demonizar los votants del Front Nacional. Son pas totes de faissistas, nòstres compatriòtas qu’an votat aquela opcion. Dins tot lo Mond l’umanitat vòl la meteissa causa: aver un emplec, un bon servici de santat e viure sens preocupacions. L’Union Europèa nos prometèt tot aquò, mas nos a pas portat que d’austeritat, de pauretat, de retalhadas, d’injustícias. Lo mond qu’an votat Le Pen, son coma los estatsunidencs que votèron Trump, de mond normal que reagisson contra un modèl que nos fa venir la vida mai dura, e que cèrcan de solucions dins las enganas dels populistas.
Dins la situacion que sèm ara, cresèm que i a pas cap d’autra causida que de votar Macron al segond torn. Mas puèi nos cal metre al trabalh, car i a de causas de far. La primièra escasença son las eleccions legislativas ont, vist lo resultat de la presidenciala, podèm aver una assemblada francesa interessanta que permetrà pas a Macron de governar l’estat coma se foguèsse una banca. De tot biais, lo combat pus important que devèm començar de menar tre ara es d’“assecar lo palun” que lo mençona Onfray, per tal de poder aver un jorn d’eleccions ont se votarà per conviccions e non pas per cantatge.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#20 Saique li es arribat de dire d'asenadas sus las lengas regionalas ! Nobody's perfect, lo Michel Onfray es pas un Occitan, un Basc o un Breton, es un francimand (de Normandia) e per aquò pòt pas aver una coneissènça fonsa e rasonada sus las lengas dichas "regionalas" coma pòt l'aver un legèire dau Jornalet.
Aquò dich, aquel filosòf de tria es pas de marrida fe (coma l'es lo linguist Estrosino-compatible Philippe Blanchet que declara sens rire que" lenga occitana, lenga provençala e lenga nissarda son tres lengas diferèntas" !!!) e es lo sol intellectual francès conegut que tusta sul jacobinism e lo centralism parisenc. Vos convidi a clicar "décoloniser les provinces, Michel Onfray" sus Youtube. Serètz agradivament sorprès d'ausir un discors critic sul centralism parisenc que n'autres sabem dempuèi d'annadas, mas qu'es completament desconegut suls mediàs francèses. E aquò pòt qu'ajudar nòstra lucha. Foguèsse d'un francimand que conèis pas plan lo dorsièr lengas "regionalas".
Onfray lo qu' a dich que la " lengas regionalas eran un biais de foranbadir los estrangièrs " .Lo Jornalet podria trapar d' autras sorgas ....
Me siái totjorn mesfisat de l'aparenta tolerança dau monde de gaucha. I ai atrapat de còps que i a de fanatics de la laïcitat, dau manjar biologic, de la Libertat sens constrencha. De monde estrèmas que me fasiáun paur, aitant coma de monde de drecha qu'auriáun fotut totes los estrangièrs dinc un batèu per lo faire espetar puèi au mitan de la mar !
La trufariá, lo mespretz public, la violença verbala son a la mesura de ce que pòdon venir los que se fariáun passar per ànjons de la democracia. La bèstia pòt se desrevelhar a tot moment dinc lo desacòrdi politic tant coma religiós. Far taisar los autres en empausant qu'avèm forçadament rason a 100% es ja de censura, de dictatura de la pensada !
Chascun es aicí per esprimir son vejaire. Mespresar publicament n'es pas un. Avèm totes lo Dever de Respèct Mutuau, totes aqueles qu'escrivèm dinc Jornalet. Se quauqu'us es descorat de las resultas de las eleccions, aquò's totalament son drech d'esprimir son ira, dau moment qu'ensulta pas l'opinant ni los comentaires. L'ensultar per aquò es ja dictar ce que "deuriá" pensar.
Vene pas m'espacejar sus un blòg per legir de verinadas nominativas. E aquò's pas lo modèle de comunicacion e de consideracion de l'Autre que vòle trasmetre a mos enfants. Aquò me descora capitar certans comentaris. Aquò's un blòg, non pas una dictatura de la pensada. Aquel "Lachaud" de son escais a sortit ce que lo cachava e aquò's son drech en democracia !
La virtualitat (coma la realitat tanben) nos dispensa pas d'esprimir nòstre desacòrdi emb de Respèct.
#17 aaa s'es la granda vibracion còsmica cal anar vèire
"Umay ana", qu'ela que balha lo "kut".
#16
Atz rason, qu’es nonmàs un saquetat de la granda vibracion cosmica, aquò es pas la sóa fauta d’estre tant colha, eu es estat bradassat dins los pelons tot pitit.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari