editorial
Soi Manchester, soi còpte, soi refugiat
Lo wahhabisme es una sècta minoritària de l’islam, qu’es la font d’aquel fondamentalisme fanatic e qu’a estendut considerablament son influéncia amb la creacion de centres d’estudis e de mosquetas pel Mond entièr, finançats amb l’ajuda dels sòus de la dinastia saudita. Tant los talibans coma Al Qaida e l’Estat Islamic poson lor ideologia dins lo wahhabisme, que se coneis tanben amb lo nom de “salafisme saudita”. Los wahhabistas serián pas mai qu’una còla d’ignorants fanatics coma lo Ku Kux Klan, s’avián pas l’argent e lo sosten de païses coma l’Arabia Saudita.
L’estrategia de l’autoproclamat Estat Islamic es de profechar de tensions existentas, e de en provocar d’autras entre las diferentas confessions musulmanas per s’atraire lo sosten de la comunautat sunnita, mai que mai los pus pròches del wahhabisme. E en Euròpa son estrategia es de provocar l’islamofobia, per que los joves sens avenir nascuts dins lo sen de familhas de tradicion musulmana considèren coma una possibilitat desesperada lor adesion al jihadisme internacional, mai que mai se son de victimas del racisme dins lor país.
Divendres e dissabte passats s’amassèron en Sicília los caps dels sèt païses pus poderoses del Mond, lo nomenat Grop dels Sèt. Foguèron pas capables de se metre d’acòrdi sul cambiament climatic, mas signèron un acòrdi contra lo “contengut terrorista” sul ret. Lor prioritat, çò diguèron, es de combatre lo “marrit usatge” que los grops terroristas fan d’Internet, que “pòt èsser un esplech fòrça poderós per de tòcas terroristas”, çò avertiguèron.
E del temps que los governants pus poderoses del Mond se consagran a reprimir Internet, un d’eles, Donald Trump, ven de signar un acòrdi de venda d’armas amb lo rei de l’Arabia Saudita per 90 miliards d’èuros. Inquietant.
A prepaus de la crisi dels refugiats, lo Grop dels Sèt es convengut que cal metre en plaça de camps dins lors païses d’origina. Es a dire que demandan que sián aculhits aquí d’ont fugisson. Avèm pas res comprés? Los refugiats fugisson la meteissa terror e los meteisses terroristas que los visquèron Manchester, Brussèlas, Niça, París... Per aquela rason, la còla de Jornalet acompanham nòstre “Soi Manchester” e “Soi còpte” amb un solidari “Soi refugiat”.
L’estrategia de l’autoproclamat Estat Islamic es de profechar de tensions existentas, e de en provocar d’autras entre las diferentas confessions musulmanas per s’atraire lo sosten de la comunautat sunnita, mai que mai los pus pròches del wahhabisme. E en Euròpa son estrategia es de provocar l’islamofobia, per que los joves sens avenir nascuts dins lo sen de familhas de tradicion musulmana considèren coma una possibilitat desesperada lor adesion al jihadisme internacional, mai que mai se son de victimas del racisme dins lor país.
Divendres e dissabte passats s’amassèron en Sicília los caps dels sèt païses pus poderoses del Mond, lo nomenat Grop dels Sèt. Foguèron pas capables de se metre d’acòrdi sul cambiament climatic, mas signèron un acòrdi contra lo “contengut terrorista” sul ret. Lor prioritat, çò diguèron, es de combatre lo “marrit usatge” que los grops terroristas fan d’Internet, que “pòt èsser un esplech fòrça poderós per de tòcas terroristas”, çò avertiguèron.
E del temps que los governants pus poderoses del Mond se consagran a reprimir Internet, un d’eles, Donald Trump, ven de signar un acòrdi de venda d’armas amb lo rei de l’Arabia Saudita per 90 miliards d’èuros. Inquietant.
A prepaus de la crisi dels refugiats, lo Grop dels Sèt es convengut que cal metre en plaça de camps dins lors païses d’origina. Es a dire que demandan que sián aculhits aquí d’ont fugisson. Avèm pas res comprés? Los refugiats fugisson la meteissa terror e los meteisses terroristas que los visquèron Manchester, Brussèlas, Niça, París... Per aquela rason, la còla de Jornalet acompanham nòstre “Soi Manchester” e “Soi còpte” amb un solidari “Soi refugiat”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
quente ei l'autoritat superiora, la divinitat suprema, l'olimpe dei nacions dichas unidas, la confrariá deis ONG enrbiadas que nos prescriu, nos comanda d'aculhir dins de camps de milions de refugiats, vicitmas de guerras de religions que datan dau temps vielhassos que Berta fielava e que,lo profèta montava a esquina de camèu, conflictes que provenon d'una querèla dinastica tocant la descendença de Bafomet o de saubre s'exista un iman escondut o que l'ei pas ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari