editorial
Catalonha e Aran: respectar la lei e lo referendum d’independéncia
Raportàvem, lo 14 de julhet passat, qu’Unitat d’Aran aviá publicat un comunicat en se manifestant contrària a la tenguda del referendum independentista del 1r d’octòbre que ven. “UA-PNA se posicione a favor dera majoria sociau aranesa que vò somar, que non vò renonciar ne a Catalonha ne ara rèsta d’Espanha, e qu’ac vò hèr per miei dera unica via possibla en democracia: eth dialòg, eth pacte e eth respècte ar Estat de dret”, çò disián. Dins aquel sens, lo cònsol de Bossòst, Amador Marqués diguèt aquesta setmana a de representants de la seccion aranesa de l’ANC que concediriá pas cap de local de la municipalitat per menar a bon tèrme lo vòte, se ne recep pas cap d’òrdre del Conselh Electoral de l’estat espanhòl.
Per Unitat d’Aran, lo respècte de la legalitat en vigor es superior a la volontat populara, que dempuèi cinc ans es a l’origina de las manifestacions mai nombrosas de l’istòria de Catalonha en demandant de poter votar, de poder decidir. Totun, après veire lo documentari Las cloacas de interiorque vos ne parlam dins las informacions de Jornalet, es de mai en mai complicat de comprene que se pòsca parlar de lei e de respectar la Constitucion.
Franc del cònsol de Les, Emílio Medan —que s’es tengut fidèl a las valors originàrias d’Unitat d’Aran coma partit eiretièr del movement vesinal Es Terçons— , lo partit aranés es vengut una seccion del partit socialista, nomenat PSC en Catalonha e PSÒE en Espanha, e mai son cap, Francés Boya, fa partida del conselh directiu del PSÒE.
Lo cap del PSC en Catalonha es Miquel Iceta. Aqueste, en setembre passat, demandava a Pedro Sánchez de far tot çò possible per fòrabandir lo Partit Popular de Mariano Rajoy del poder. “Pedro! Ten-te fièr! Desliura-nos de Rajoy e del PP! Per Dieu!”, çò disiá Iceta dins un discors fòrça veement.
Lo documentari que s’emetèt dins qualques televisions dimars passat, que se tornarà emetre e qu’es ara sus YouTube sostitolat en anglés, fariá tombar lo govèrn de quin país democratic que siá. Mas sembla qu’aquela escasença l’arraparàn pas los socialistas. Interrogat a prepaus del documentari, Iceta respondèt als jornalistas que l’aviá pas vist, car a la television paganta emetián Goldfinger, e sembla qu’el siá un afogat de James Bond.
Per Unitat d’Aran, lo respècte de la legalitat en vigor es superior a la volontat populara, que dempuèi cinc ans es a l’origina de las manifestacions mai nombrosas de l’istòria de Catalonha en demandant de poter votar, de poder decidir. Totun, après veire lo documentari Las cloacas de interiorque vos ne parlam dins las informacions de Jornalet, es de mai en mai complicat de comprene que se pòsca parlar de lei e de respectar la Constitucion.
Franc del cònsol de Les, Emílio Medan —que s’es tengut fidèl a las valors originàrias d’Unitat d’Aran coma partit eiretièr del movement vesinal Es Terçons— , lo partit aranés es vengut una seccion del partit socialista, nomenat PSC en Catalonha e PSÒE en Espanha, e mai son cap, Francés Boya, fa partida del conselh directiu del PSÒE.
Lo cap del PSC en Catalonha es Miquel Iceta. Aqueste, en setembre passat, demandava a Pedro Sánchez de far tot çò possible per fòrabandir lo Partit Popular de Mariano Rajoy del poder. “Pedro! Ten-te fièr! Desliura-nos de Rajoy e del PP! Per Dieu!”, çò disiá Iceta dins un discors fòrça veement.
Lo documentari que s’emetèt dins qualques televisions dimars passat, que se tornarà emetre e qu’es ara sus YouTube sostitolat en anglés, fariá tombar lo govèrn de quin país democratic que siá. Mas sembla qu’aquela escasença l’arraparàn pas los socialistas. Interrogat a prepaus del documentari, Iceta respondèt als jornalistas que l’aviá pas vist, car a la television paganta emetián Goldfinger, e sembla qu’el siá un afogat de James Bond.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Imagini ieu de "socialistas" (coma Mitterrand ?) que, del temps de la segonda guèrra mondiala, auriá refiusat d'integrar la Resisténcia per amor que seriá estat contrari a las leis en vigor de governament de Veichei… Parlatz-me d'esquerristas estatals, tè ! Qu'es aquel "socialisme" d'unes PSC, PSOE e autre PSF ? Amb politicalhas que vos vòlon escafar imperialistament, colonialament, ven lèu fait pas mai possibla cap discussion.
PSC = nacionalistas espanhòls (coma el PP) + ipocritas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari