editorial
Barcelona: de leiçons d’umanitat... e de misèria
En seguida del tragic atemptat que lo patiguèt Barcelona dijòus passat, que daissèt 14 mòrts e 126 nafrats, los rets socials comencèron de difusar d’informacions de tota sòrta. Qualques unas d’aquestas informacions èran falsas e d’autras mostravan los mòrts e los nafrats que sofrissián malament sul sòl de la Rambla. Pasmens, l’actitud majoritària dels barceloneses nos a donat qualques leiçons d’umanitat: plusors usatgièrs comolèron los rets socials amb d’imatges de polits gatons per ajudar la crida de la polícia de difondre pas d’imatges e d’informacions que podián empedir la tasca de las autoritats o revelar d’informacion als terroristas.
Cal soslinhar que dins los moments de consternacion, ràbia e paur que seguissián l’atemptat, los ciutadans comencèron d’ofrir de cambras als toristas qu’avián lor lotjament près de la Rambla, portavan de botelhas d’aiga als menaires de las veituras arrestadas dins los taps de trafec, los taxistas e los transpòrts publics menavan lo mond a gratis e los ciutadans anavan en molonada als espitals per donar lor sang. En mai d’aquò, capitèt fòrt plan l’etiqueta #StopIslamofobia per combatre lo profièch que l’ultradrecha xenofòba voliá traire de l’atemptat suls rets socials.
“No tinc por” (“Ai pas paur”)
L’endeman, divèrses acamps mostravan lo refús de l’atemptat. De soslinhar la minuta de silenci que se faguèt a miègjorn per tota la vila e lo país. Lo mond qu’èran acampats sus la Plaça Catalonha e sus la Rambla, près del luòc del masèl, s’entraïnèron a cridar espontanèament “No tinc por” (“Ai pas paur”), un crit que circulèt pertot per rebutar de manièra esmoventa l’ataca terrorista. Puèi, l’etiqueta #NoTincPor venguèt populara sus Twitter.
De misèria
Malastrosament, lo caire miserable nos l'an mostrat qualques unes dels jornals mai legits. Qualques comunas catalanas an cancelat lors abonaments als jornals El Periódico e La Vanguardiaperque mostravan d’imatges explicits de las victimas de l’atemptat sus la primièra pagina. Dins aquel sens, Caprabo, una famosa cadena de supermercats catalana, a refusat de vendre dins qualques de sos establiments los jornals El Mundo e El Periódico per la meteissa rason.
D’autre latz, i a totjorn los que profièchan dels mòrts e de la dolor per propagar lors idèas, una practica que consideram indecenta, mas emplegada fa gaire per l’ultradrecha racista per difondre l’islamofobia. Aqueste còp, i a agut almens dos mèdias espanhòls fòrça coneguts e legits, El País e El Mundo, qu’an fach servir aquela practica mespresabla per criticar lo procès independentista catalan dins lors editorials.
Cal soslinhar que dins los moments de consternacion, ràbia e paur que seguissián l’atemptat, los ciutadans comencèron d’ofrir de cambras als toristas qu’avián lor lotjament près de la Rambla, portavan de botelhas d’aiga als menaires de las veituras arrestadas dins los taps de trafec, los taxistas e los transpòrts publics menavan lo mond a gratis e los ciutadans anavan en molonada als espitals per donar lor sang. En mai d’aquò, capitèt fòrt plan l’etiqueta #StopIslamofobia per combatre lo profièch que l’ultradrecha xenofòba voliá traire de l’atemptat suls rets socials.
“No tinc por” (“Ai pas paur”)
L’endeman, divèrses acamps mostravan lo refús de l’atemptat. De soslinhar la minuta de silenci que se faguèt a miègjorn per tota la vila e lo país. Lo mond qu’èran acampats sus la Plaça Catalonha e sus la Rambla, près del luòc del masèl, s’entraïnèron a cridar espontanèament “No tinc por” (“Ai pas paur”), un crit que circulèt pertot per rebutar de manièra esmoventa l’ataca terrorista. Puèi, l’etiqueta #NoTincPor venguèt populara sus Twitter.
De misèria
Malastrosament, lo caire miserable nos l'an mostrat qualques unes dels jornals mai legits. Qualques comunas catalanas an cancelat lors abonaments als jornals El Periódico e La Vanguardiaperque mostravan d’imatges explicits de las victimas de l’atemptat sus la primièra pagina. Dins aquel sens, Caprabo, una famosa cadena de supermercats catalana, a refusat de vendre dins qualques de sos establiments los jornals El Mundo e El Periódico per la meteissa rason.
D’autre latz, i a totjorn los que profièchan dels mòrts e de la dolor per propagar lors idèas, una practica que consideram indecenta, mas emplegada fa gaire per l’ultradrecha racista per difondre l’islamofobia. Aqueste còp, i a agut almens dos mèdias espanhòls fòrça coneguts e legits, El País e El Mundo, qu’an fach servir aquela practica mespresabla per criticar lo procès independentista catalan dins lors editorials.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai pas páur
Es una responsa espontanèa al terrorisme, que la sia tòca es la terror o la páur.
Soi pas segur que los atemptats suicidas siòscan de terrorism classic. Es una forma de guerra contra un monde.
La vida contunha, m'agrada mai.
Mès cal pas negar que quicòm a cambiat.
#4 Lo dangièr ven d'una societat exclusiva, de mai en mai inegalitarista e individualista, que mena de mai en mai de mond al desesper e a l'ignorància : e donc a la risca d'èsser manipulats.
#5 Totalament d'acòrdi. Es pur bon sens.
Cal daissar parlar la rason et non pas las emocions.
Cresi que i a una manca de vigilància ciutadina fàcia a de procèssus de radicalizacion.
Lo sarrabastal menat per totes los mediás es tal qu'un còp de mai Dache es ganhant , que es la tòca cercada, far parlar de l'organisacion terrorista qu'es en passa de pèrdre la guèrra dins Siria e Iraq...
Per ieu la segonda leiçon es pas novèla , los jornalistas son responsablas de la perseguida dels atemptats , que semblan se congostar de comptar los mòrts del terrorisme , qué i a un fum de mòrts que los interèssan pas cap. Mai , las populacions d'Africa son mostradas del det clarament coma colpablas, coma o foguèron un còp èra las italianas , espanhòlas , catalanas, poloneses, alara qu' aquelas populacions van pas mai a la mosquèa , donc aqueles jornalistas dubrisson grandas las pòrtas , als calucs , als racistas, als blancs del genre KKK , e pus tard preparan lo retorn dels pogròms. Tot aquò dich sens oblidar la pena immensa de las familhas de las victimas , que cap de "cinemà" jornalistic poirà pas jamai consolar
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari