editorial
Jornalet: libre d’estil dobèrt
S’es agut dich que Jornalet es un dels còrpus textuals en lenga occitana mai importants del sègle XXI, per la varietat dels subjèctes tractats, pel modèl de lenga emplegat e per la coeréncia lingüistica dins l’aplicacion d’aqueste modèl.
La qualitat e la coeréncia de la lenga emplegada a Jornalet son pas casualas: i a darrièr elas lo trabalh prigond d’un Conselh Lingüistic qu’aplica rigorosament la nòrma establida per Alibèrt, Lafont, lo CLO (Conselh de la Lenga Occitana), demest d’autras sorsas, dont per exemple l’òbra lexicografica de Frederic Mistral. En mai de l’aplicacion de la nòrma, lo Conselh Lingüistic de Jornalet pren de decisions per resòlver de problèmas que s’èran pas jamai trobats (cossí escriure en occitan estandard un nom de vila? Quina tipografia adoptar? E los neologismes? etc.).
Long dels 5 ans de son existéncia, Jornalet a començat de fargar, per l’amolonament de totas las causidas fachas —e mai informalament, d’en primièr—, son pròpri libre d’estil.
La còla de Jornalet avèm pensat que, del meteis biais qu’aqueste libre d’estil que s’es a escriure jorn après jorn nos guida dins la redaccion de nòstres articles, tanben poiriá èsser una aisina utila pels usatgièrs especializats (professors, jornalistas...) e tanben pels usatgièrs abituals, que trabalhan pas amb la lenga, mas que vòlon resòlver d’un biais practic lors questions lingüisticas.
Es evident que, amb aquò, avèm pas la pretension de generar una nòva nòrma. Es pas necite. La nòrma ja existís e, cossí que siá, es pas la tòca d’un jornal de la fargar, mas de l’aplicar. Çò que volèm far es expausar publicament nòstras causidas, balhar las sorsas de las decisions lingüisticas que prenèm, e —perqué pas?— convidar lo lector de Jornalet a las aplicar, el tanben.
E mai l’organizacion d’aqueste repertòri siá pas aisida, volèm començar d’establir un debat public sus l’usatge jornalistic e quotidian de la lenga occitana. Per ansin, volèm dobrir un espaci ont los legeires pòscan pausar de questions sus las causidas e los critèris de Jornalet. Incorporarem pauc a pauc las responsas dins nòstre “Libre d’estil dobèrt”, que bastirem amassa, legeires, jornalistas e lingüistas.
Mandatz vòstras questions al corrièr electronic clj(a)jornalet.com e periodicament publicarem la responsa de nòstre Conselh Lingüistic.
La qualitat e la coeréncia de la lenga emplegada a Jornalet son pas casualas: i a darrièr elas lo trabalh prigond d’un Conselh Lingüistic qu’aplica rigorosament la nòrma establida per Alibèrt, Lafont, lo CLO (Conselh de la Lenga Occitana), demest d’autras sorsas, dont per exemple l’òbra lexicografica de Frederic Mistral. En mai de l’aplicacion de la nòrma, lo Conselh Lingüistic de Jornalet pren de decisions per resòlver de problèmas que s’èran pas jamai trobats (cossí escriure en occitan estandard un nom de vila? Quina tipografia adoptar? E los neologismes? etc.).
Long dels 5 ans de son existéncia, Jornalet a començat de fargar, per l’amolonament de totas las causidas fachas —e mai informalament, d’en primièr—, son pròpri libre d’estil.
La còla de Jornalet avèm pensat que, del meteis biais qu’aqueste libre d’estil que s’es a escriure jorn après jorn nos guida dins la redaccion de nòstres articles, tanben poiriá èsser una aisina utila pels usatgièrs especializats (professors, jornalistas...) e tanben pels usatgièrs abituals, que trabalhan pas amb la lenga, mas que vòlon resòlver d’un biais practic lors questions lingüisticas.
Es evident que, amb aquò, avèm pas la pretension de generar una nòva nòrma. Es pas necite. La nòrma ja existís e, cossí que siá, es pas la tòca d’un jornal de la fargar, mas de l’aplicar. Çò que volèm far es expausar publicament nòstras causidas, balhar las sorsas de las decisions lingüisticas que prenèm, e —perqué pas?— convidar lo lector de Jornalet a las aplicar, el tanben.
E mai l’organizacion d’aqueste repertòri siá pas aisida, volèm començar d’establir un debat public sus l’usatge jornalistic e quotidian de la lenga occitana. Per ansin, volèm dobrir un espaci ont los legeires pòscan pausar de questions sus las causidas e los critèris de Jornalet. Incorporarem pauc a pauc las responsas dins nòstre “Libre d’estil dobèrt”, que bastirem amassa, legeires, jornalistas e lingüistas.
Mandatz vòstras questions al corrièr electronic clj(a)jornalet.com e periodicament publicarem la responsa de nòstre Conselh Lingüistic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Libre d'estil
En primièr, fa besonh d'un còdi estructurat en articles numerotats, disponible dins Jornalet, coma un còdi de dreit, e indicant los motius de las causidas. (cf òbras del CLO)
Punt important, ja soslinhat de per GJB
En mai de la coëréncia interna, cal pensar coëréncia externa amb le monde latin, manlèus e neologismes.
Tot lo monde sap plan qu'ai criticat qualques còps las causidas linguisticas de Jornalet.
Soi pas legitim per o far pr'amor que soi pas linguista.
Per contra coma legeire podrai pausar de question.
Aquò es una plan bona causa. Permetrà de desplaçar los debats linguistics, qu'endecan los articles (sovent plan bons) mas qu'apassionan los occitanistas. Lo fons serà tractat dins los articles, e los guirguilhs martians sus la difonduda de formas policentricas en estat d'emergéncia seràn sus una pagina dedicada. Grandmercés CLJ !
Jornalet es a l'ora d'ara lo sol medià vertadièrament pan-occitan. Soi encantat d'i legir, jos la pluma dels intervenents o dels legèires, la lenga nòstra dins tota la diversitat dels dialectes seus. Fasètz lo ligam e la coërència linguistica que faria una ràdio o una tele que cobriria la totalitat de l'espaci d'òc. Tanben soi tras qu'esmogut de veire qu'avètz tanben de legèires dins los paises catalan, pròva viva de la compreneson amb la lenga bessona.
Contunhatz coma aquò, emai se mai d'un còp nos carpinham e romegam dins aquesta agòra miraclosa que representatz. Sustot espèri qu'archivatz tot aquò que s'escriu dins Jornalet (articles e corrièrs dels legèires), qu'es per l'avenidor un testimòni de tria sus la vida de la lenga en aquesta debuta dau sègle vint-e-unenc.
Una soscadissa benlèu utopica seria que Jornalèt perlongue l'experiència per la creacion d'una ràdio o d'una tele hertzianas (que lo net demòra tròp confidencial) de mèsma portada informativa e culturala sus tot l'espandi occitan, dels Aups a l'Atlantica.
Encara plan mercès d'existir, tenètz-vos fièrs, òsca e longamai !
Jornalet es publicament dobert a la critica, a la diferéncia d'academias.
Es essencial que i auja interferéncias entre un jornal e sos legeires.
#20 Quora constata una error, l'Academia Occitana ni mai ni mens vertadièra que tot çò que pòt anar e venir dins aqueste mond, la rectifica, notadament, per començar, las erros sieunas.
Per quant a dire s'es o non es una Academia l'Academia Occitana, dirai simplament que "se reconeis un arbre a sa fruita".
Fisèl, o soi en amor. Per çò mai, m'acontenti d'anar rigorós.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari