editorial
Se servir d’Aran per far d’anticatalanisme
Tanlèu que la Republica Catalana se foguèt proclamada divendres passat, l’etiqueta #ElValledeArán (la Val d’Aran en espanhòl) venguèt subjècte de mòda de Twitter dins l’estat espanhòl. Cinc oras après la proclamacion, mai de 8500 fiuladas s’èran publicadas amb aquela etiqueta. Gaireben totes los messatges se regaudissián qu’Aran volguèsse far pas partida de Catalonha en cresent que pels catalans aquò seriá un malaise.
L’origina d’aquela subta aranesofilia espanholista es pas d’autra qu’una nòva que corrèt pels mèdias antiindependentistas, que disiá que lo Conselh General d’Aran s’amassariá diluns per decidir sa sortida de Catalonha. La nòva foguèt emesa per las principalas cadenas de television espanhòlas e quitament los jornals mai legits de tendéncia unionista. Fin finala, lo quite sindic d’Aran deguèt publicar un comunicat per refutar aquela informacion.
Mas la precision del Govèrn d’Aran serviguèt pas a grand causa. Dissabte se passejavan per Bossòst, dins l’encastre de Era Mongetada, de jornalistas del programa d’Antena 3 TV, Espejo Público (miralh public), una emission que tracta l’actualitat d’un biais fòrça sensacionalista. Los jornalistas, se se pòdon nomenar atal, pausavan de questions amb de responsas reduccionistas e convidavan lo mond a respondre amb mesprètz.
La còla de Jornalet criticam e refusam aquela esplecha espanholista de la Val d’Aran per far d’anticatalanisme, mai que mai mentre qu’es pas l’estat espanhòl qu’a reconegut la lenga occitana ni las institucions aranesas d’autogovèrn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
" qu’es pas l’estat espanhòl qu’a reconegut la lenga occitana ni las institucions aranesas d’autogovèrn" normal puisque la Val d'Aran est administrée par la Catalogne, si Madrid l'avait fait on aurait entendu les cris d'orfraie des séparatistes dénonçant une intromission de "l'état espagnol". Par contre Madrid a entériné le droit à décider du Val d'Aran et c'est un élément à relever.
" qu’es pas l’estat espanhòl qu’a reconegut la lenga occitana ni las institucions aranesas d’autogovèrn" normal puisque la Val d'Aran est administrée par la Catalogne, si Madrid l'avait fait on aurait entendu les cris d'orfraie des séparatistes dénonçant une intromission de "l'état espagnol". Par contre Madrid a entériné le droit à décider du Val d'Aran et c'est un élément à relever.
#9 Macron qu'ei mes gascon que no pas lo Puèidamont, la sié mairana (de Macron) qu'ei bigordana, ce'm sembla.
Lo sénher Carles Puigdemont parla pas gascon, un pauc coma Emmanuel Macron.
le espnholisme mes ranci intenta fer veure que les aranesos estarien millor fora de catalonha, quan l´autonomia lo vall d´aran no la tendría amb un altre territori espnhol. un exemple ho tenir amb lo territori de parla catalana anomenada franja de ponen, els catalanoparlants no tenen lo reconeixement dins d´aragó ni lo autogobern que te l gran.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari