editorial
Anem, Òc!
L’occitan perilha a l’Universitat de Niça, çò publicàvem dijòus passat; Calandreta a manifestat un còp de mai contra la supression dels contractes ajudats, çò publicàvem fa qualques jorns; una manifestacion a Tolosa per l’occitan a la television, èra fa gaire dins las actualitats de Jornalet... E mai se la lenga nòstra es moribonda, es encara a l’ora d’ara mespresada e atacada per las autoritats d’un estat que solament s’inquieta pel francés, e per que l’usatge del femenin lo faga pas desaparéisser.
L’occitan es de mai en mai dins una situacion pietadosa, mas las manifestacions per sa dignitat son de mai en mai nombrosas. Los ensenhaires, los escolans, las associacions politicas, socialas, culturalas, etc. organizan d’eveniments en favor de la lenga e mòstran cada setmana que sèm encara aicí. Es benlèu lo temps de començar a chifrar a una autra manifestacion unitària de l’occitanisme.
Dins aquel sens, se mandèt lo mes passat una letra dobèrta a las associacions occitanas per tal de “retrobar lo vam de las manifestacions «Anem Òc!»”, que reprodusèm en seguida e que la còla de Jornalet sosten. Las grandas manifestacions per la lenga que se son tengudas a Carcassona, Besièrs, Tolosa e Montpelhièr (e quitament lo grand passacarrièra que lo visquèt Rodés en 2013) an donat de vam a l’occitanisme e an demostrat que nòstra revendicacion es plan viva e ganha de fòrças. En mai d’aquò, aquelas protèstas unitàrias an mes en evidéncia qu’occitanistas de drecha e d’esquèrra, d’ecologistas e de partisans de l’energia nucleara, d’atèus e de catolics, de rics e de paures, de pacifistas e de militaristas, de simpatics e d’antipatics... sèm estats qualque còp totes capables d’agir amassa e ensems per çò mai considerable: salvar la lenga e la cultura del país, e far avançar Occitània cap a sa reünificacion e son autogovèrn.
Se nos metèm al trabalh? Anem, òc!
L’occitan es de mai en mai dins una situacion pietadosa, mas las manifestacions per sa dignitat son de mai en mai nombrosas. Los ensenhaires, los escolans, las associacions politicas, socialas, culturalas, etc. organizan d’eveniments en favor de la lenga e mòstran cada setmana que sèm encara aicí. Es benlèu lo temps de començar a chifrar a una autra manifestacion unitària de l’occitanisme.
Dins aquel sens, se mandèt lo mes passat una letra dobèrta a las associacions occitanas per tal de “retrobar lo vam de las manifestacions «Anem Òc!»”, que reprodusèm en seguida e que la còla de Jornalet sosten. Las grandas manifestacions per la lenga que se son tengudas a Carcassona, Besièrs, Tolosa e Montpelhièr (e quitament lo grand passacarrièra que lo visquèt Rodés en 2013) an donat de vam a l’occitanisme e an demostrat que nòstra revendicacion es plan viva e ganha de fòrças. En mai d’aquò, aquelas protèstas unitàrias an mes en evidéncia qu’occitanistas de drecha e d’esquèrra, d’ecologistas e de partisans de l’energia nucleara, d’atèus e de catolics, de rics e de paures, de pacifistas e de militaristas, de simpatics e d’antipatics... sèm estats qualque còp totes capables d’agir amassa e ensems per çò mai considerable: salvar la lenga e la cultura del país, e far avançar Occitània cap a sa reünificacion e son autogovèrn.
Se nos metèm al trabalh? Anem, òc!
| fffff | fffff | |
| Letra dobèrta als responsables de las associacions occitanistas Sabèm las dificultats rencontradas per las associacions occitanistas d’aquesta passa: lo monde associatiu es escanat per la supression d’emplecs ajudats, çò que confirma al passatge la precaritat ont vivon aquelas associacions (escòlas Calandreta, associacions de promocion de la lenga e de la cultura…). Las reduccions de las dotacions a las collectivitats previstas dins lo budget 2018 anóncian de temporadas encara mai dificilas per totas las associacions. L’ensenhament public a besonh d’avançar per respondre a la demanda que creis. Lo nombre de professors formats per ensenhar en lenga es insufisent. La premsa occitana escricha, ràdio, o audiovisuala es ela tanben dins una situacion de fragilitat que compromet son desvolopament. Aquela degradacion fa que l’ora es venguda de far ausir ensemble nòstra votz. Nos fa besonh de retrobar lo vam de las manifestacions “Anem òc”! Prepausam doncas a las associacions de discutir, e de se metre d’accòrdi per organizar un recampament revendicatiu, dins l’annada 2018. Definissèm pas las modalitats d’aquesta manifestacion. Es una discussion que se deu far per trobar la solucion mai satisfasenta. Al delà de 2018, caldriá renovelar aquelas manifestacions regularament, per tornar afortir la fiertat de far viure nòstra lenga e nòstra cultura, per ajudar a la presa de consciéncia d’aquel enjòc, per mobilizar la joinesa enfin. E aquò deuriá esser una prioritat: fòrça joves se desinterèssan del foncionament associatiu s’es pas ligat a quicòm de concret. Manifestar per carrièra es un biais de los associar a l’encaminament occitanista. En conclusion, cresèm indispensable de mobilizar e de recampar largament l’occitanisme dins sa diversitat. Retrobar l’unitat es la clau d’una dinamica novèla que pòt permetre de cambiar las causas! Primièrs signataris: Uc Jourde (organizaire del Forum Ciutadan Occitan), Bruno Cecillon (jornalista), Dàvid Grosclaude (ancian president de l’IEO, ancian elegit regional), Ferriòl Macip (jornalista). | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
TOTAS la lengas minorizadas, e a PARIS. Aquò, se'n parlara a la TV. Si que non: pas res! Coma los còps passats.
#16 « La resta es de doçe somnei romantic... » ça disetz !
Aquò me far soscar a doas causas, la primièra es una cançon dels « Everly Brothers » entitolada « dream dream dream » cançons represa per « Sheila » de son nom d’artista, e las paraulas « pendant les vacances » avian pas res a vèire ambe las paraulas dels « Everly Brothers »… Aquò rai !
https://www.youtube.com/watch?v=lTYe9eDqxe8 Everly Brothers
https://www.youtube.com/watch?v=lTYe9eDqxe8 Sheila
La segonda causa es a la nòstra granda chamana « Ece Tulun » (edje touloun) que totjorn nos dis que los somis d’auèi dins lo mond d’ennaut bastisson la realitat de doman dins aqueste mond.
Es atal que se cal pas privar d’anar viatjar dins lo mond d’ennaut amb lo fuòc e ton animal ensenhador, passat la 7n pòrta trobaràs lo grand conilh craba sietat sus son cadieral d’aur, trussent una pastenaga.
https://www.youtube.com/watch?v=VKCIhS8Jcok
Ai una remarca critica que me sembla reflectar una màjer part de l'opinion.
Le projecte separatista d'una entitat lingüistica istorica, amassant totas opinions, çò es apolitic, revèn a la creacion d'un espaci plus pichon a l'identic de França actuala, amb totes les inconvenents e sens les avantatges del pés dins le monde, fosquèssa l'expleitacion e l'inegalitat, e mesma la conaria plus agradables en òc.
La lenga es un supòrt important de comunicacion, e degun pensa seriosament a un remplaçament del francés d'amb l'occitan dins l'airal istoric. La promocion d'un retòrn al bilingüisme es un tòca atenhable, se, se l'òm se dona les mejans d'escampar les blocatges psicosociologics e cognitius.
La resta es de doçe somnei romantic...
Me pensi que caldriá far çò que marcha plan al jorn d'uèi.
Far coma le movement " Nuèit dedrèit ", acamp local a l'entorn d'un aperitiu e repais partejat, e escambis. Ha, ha! Cal èsser dus per començar...
Per quant a una revendicacion geopolitica sus la base d'una entitat lingüistica, aquò's metre le carri davant les buòus, fosquèssa en cap d'unes doces somiaires...
#13
Soi brica d'acòrd per una causida de votacion dels aderents per votacion electronica des lòcs.
Se la pachacada de la resulta de la region "occitanie" a pas sufís... es ora de n'en tirar las leiçons çò me sembla e de pas tornar cabussar.
Lo luòc de manifestacion deu far partit d'una estrategia, la quite manifestacion es una estrategia, se pòt manifestar per mantunas causas : contra un poder,per se tornar estructurar, per marcar un territòri eca....
Demai la manifestacion es una estona passadissa, que sembla èsser l'amira, Es l'alestiment que damnda fòrça trabalh, puèi i a lo apèi la manifestacion aqui nos cal limpar sul l'èrsa per de tirar un dequé e caldria pas qu'un còp passada la manidestacion tot s'aflaquissèssa.
Alavetz de òc per una estructura que desvolopa una estrategia, que faguèssa las causidas del luòc, que trablaha ambe las associcions localas, que siòsquessa fach un document d'alestiment, que siguèssa facha una campanha d'informacion locala, e apèi que las energias averadas contunhesson lo trabalh al nivèl local.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari