editorial
Soi Rémi Fraisse
Dijòus passat o raportàvem e èrem esglasiats. L’enquèsta judiciària sus la mòrt de Rémi Fraisse finís sus un non-luòc, coma ben cranhiá arunan Jean-Pierre Fraisse, lo paire del jove tolosan. Rémi Fraisse foguèt tuat en octòbre de 2014 per una granada que lancèt un gendarma dins l’encastre de la repression d’una protèsta contra la construccion d’una restanca a Sivens (Galhaqués).
En genièr de l'an passat, la familha del jove estudiant tuat foguèt informada de la barradura de l’instruccion, començada fa mai de dos ans sens que cap de responsable foguèsse pas mes en examen. En seguida, los avocats de la familha faguèron lors denóncias contra los responsables civils e militars del drama per “falses testimoniatges” e "subornacion de testimònis".
Bernard Cazeneuve, ministre de l'Interior francés al moment del crime, descartèt tota idèa de demissionar. Al contrari, s'ofriguèt lo luxe d'atacar en justícia aqueles que l'avián tengut per explicitament responsable de la tragèdia.
Mentretant, las autoritats explicavan que lo projècte del barratge de Sivens èra d'utilitat publica, que los zadistas èran d'extremistas violents fòra la lei que terrorizavan los païsans del parçan. Mas en decembre de 2015 los trabalhs abandonavan discretament la zòna e lo projècte perdèt son utilitat publica. Après l'intervencion europèa e la del Ministèri de l'Environament, los zadistas avián ganhat. Mas Rémi Fraisse èra mòrt.
La mòrt d'un èsser uman ès quicòm de grèu. Pus grèu es que lo mòrt siá tuat per un autre èsser uman. Pus grèu encara es que la victima siá un jove pacifista que manifèsta —amb rason— per l'environament en favor d'un Mond melhor. Totjorn pus grèu es que siá estat tuat per un representant de l'administracion publica. Enfin, se l'administracion publica assumís pas cap de responsabilitat e la justícia daissa l'enquèsta sus un non-luòc, deven complicat de creire que sèm en democracia.
En genièr de l'an passat, la familha del jove estudiant tuat foguèt informada de la barradura de l’instruccion, començada fa mai de dos ans sens que cap de responsable foguèsse pas mes en examen. En seguida, los avocats de la familha faguèron lors denóncias contra los responsables civils e militars del drama per “falses testimoniatges” e "subornacion de testimònis".
Bernard Cazeneuve, ministre de l'Interior francés al moment del crime, descartèt tota idèa de demissionar. Al contrari, s'ofriguèt lo luxe d'atacar en justícia aqueles que l'avián tengut per explicitament responsable de la tragèdia.
Mentretant, las autoritats explicavan que lo projècte del barratge de Sivens èra d'utilitat publica, que los zadistas èran d'extremistas violents fòra la lei que terrorizavan los païsans del parçan. Mas en decembre de 2015 los trabalhs abandonavan discretament la zòna e lo projècte perdèt son utilitat publica. Après l'intervencion europèa e la del Ministèri de l'Environament, los zadistas avián ganhat. Mas Rémi Fraisse èra mòrt.
La mòrt d'un èsser uman ès quicòm de grèu. Pus grèu es que lo mòrt siá tuat per un autre èsser uman. Pus grèu encara es que la victima siá un jove pacifista que manifèsta —amb rason— per l'environament en favor d'un Mond melhor. Totjorn pus grèu es que siá estat tuat per un representant de l'administracion publica. Enfin, se l'administracion publica assumís pas cap de responsabilitat e la justícia daissa l'enquèsta sus un non-luòc, deven complicat de creire que sèm en democracia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal saludar la còla de Jornalet de préner una posicion non-consensuala, s'espiam le sondatge.
Sèm totes Remi Fraisse, jos la menaça d'èsser tuats per la "fòrça publica".
Fai bèl briu que sèm PAS en democracia ! Saguessiam en democracia, aquò se saupriá perque se veiriá, se viuriá quicom de totalament diferent d'aquò viugut despièi de generacions.
Onte z-es la libertat de decidar per se, per los sius e per la comunautat locala ? Onte z-es nòstre poder ?
Sèm pas solament representats, que non ! Sèm di-ri-gits. Amai luènt de nòstres liòcs de vida, de nòstras realitats jornadièiras per fin de servir, tala una armada de formiguetas, un Estat emb d'una Euròpa venduda (acòrd de prossimitat, me permetretz) a de gròs enterèsses privats.
Tanben, se voliam prene lo problèma a la basa, faudriá procedir d'un autre biais. Qu'enjusca ara, fasèm pas que tocar las consequenças d'una absença de democracia. Faudriá entrincar una demanda democratica generala en demandent (a la gròssa, per començar) que siágue suprimit lo sufratge universau, que siágon relocalizats los centres de decision e que la populacion vengue plenament actritz e decideira dau projèct collectiu comunautari, comunau pièi regionau.
Vivèm pas pus perque l'umanitat deu viure : vivèm per una minoritat usurpatritz e dangieirosa que sèrv un Diu (poder/argent) avalisseire de la Vida e de nòstres bens comuns. Chau partir d'onte tot comença. Autrament, obtenèm pas que brisas e malur. E questa demanda de democracia (qu'es un drech) deu venir una esigença dals pòples d'Euròpa, ara que nos savèm encromits per s'èstre fachs vendre una Euròpa mercantila e desumanizada.
Per ce qu'es dau darrièr paragrafa d'aqueste article, es tot simplament... juste. Mès benlèu qu'un article mai detalhat, clar, sans complasença, emparciau, fariá besonh ; qu'aqueste afaire de Sivens, ço me pense, dau començament a la fin, ressòna encara de las enformacions que volguèron ben nos bailar nòstres braves mèdias nacionaus...
Le sondatge que sièc, mòstra una paricipacion fèbla e un acòrdi/desacòrdi al 50/50, qu'es en incoeréncia amb l'opinion jornaletenca sus la violéncia policiala en Catalonha.
L'usatge de la fòrça en democracia, la violéncia d'una opinion sus l'autra en democracia, es legitim?
Cal tornar convencre amb un novel editorial e sondatge per levar una indignacion selectiva.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari