editorial
La drecha 2.0 nos manda a l'armada
Torna lo servici militar en França. Lo president Emmanuel Macron a ratificat un de sos engatjaments electorals, lo de crear un “servici nacional universal” que responda als nòus besonhs de defensa del país. En mai d'aquò, a confirmat son intencion de portar lo budget del Ministèri de la Defensa al 2% del PIB d’aicí a 2025.
D'un costat, nos demandam quins son los nòus besonhs de defensa de l'estat francés en particular, e de l'UE en general. De l'autre, nos pausam la question de las prioritats economicas de la nòva politica europèa, de mai en mai al servici de las bancas e del cabal.
Las prioritats de la nòva drecha europèa 2.0 son pas de recuperar las lengas e las culturas en perilh, coma la nòstra, ni mai de promòure de valors de partatge, de convivialitat e de dobertura d'esperit. Sembla que la prioritat es la guèrra. De guèrras qu'a l'ora d'ara pòrtan de grands beneficis a las societats de las armas e dels carburants, e de patiment a l'umanitat. De guèrras que pòrtan de centenats de milièrs de refugiats, qu'an paur, talent e freg; e que patisson la demonizacion de part de l'ultradrecha que se servís d’eles per obténer mai de vòtes e mai de poder.
La gestion que l’a facha l'UE amb la crisi dels refugiats, aponduda a la responsa de l'UE davant la crisi de Catalonha e Aran e la crisi economica de Grècia, entre d'autres afars, a fach créisser l'euroscepticisme e la decepcion envèrs las valors constitutivas de l'UE. E lo que ne trai mai de profièch es encara un còp l'ultradrecha.
Mentretant, la drecha 2.0 tornarà menar los nòstres enfants al servici militar, ont lo recrutament forçat deformarà tornarmai lo caractèr dels joves del país, que i arribaràn ja preparats amb las valors de l'Educacion dicha nacionala. Los que somiàvem qu'un jorn los nòstre joves vendrián de mai en mai creatius e conscientizats en favor dels pus fèbles e del ben comun, sèm tristes de veire que totes los elements son prèstes per que los joves occitans vengan de mai en mai autoritaristas e sàpian pas pus se pausar de questions.
D'un costat, nos demandam quins son los nòus besonhs de defensa de l'estat francés en particular, e de l'UE en general. De l'autre, nos pausam la question de las prioritats economicas de la nòva politica europèa, de mai en mai al servici de las bancas e del cabal.
Las prioritats de la nòva drecha europèa 2.0 son pas de recuperar las lengas e las culturas en perilh, coma la nòstra, ni mai de promòure de valors de partatge, de convivialitat e de dobertura d'esperit. Sembla que la prioritat es la guèrra. De guèrras qu'a l'ora d'ara pòrtan de grands beneficis a las societats de las armas e dels carburants, e de patiment a l'umanitat. De guèrras que pòrtan de centenats de milièrs de refugiats, qu'an paur, talent e freg; e que patisson la demonizacion de part de l'ultradrecha que se servís d’eles per obténer mai de vòtes e mai de poder.
La gestion que l’a facha l'UE amb la crisi dels refugiats, aponduda a la responsa de l'UE davant la crisi de Catalonha e Aran e la crisi economica de Grècia, entre d'autres afars, a fach créisser l'euroscepticisme e la decepcion envèrs las valors constitutivas de l'UE. E lo que ne trai mai de profièch es encara un còp l'ultradrecha.
Mentretant, la drecha 2.0 tornarà menar los nòstres enfants al servici militar, ont lo recrutament forçat deformarà tornarmai lo caractèr dels joves del país, que i arribaràn ja preparats amb las valors de l'Educacion dicha nacionala. Los que somiàvem qu'un jorn los nòstre joves vendrián de mai en mai creatius e conscientizats en favor dels pus fèbles e del ben comun, sèm tristes de veire que totes los elements son prèstes per que los joves occitans vengan de mai en mai autoritaristas e sàpian pas pus se pausar de questions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#15 Se pòt comprendre atal. Coma o sabètz lo "coma cal" de cadun es diferent; donc de cada ensenhaire qu'ensenha e qu'evalua. Per exemple lo nombre d'antimilitaristas dins l'Educacion Nacionala que vos susprendriá benlèu
#15 le bon obrièr e le bon patron, le bon logatari e le bon proprietari, le bon produseire e le bon consumeire, le bon mestre e le bon esclau...
Aquò resume le potonorsisme de Macron.
De véser sa filiacion filosofica... Descriptatge!!!
#5 Cal completar lo non dich:
-de lengatges per pensar COMA CAL;
-la formacion de la persona COMA CAL;
-representacion del mond QUE CAL AVER e de l'activitat umana QUE CONVEN.
Ara cal saupre qual definis çò qu'es coma cal e çò que conven.
Avètz rason totes dos, Mossur Isopet emb de Mossur Lachaud. Mès Mossur Bardòu parla vrai tanben e denonça quicòm que mon paire ne'n poiriá temoniar. Lo problèma tornarmai es l'absença de de-mo-cra-cia.
Dinc una VRAIA DEMOCRACIA (ce qu'es pas jamai arrivat !), chasca ciutadan sariá au còp decideire e bastisseire de la comunautat locala, de son avenir. E per fin de tot còmpte es lo projèct collectiu globau (la societat regionala amai nacionala) que se desmancipariá, s'organizariá per gerir entelligentament sa vida jornadièira emb de, per amira, l'avenir de las novèlas generacions.
Quò fai que chascun vendriá responsable, se retrovariá lo sens de la responsabilitat endividuala que non poiriá qu'aveire de consequenças positivas.
Mès quò d'aquí se viu solament dinc una vraia democracia. E quand vivèm pas dinc una vraia democracia e que lo poder de decision es acaparat per d'oportunistas venduts e capables de fotre de guèrras onte n'i a pas per justificar lurs cobesiá, segur qu'una armada fai bersonh pièi.
En fin finala, podèm dire que l'armada es l'acampament de vidas sans gaire de pretz per lo jorn qu'espetariá una grand batuèsta ; batuèsta que veirà pas jamai los òmes d'Estat s'entretuar...
E vist que sèm dinc un periòde de chaumatge grèu e de creis dals ganha-menuts, gendarmariá, polícia e armada vènon per mai d'un l'escasença de correctament se ganhar la vida emb d'una plaça segura enjusca a la retirada.
Gramecí, Mossur Maquereau, per vòstra politica prometosa. Mès la... mairastra-patria emb de sa chinaralha de garda son pas qu'un pretèste per totjorn servir mai d'enterèsses privats. A la bòna vòstra emb de l'argent dals autres... e pièi un jorn, quau sap... emb de lurs vida !
#10 Es una vision. De mon punt de vista (mas pretendi pas que sia La Vertat universala) l'educacion nacionala ensenha tanben a viure ensemble. Es sovent l'endrech ont los mainatge encontran mai de mainatges diferents. Cresi que fasèm tanben passar de valors, e pas solament la competitivitat: tolerància, viure ensemble, las règlas de cortesia de basa, l'entre-ajuda... Disi pas que sia lo cas pertot e per totes, mas cresi que sèm nombroses amb aqueles objectius.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari