editorial
Pas aital, Sénher Macron
Dimarts passat, lo president de França, Emmanuel Macron, anoncièt que lo castèl de Villers-Cotterêts, seriá la futura Ciutat de la Francofonia. Lo sit dins lo qual se signèt la primièra ordenança contra l'occitan e contra totas las autras lengas que lo francés, serà un luòc de 90 000 m2 entièrament dedicat a una de las obsessions màgers de l'imperialisme francés: lo culte de la lenga.
Aimar sa lenga es quicòm de natural e de san, mas ne far un culte exclusiu implica lo desir de supremacia d'aquela lenga per dessús las autras, un fach qu'en Occitània avèm ben pro patit. Sabèm plan que "tota lenga es solubla dins l'acid jacobin"
Se d'un costat poiriam saludar lo fach de partejar una lenga, aquò deuriá implicar una reciprocitat per ensems celebrar e aparar nòstra diversitat dins un escambi cultural fòrça ric. Pasmens, Macron a prepausat de ligar l'èime de la Francofonia amb un simbòl de l'enebicion e del mesprètz de l'autre. Pas besonh de ramentar lo mal que lo faguèt l'ordenança de Villers-Cotterêts a totas las lengas territorialas de l'Estat autras que lo francés.
Çò qu'esperàvem d'una democracia digna del sègle XXI, dins una estapa ont deuriam aver despassat la Vergonha, es un retorn e una reparacion pel culturicidi de nòstre pòble. Al contrari, Macron nos manda conscientament un messatge de mesprètz e nos demòstra un còp de mai que la Francofonia es sinonim de lingüicidi, de culturicidi e de colonizacion. Mentretant, al Panteon de París, l'Abat Grégoire contunha de calcigar la cara de Jaurés.
Aimar sa lenga es quicòm de natural e de san, mas ne far un culte exclusiu implica lo desir de supremacia d'aquela lenga per dessús las autras, un fach qu'en Occitània avèm ben pro patit. Sabèm plan que "tota lenga es solubla dins l'acid jacobin"
Se d'un costat poiriam saludar lo fach de partejar una lenga, aquò deuriá implicar una reciprocitat per ensems celebrar e aparar nòstra diversitat dins un escambi cultural fòrça ric. Pasmens, Macron a prepausat de ligar l'èime de la Francofonia amb un simbòl de l'enebicion e del mesprètz de l'autre. Pas besonh de ramentar lo mal que lo faguèt l'ordenança de Villers-Cotterêts a totas las lengas territorialas de l'Estat autras que lo francés.
Çò qu'esperàvem d'una democracia digna del sègle XXI, dins una estapa ont deuriam aver despassat la Vergonha, es un retorn e una reparacion pel culturicidi de nòstre pòble. Al contrari, Macron nos manda conscientament un messatge de mesprètz e nos demòstra un còp de mai que la Francofonia es sinonim de lingüicidi, de culturicidi e de colonizacion. Mentretant, al Panteon de París, l'Abat Grégoire contunha de calcigar la cara de Jaurés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
França e Espanha (Castelha), totjorn an fach lo meteis.. PRO!!!. Me sap grèu que n'apreni.
// França i Espanya (Castella) sempre i tothora han fet el mateix. PROU!!
#4 Oblidavi de dire sus aqueste darrièr punt (*) que la situacion dels malgashes, lo "pais dels dreches de l'òme" se'n fot complètament.
La Francofonia servís a apiejar de regims corromputs. Exemple: Madagascar.
Del temps de la presidéncia de Ravalomanana, òme d’afar, protestant e americanofil, se comencèt de favorisar l’anglés. Çò qu’agradava pas brica al govèrnament francés. Còp de fòrça orquestrat pel patrón d’una ràdio populara e cònsol d’Antananarivo, la capitala. Puèi, nòu còp de fòrça per remplaçar lo Rajoelina per una còla de raubaires encara piéger.
França cluca los uèlhs que sa sola preocupación es de gardar Madagascar dins l’airal d’influéncia francesa. Cossí? En autrejant, a la fin de 2017, per dos ans la presidéncia de la francofonía al govèrnament malgash. Avèm balhat, nosautres, los contribuables, 2 milions e mièg d’euros a aquel govèrn d’escrocaires. I a pas que qualques meses d’aquò e los milions ja an desaparescut.
Fa pas res. La grandor de “ la Frons” a pas de prètz. Mentretant, a nosautres occitans, en mai de nos far las pòchas per regalar de raubaires, nos escanan tant coma pòdon en nos refusant lo minimum vital*.
*S’entend que lo minimum vital a Madagascar es d’una autra natura: lo pòble i crèba, afamat pels dirigents venduts a las multinacionalas. O cal remembrar.
Macron nos manda conscientament un messatge de mesprètz e nos demòstra un còp de mai que la Francofonia es sinonim de lingüicidi, de culturicidi e de colonizacion. Mentretant, al Panteon de París, l'Abat Grégoire contunha de calcigar la cara de Jaurés : res de nòu jol solelh. E ne crebam…
Çò qu'esperàvem d'una democracia digna del sègle XXI èra pas tanpauc de veire empreisonat los responsables politics elegits del catalanisme per delicte d'opinion, ni de veire matrassats a còps de barras los estudiants manifestant lor desaprobacion politica, ne de veire mesa jos tutèla tota una universitat en cauma per la meteissa rason. Mas es çò que vesèm. Dins aqueste ambient, non sois susprés ges ni mica davant l'exepression una arrogança mespresosa coma lo reinvestiment d'aquela plaça maldita e reiala de l'istòria de l'egemonisme racista francés. Tot çò qu'es pas el deu s'escafar e desaparéisser…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari