editorial
Catalonha Ràdio: 30 ans d'emissions en occitan
Divendres passat, l'emission informativa del ser de Catalonha Ràdio faguèt un programa especial d’Aran estant per Catalonha tota. La ràdio publica de la Generalitat de Catalonha volguèt atal festejar los 30 ans d’emissions en occitan aranés. E mai se, qualques ans abans, Ràdio Vaquèira fasiá ja d’emissions en lenga del país, las emissions de la ràdio publica en lenga d’òc comencèron en Aran lo 26 de març de 1988. A respècte de lo país, caldriá mençonar Ràdio País, nascuda en Bearn fa 35 ans.
Per festejar l’eveniment, l’informatiu nomenat "Catalunya vespre" (Catalonha ser), faguèt un programa especial, que suls rets socials se poguèt tanben seguir en vidèo. L’emission —que combinava d’un biais fòrça normal e equitable las lengas catalana e occitana— foguèt pas solament una celebracion de l’occitan dins la ràdio publica mas tanben un cors magistral de lenga, cultura, societat e politica aranesas per totes los catalans. Abans las informacions generalas, lo presentaire se passegèt per Vielha acompanhat de la musiciana Alidé Sans, que pus tard animariá l’emission, e tanben de l’èx-sindica Amparo Serrano. Puèi un debat amb los principals actors politics e culturals del país tractèt los afars d’Aran. Aquí descobriguèrem las inquietuds dels araneses, saupèrem que lo debat independentista èra pas present al país, e mai los esperits se sián a dobrir de mai en mai devèrs la Republica, e descobriguèrem los vejaires de totas las autoritats politicas e culturalas davant las darrièras atacas del Tribunal Constitucional contra l’occitan coma lenga preferenciala en Aran.
Dins aqueste editorial, volèm saludar l’enòrme trabalh que l'a fach la Generalitat de Catalonha per l’occitan. Del temps que los catalans se son batuts per normalizar e dignificar lor lenga minorizada, an tostemps mostrat una sensibilitat remirabla envèrs l’occitan, e an reconegut que per salvar una lenga los mèdias son imprescindibles.
Per quant a Jornalet, es necite de soslinhar que l’ofici de la politica lingüistica de la Generalitat a sostengut lo projècte tre lo primièr moment. Al començament amb de publicitats institucionalas, pr'amor que podián pas far autrament, e puèi, dempuèi l’an passat, per mejan de sa nòva seccion de subvencions especifica per l’occitan. E mai las ressorsas sián escassas, la volontat la cal reconéisser e mercejar.
Per festejar l’eveniment, l’informatiu nomenat "Catalunya vespre" (Catalonha ser), faguèt un programa especial, que suls rets socials se poguèt tanben seguir en vidèo. L’emission —que combinava d’un biais fòrça normal e equitable las lengas catalana e occitana— foguèt pas solament una celebracion de l’occitan dins la ràdio publica mas tanben un cors magistral de lenga, cultura, societat e politica aranesas per totes los catalans. Abans las informacions generalas, lo presentaire se passegèt per Vielha acompanhat de la musiciana Alidé Sans, que pus tard animariá l’emission, e tanben de l’èx-sindica Amparo Serrano. Puèi un debat amb los principals actors politics e culturals del país tractèt los afars d’Aran. Aquí descobriguèrem las inquietuds dels araneses, saupèrem que lo debat independentista èra pas present al país, e mai los esperits se sián a dobrir de mai en mai devèrs la Republica, e descobriguèrem los vejaires de totas las autoritats politicas e culturalas davant las darrièras atacas del Tribunal Constitucional contra l’occitan coma lenga preferenciala en Aran.
Dins aqueste editorial, volèm saludar l’enòrme trabalh que l'a fach la Generalitat de Catalonha per l’occitan. Del temps que los catalans se son batuts per normalizar e dignificar lor lenga minorizada, an tostemps mostrat una sensibilitat remirabla envèrs l’occitan, e an reconegut que per salvar una lenga los mèdias son imprescindibles.
Per quant a Jornalet, es necite de soslinhar que l’ofici de la politica lingüistica de la Generalitat a sostengut lo projècte tre lo primièr moment. Al començament amb de publicitats institucionalas, pr'amor que podián pas far autrament, e puèi, dempuèi l’an passat, per mejan de sa nòva seccion de subvencions especifica per l’occitan. E mai las ressorsas sián escassas, la volontat la cal reconéisser e mercejar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Catalunya vespre" (Catalonha ser) : m'agrada plan aquela mena de traduccion, aboludament especiosa qu'inutila. Lo vèspre s'emplega tant en occitan coma en catalan e adven al meteis moment de la jornada.
Lo que far la generalitat de catalonha pel occitá no es paga en res. Un traball de formiga pro efectiu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari