editorial
“Sant Joan, Sant Joan, se n’ei tornat”
O sabètz ben, lo títol d’aqueste editorial evòca los Adius ara Val d’Aran que canta lo grop Nadau. E ben cal dire que la còla de Jornalet avèm mostrat totjorn nòstre chepic per que l’occitanitat desmembre pas la fèsta de Sant Joan, e ongan sèm contents qu’aquela fèsta occitana aja pres un pauc de vam.
Las fèstas nacionalas occitanas patisson lo meteis sòrt que nòstra lenga e nòstra cultura. Lo mesprètz del jacobinisme non met que de dificultats per lor subrevivença e, del meteis biais qu’en Occitània es de tot en tot impossible de viure plenament en occitan, es tanben impossible de festejar Sant Joan amb dignitat. D’un costat, lo 24 de junh es solament un jorn feriat en Aran, e de l’autre, dempuèi 1983, s’es establida en França lo 21 de junh una fèsta qu’esfuma la de Sant Joan.
Ongan, Sant Joan es dimenge, e doncas la velhada del 23 de junh s’es debanada amb normalitat per tot lo país, ont lo fuòc es estat un còp de mai lo protagonista. En Aran e Comenge, la fèsta a pres un vam especial tres ans après que l’UNÈSCO reconeguèt coma patrimòni immaterial de l’umanitat las “fèstas del fuòc del solstici d’estiu dels Pirenèus”. A Tolosa, Convergéncia Occitana a organizat una fèsta de doas jornadas amb de concèrts pagants de Test, Goulamas’k e Massilia Sound System dins l’encastre del Total Festum.
La fèsta de Sant Joan es una de las fèstas mai enrasigadas en Occitània e es una data que se celèbra dins tot lo territòri occitan, de Medoc a las Valadas dal Quiè e del Boscatge Borbonés fins a la Val d’Aran. Sant Joan poiriá èsser, de fach, una de las fèstas d’unitat nacionala occitana de referéncia e, per tant, es bon que la revendiquem amb fermetat.
Las fèstas nacionalas occitanas patisson lo meteis sòrt que nòstra lenga e nòstra cultura. Lo mesprètz del jacobinisme non met que de dificultats per lor subrevivença e, del meteis biais qu’en Occitània es de tot en tot impossible de viure plenament en occitan, es tanben impossible de festejar Sant Joan amb dignitat. D’un costat, lo 24 de junh es solament un jorn feriat en Aran, e de l’autre, dempuèi 1983, s’es establida en França lo 21 de junh una fèsta qu’esfuma la de Sant Joan.
Ongan, Sant Joan es dimenge, e doncas la velhada del 23 de junh s’es debanada amb normalitat per tot lo país, ont lo fuòc es estat un còp de mai lo protagonista. En Aran e Comenge, la fèsta a pres un vam especial tres ans après que l’UNÈSCO reconeguèt coma patrimòni immaterial de l’umanitat las “fèstas del fuòc del solstici d’estiu dels Pirenèus”. A Tolosa, Convergéncia Occitana a organizat una fèsta de doas jornadas amb de concèrts pagants de Test, Goulamas’k e Massilia Sound System dins l’encastre del Total Festum.
La fèsta de Sant Joan es una de las fèstas mai enrasigadas en Occitània e es una data que se celèbra dins tot lo territòri occitan, de Medoc a las Valadas dal Quiè e del Boscatge Borbonés fins a la Val d’Aran. Sant Joan poiriá èsser, de fach, una de las fèstas d’unitat nacionala occitana de referéncia e, per tant, es bon que la revendiquem amb fermetat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sant Joan tanplan coma la festa de la musica son de « fakes » !
Politicament cadun a volgut s’apoderar e s’apevar sus aquelas festas ancianas de l’alba de l’umanitat.
Aqui tanben se cal pas daissar colhonar per las colhonadas dels romans fabregats.
Desempuèi lo neolitic dins l’emisfèra nòrd l’òme festeja lo sòlstici d’estiu (sant joan) e lo sòlstici d’invern (nadal). Doas festas mai qu’importantas d’aqui estant que nos restacant als movements de l’univers e situissan l’òme dins sa vertadièra dimension.
Una autra festa de notar es la de la polcinièra (Pleiades) quora puntejan a l’asuèlh, que marca per l’emisfèra nòrd la debuta del setgatge. Quora se van jaire es la debuta del lauratge e de semenar.
Doblidem pas lo levat d’arctarus (lo boièr) 60 jorn apèi lo sòlstici d’estiu, es el que marca la debuta de las vendemias !
De notar tanben las tres vèrgas (lo rastèl, Los tres reis : orion)….
E bona passejada dins las estelas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari