entrevista
Aquera Copa deu Mond qu’a d’estar nosta!
President de l'Associacion Occitana de Fotbòl (AÒF)
Que descubrii viste çò qu’èra Occitània, las soas valors e la soa lenga Arron lo nostes bons resultats, qu’èm pres au seriós per las autas delegacions Qu’ei la fiertat de representar un pòble e ua cultura qu’estón sovent umiliats e combatuts mes que tostemps an sabut conservar lo lor dret d’existir, un dret a l’onor e au respècte Lo seleccionaire Didier Amiel que hè un tribalh remirable despuish 2008 Los jogaires que vienen de Lengadòc, Provença e Gasconha e qu’èm tanben a integrar un jogaire de las Valadas d’Itàlia N’èm pas pro ajudats peus actors economics e institucionaus que son supausats estar occitans Lo noste esquipamentèr Comando Sudista se n’ei avisat! Que podèm comptar dab eth tà ns’esquipar com cau L’AÒF qu’a per objectiu de difusar e promòver la lenga e la cultura occitanas lo mei possible au travèrs deu Mond Tà’ns sostiéner, que podètz donc espiar los matchs sus la tela, mes que podètz sustot har un don
A l’estiu 2014, la seleccion occitana de fotbòl se rendrà au nòrd d’Euròpa, en Suècia, per la Copa dau Mond dei Minoritats e Nacions sens Estat. Per Jornalet, lo president de l’AÒF, Nicolas Desachy, torna sus l’istòria de l’AÒF, sus son evolucion e son ambicion per aquela competicion internacionala.
Adieu Nicolas, per començar, nos pòs far una pichona presentacion de l’AÒF? Dempuei quora ne siás lo president?
Tot que comencè en 2007 quand un amic d’enfança, Vincenç Ribièra, seleccionaire de l’esquipa occitana de fotbòl d’aquera epòca, e’m demandè de l’ajudar per un encontre internacionau contra Chipre Nòrd a Vendargues. D’aqueth temps, que pensi que ne parlavi pas un mot d’occitan e que’m demandavi çò que hasèvi aquí! Mes que descubrii viste çò qu’èra Occitània, las soas valors e la soa lenga. En seguir lo seleccionaire que’m convidè a cadun deus eveniments, atau que vengoi capitani de la seleccion.
De 2007 a 2011, que participèi a mei d’ua Copa deu Mond (Gozo, Padània) e ua Copa d’Euròpa en Soïssa, puish en mai de 2011 e lo despart de Pèire Còsta, lo burèu de l’AÒF que m’elegí president, alavetz que hiquèi de costat las cauçaduras e uei que soi a aqueste pòst dab tostemps mei de fiertat e d’estrambòrd.
L’AÒF participarà a la CONIFA World Football Cup aqueste estiu en Lapònia. D’en primier, ne pòs dire mai sus aquela competicion?
La CONIFA (Confederacion de las Associacions Independentas de Fotbòl) qu’ei ua federacion creada en 2013. Qu’ei compausada d’esquipas que representan nacions, regions autonòmas, estats non reconeguts, minoritats, pòbles apatridas, regions o micronacions non afiliadas a la FIFA. Augan la competicion que’s debana a Östersund en Suècia. Lo tiratge de las polas que s’ei hèit lo mes passat e qu’encontraram la seleccion locau de Lapònia qu’an jogaires de la D2 norvegiana. Qu’ei ua hèra bona esquipa que ns’avèva espotit en 2007 mes qu’avèm batut 3 a 2 en 2012 a Tolosa.
Tanben que jogaram contra Abcazia, país de Caucàs, que ne coneishèm pas briga lo nivèu, que seram donc prudents cap a aqueth navèth adversari. Mes arron lo nostes bons resultats, qu’èm pres au seriós per las autas delegacions.
Que representa aquela competicion per lei jogaires d’Occitània? Ont es la motivacion per elei?
Aquera competicion qu’ei un saunei que’s realiza. Qu’ei la fiertat de representar un pòble e ua cultura qu’estón sovent umiliats e combatuts mes que tostemps an sabut conservar lo lor dret d’existir, un dret a l’onor e au respècte. Dab aquò qu’èm impacients de participar a un eveniment que nos portarà ua experiéncia esportiva pregonda dab un nivèu de jòc pròche deu nivèu de CFA e nacionau francés. Aquera Copa deu Mond qu’a d’estar nosta!
Parlem de la seleccion. I aguèt de cambiaments? D’ont son lei jogaires?
Lo seleccionaire Didier Amiel que hè un tribalh remirable despuish 2008. Cada setmana qu’ei dens un diferent parçan d’Occitània entà que la seleccion e sia lo mei possible representativa de la diversitat culturala e geografica deu país. Los jogaires que vienen de Lengadòc, Provença e Gasconha e qu’èm tanben a integrar un jogaire de las Valadas d’Itàlia.
Segur que i a ua hèrra de jogaires ja formada e que jòga un ròtle essenciau dens la vita deu grop, dens la presa de consciéncia occitana e de las soas valors fondamentaus de respècte, d’umilitat, de combativitat e de convivéncia.
Viatjar tan luenh se fa pas a gratis, coma se finança l’AÒF? Es complicat?
Complicat, òc e non! Qu’i arribam tostemps tant que n’exigim pas de bilheta d’avion en classa “ahars” o d’ostalaria cinc estelas tà dromir. Totun n’èm pas pro ajudats peus actors economics e institucionaus que son supausats estar occitans o qu’an, per d’autas causas, un budget gigant. Atau que demandam aus jogaires ua participacion financèra tà las despensas de foncionament de l’associacion, que’s cau vodar plenament a la causa occitana.
Per çò qu’es deu viatge en Suècia aqueste estiu, que serà ua vertadèra aventura. Qu’anaram dinc a Niça en auto puish que preneram l’avion per Trondheim en Norvègia. En seguir, que calerà préner lo bus dinc a Östersund, lòc de la competicion.
Adieu Nicolas, per començar, nos pòs far una pichona presentacion de l’AÒF? Dempuei quora ne siás lo president?
Tot que comencè en 2007 quand un amic d’enfança, Vincenç Ribièra, seleccionaire de l’esquipa occitana de fotbòl d’aquera epòca, e’m demandè de l’ajudar per un encontre internacionau contra Chipre Nòrd a Vendargues. D’aqueth temps, que pensi que ne parlavi pas un mot d’occitan e que’m demandavi çò que hasèvi aquí! Mes que descubrii viste çò qu’èra Occitània, las soas valors e la soa lenga. En seguir lo seleccionaire que’m convidè a cadun deus eveniments, atau que vengoi capitani de la seleccion.
De 2007 a 2011, que participèi a mei d’ua Copa deu Mond (Gozo, Padània) e ua Copa d’Euròpa en Soïssa, puish en mai de 2011 e lo despart de Pèire Còsta, lo burèu de l’AÒF que m’elegí president, alavetz que hiquèi de costat las cauçaduras e uei que soi a aqueste pòst dab tostemps mei de fiertat e d’estrambòrd.
L’AÒF participarà a la CONIFA World Football Cup aqueste estiu en Lapònia. D’en primier, ne pòs dire mai sus aquela competicion?
La CONIFA (Confederacion de las Associacions Independentas de Fotbòl) qu’ei ua federacion creada en 2013. Qu’ei compausada d’esquipas que representan nacions, regions autonòmas, estats non reconeguts, minoritats, pòbles apatridas, regions o micronacions non afiliadas a la FIFA. Augan la competicion que’s debana a Östersund en Suècia. Lo tiratge de las polas que s’ei hèit lo mes passat e qu’encontraram la seleccion locau de Lapònia qu’an jogaires de la D2 norvegiana. Qu’ei ua hèra bona esquipa que ns’avèva espotit en 2007 mes qu’avèm batut 3 a 2 en 2012 a Tolosa.
Tanben que jogaram contra Abcazia, país de Caucàs, que ne coneishèm pas briga lo nivèu, que seram donc prudents cap a aqueth navèth adversari. Mes arron lo nostes bons resultats, qu’èm pres au seriós per las autas delegacions.
Que representa aquela competicion per lei jogaires d’Occitània? Ont es la motivacion per elei?
Aquera competicion qu’ei un saunei que’s realiza. Qu’ei la fiertat de representar un pòble e ua cultura qu’estón sovent umiliats e combatuts mes que tostemps an sabut conservar lo lor dret d’existir, un dret a l’onor e au respècte. Dab aquò qu’èm impacients de participar a un eveniment que nos portarà ua experiéncia esportiva pregonda dab un nivèu de jòc pròche deu nivèu de CFA e nacionau francés. Aquera Copa deu Mond qu’a d’estar nosta!
Parlem de la seleccion. I aguèt de cambiaments? D’ont son lei jogaires?
Lo seleccionaire Didier Amiel que hè un tribalh remirable despuish 2008. Cada setmana qu’ei dens un diferent parçan d’Occitània entà que la seleccion e sia lo mei possible representativa de la diversitat culturala e geografica deu país. Los jogaires que vienen de Lengadòc, Provença e Gasconha e qu’èm tanben a integrar un jogaire de las Valadas d’Itàlia.
Segur que i a ua hèrra de jogaires ja formada e que jòga un ròtle essenciau dens la vita deu grop, dens la presa de consciéncia occitana e de las soas valors fondamentaus de respècte, d’umilitat, de combativitat e de convivéncia.
Viatjar tan luenh se fa pas a gratis, coma se finança l’AÒF? Es complicat?
Complicat, òc e non! Qu’i arribam tostemps tant que n’exigim pas de bilheta d’avion en classa “ahars” o d’ostalaria cinc estelas tà dromir. Totun n’èm pas pro ajudats peus actors economics e institucionaus que son supausats estar occitans o qu’an, per d’autas causas, un budget gigant. Atau que demandam aus jogaires ua participacion financèra tà las despensas de foncionament de l’associacion, que’s cau vodar plenament a la causa occitana.
Per çò qu’es deu viatge en Suècia aqueste estiu, que serà ua vertadèra aventura. Qu’anaram dinc a Niça en auto puish que preneram l’avion per Trondheim en Norvègia. En seguir, que calerà préner lo bus dinc a Östersund, lòc de la competicion.
Fa pas caud amondaut! Avètz previst lei pulovèrs?
Lo noste esquipamentèr Comando Sudista se n’ei avisat! Que podèm comptar dab eth tà ns’esquipar com cau, mes de tot biaish, las temperaturas esperadas d’aquera epòca de l’annada son enter 10 e 15 gras.
Dempuei qu’existís l’AÒF, a ganhat en legitimitat? Coma o podètz constatar?
Òc ben, la seleccion qu’ei mei legitima dens lo mond deu fotbòl mercés au tribalh de Didier Amiel. Qu’avèm relacions de las bonas dab entraïnaires e presidents de club que ns’arcuelhen plan cada dimenjada. Adara los clubs mes tanben la premsa que s’interèssan a nosautes.
Dens lo mond economic e institucionau, com ac èi ja dit, qu’ei mei complicat e mei long. Aürosament avèm partenaris que’ns segueishen e qu’aumentan cada annada la lor participacion financèra.
Es complicat d’organizar de partidas amicalas pendent l’annada? Seriá possible de considerar un rescòntre còntra una nacion reconeguda per la FIFA?
Çò que n’ei pas aisit, qu’ei de trobar la bona data tà aqueths encontres amicaus. Los nostes jogaires que son dens campionats diferents e qu’ei pro rar d’estar disponible la dimenjada, nosautes com los eventuaus adversaris. Tanben dab los nostes mejans financèrs modèsts, que devèm refusar quauques invitacions.
Per la rèsta, l’AÒF qu’a per objectiu de difusar e promòver la lenga e la cultura occitanas lo mei possible au travèrs deu Mond. N’a pas hèra d’interès de jogar contra ua nacion reconeguda per la FIFA (a despart de la mediatizacion), mes n’i èm pas totaument opausats. N’avèm pas besonh de confrontar la nosta cultura a la de l’esquipa advèrsa e ne pensam pas que degam demandar lo dret d’existir. Qu’existim e que causim los eveniments que ns’agradan e que’ns permeten de miar lo noste projècte.
Coma fasèm per seguir lei valentiás de l’AÒF a la Copa dau Mond?
Que hicaram sus la nosta pagina Facebook los ligams tà véder en dirècte las partidas nostas.
Cada persona interessada que’s deu inscríver e causir la soa esquipa favorida. Aquò qu’ei important pr’amor dab los esponsors en linha, los beneficis de l’streaming vidèo que seràn balhats segon lo percentatge de suportaires de cada seleccion.
Tà’ns sostiéner, que podètz donc espiar los matchs sus la tela, mes que podètz sustot har un don, que pòt balhar dret a ua reduccion d’impòst suu revengut. Que’ns podètz tanben ajudar tà trobar esponsors de malhòts o tanben d’autes partenaris.
Matieu Casanòva
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Francament òsca, e soi rubiejaire cap e tot. Bon mondiau e que prengatz vam e consisténcia de mei anar mei !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari