Los collectius d’ensenhaires d’occitan an reagit coma de vertadièrs eròis e se son mobilizats d’un biais extraordinari davant la reforma Blanquer que fa davalar considerablament l'ensenhament de l'occitan dins l'escòla publica al segondari. Es gràcias a eles que vegèrem un còp de mai una bèla manifestacion per l’occitan a Tolosa en febrièr passat, e de protèstas reüssidas per tot lo país, de Tarba fins a Ais de Provença, que nos an tornat lo vam de nos batre per viure al país. Ara, los ensenhaires an decidit de far un pas mai luènh e de s'unir amb los collectius d’ensenhaires dels autres pòbles que patisson la meteissa sòrta de colonizacion jos l’opression del meteis colonizaire. Es amb aquel esperit que demandam a totòm d’anar a París lo 30 de novembre que ven, e de cridar net e clar totes ensems amb los alsacians, los bascos, los bretons, los catalans, los còrses e totes los pòbles de l’Exagòn que sèm de pòbles per descolonizar, que volèm prene consciéncia de nòstras lengas e culturas raubadas e que desiram de las recobrar, per çò que l’educacion es indispensabla.

Per aquela rason, partejam sus Jornalet l'eveniment Facebook d'aquela manifestacion.