capçalera campanha

Fotografias

Meissonencas en Camarga pichòta

A la debuta de l'estiu, quand lo solèu escaluda tot, montan lei meissonencas, au rescontre de la sòm cremanta e de lor mòrt.

Lisa Gròs

  • Sus la tèrra tan seca, nòstra fin
  • Sus la crotz abenada s'amolonèron dau costat de l'ombra maigrostela
  • Revolums pegats a la branca dau desesper
  • Quant de temps vos fauguèt, morguetas, per escalar vers la mòrt?
  • Quand lo solèu ven fuòc, montan leis estivencas
  • Perletas preciosas
  • Per quala dança eterna se son calhadas lei rondas menudas?
  • Pantais de s'aparar dau solèu baug au còr dau fèrre torcit
  • Ont'anar, onte?
  • Nos quichèrem en pèrlas leugièiras
  • Montar, fugir encara vers l'improbabla frescor
  • Lo Mistrau nos balança
  • Meissonencas, bagas o bracelets alentorn dau rosèu
  • Linhas puras pegadas sus rovilha cremanta
  • Lei ventres mòls s'estrifèron sus l'aspretat blava
  • Lei flors dei rosèlas moriguèron; nos mesclam a sei fruchas
  • Joièu
  • Fielat d'èrbas
  • F coma fuòc dau cèu
  • Fèrre e solèu faguèron la pacha per nos cremar
  • Espinhas de sang, nos empacharetz pas de montar totjorn!
  • Dei fuèlhas d'oliu o de nos autrei, quau rauba mai la lutz?

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.